ਉਹ ਇਸ ਫੈਸਟੀਵਲ ਵਿਚ ਜਿਊਰੀ ਹੋਵੇਗੀ ਅਤੇ ਅਜਿਹਾ ਕਰਨ ਵਾਲੀ ਉਹ ਇਕਲੌਤੀ ਭਾਰਤੀ ਅਦਾਕਾਰਾ ਹੈ। ਦੀਪਿਕਾ ਇਸ ਗੱਲ ਨੂੰ ਲੈ ਕੇ ਕਾਫੀ ਚਰਚਾ ‘ਚ ਹੈ। ਦੀਪਿਕਾ 16 ਤੋਂ 28 ਮਈ ਦਰਮਿਆਨ ਕਾਫੀ ਵਿਅਸਤ ਰਹਿਣ ਵਾਲੀ ਹੈ। ਉਹ ਫਰੈਂਚ ਰਿਵੇਰਾ ‘ਚ ਅੰਤਰਰਾਸ਼ਟਰੀ ਮੰਚ ‘ਤੇ ਭਾਰਤ ਦੀ ਪ੍ਰਤੀਨਿਧਤਾ ਕਰੇਗੀ। ਦੀਪਿਕਾ ਪਾਦੁਕੋਣ ਨੂੰ ਫ੍ਰੈਂਚ ਅਦਾਕਾਰਾ ਵਿਨਸੇਂਟ ਲਿੰਡਨ ਦੀ ਅਗਵਾਈ ਵਾਲੀ 8 ਮੈਂਬਰੀ ਜਿਊਰੀ, 75ਵੇਂ ਕਾਨਸ ਫਿਲਮ ਫੈਸਟੀਵਲ ਲਈ ਵਿਸ਼ੇਸ਼ ਅਤੇ ਬਹੁਤ ਹੀ ਸ਼ਾਨਦਾਰ ਜਿਊਰੀ ਦਾ ਹਿੱਸਾ ਬਣਨ ਲਈ ਚੁਣਿਆ ਗਿਆ ਸੀ। ਉਸ ਨਾਲ ਈਰਾਨੀ ਫਿਲਮ ਨਿਰਮਾਤਾ ਅਸਗਰ ਫਰਹਾਦੀ, ਸਵੀਡਿਸ਼ ਅਦਾਕਾਰਾ ਨੂਮੀ ਰੈਪੇਸ ਅਤੇ ਅਦਾਕਾਰਾ ਪਟਕਥਾ ਲੇਖਕ ਅਤੇ ਨਿਰਮਾਤਾ ਰੇਬੇਕਾ ਹਾਲ ਸ਼ਾਮਲ ਹੋਣਗੇ।

ਇਨ੍ਹਾਂ ਤੋਂ ਇਲਾਵਾ 8 ਮੈਂਬਰੀ ਜਿਊਰੀ ‘ਚ ਅਦਾਕਾਰਾ ਜੈਸਮੀਨ ਟ੍ਰਿੰਕਾ, ਫਰਾਂਸੀਸੀ ਨਿਰਦੇਸ਼ਕ ਲਾਡਜ ਲੀ, ਅਮਰੀਕੀ ਨਿਰਦੇਸ਼ਕ ਜੇਫ ਨਿਕੋਲਸ ਅਤੇ ਨਾਰਵੇ ਦੇ ਨਿਰਦੇਸ਼ਕ ਜੋਆਚਿਮ ਟ੍ਰੀਅਰ ਸ਼ਾਮਲ ਹਨ।ਖਬਰਾਂ ਮੁਤਾਬਕ ਦੀਪਿਕਾ 2017 ਤੋਂ ਕਾਨਸ ਫਿਲਮ ਫੈਸਟੀਵਲ ਦੇ ਰੈਗੂਲਰ ਰੈੱਡ ਕਾਰਪੇਟ ‘ਤੇ ਆਪਣੀ ਖੂਬਸੂਰਤੀ ਦਿਖਾ ਰਹੀ ਹੈ। ਇਸ ਸਾਲ ਵੀ ਉਹ 10 ਦਿਨਾਂ ਤੱਕ ਰੈੱਡ ਕਾਰਪੇਟ ‘ਤੇ ਵਾਲਕ ਕਰਦੀ ਨਜ਼ਰ ਆਵੇਗੀ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦੀਪਿਕਾ ਪਾਦੁਕੋਣ ਕੋਲ ਫਿਲਮਾਂ ਦੀ ਲੰਬੀ ਲਿਸਟ ਹੈ। ਉਹ ਸ਼ਾਹਰੁਖ ਖਾਨ ਨਾਲ ‘ਪਠਾਨ’, ਰਿਤਿਕ ਰੋਸ਼ਨ ਨਾਲ ‘ਫਾਈਟਰ’, ਪ੍ਰਭਾਸ ਨਾਲ ‘ਪ੍ਰੋਜੈਕਟ ਕੇ’ ਅਤੇ ਅਮਿਤਾਭ ਬੱਚਨ ਨਾਲ ‘ਦਿ ਇੰਟਰਨ’ ਰੀਮੇਕ ‘ਚ ਹੈ। ਉਸ ਕੋਲ ਆਪਣੇ ਪ੍ਰੋਡਕਸ਼ਨ ਹਾਊਸ ਦੀ ਇੱਕ ਫਿਲਮ ਵੀ ਹੈ, ਜੋ ਅਗਲੇ ਸਾਲ ਫਲੋਰ ‘ਤੇ ਜਾਵੇਗੀ।

The post ਅਦਾਕਾਰਾ ਦੀਪਿਕਾ ਪਾਦੂਕੋਣ ‘Cannes Film Festival’ ਦੀ ਹੋਵੇਗੀ ਜੱਜ appeared first on Daily Post Punjabi.