ਫਿਲਹਾਲ ਫਿਲਮ ਦਾ ਨਾਂ ‘ਪ੍ਰੋਜੈਕਟ-ਕੇ’ ਰੱਖਿਆ ਗਿਆ ਹੈ, ਜਿਸ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਇਸ ਫਿਲਮ ਦਾ ਪਹਿਲਾ ਸ਼ੈਡਿਊਲ ਮੇਕਰਸ ਨੇ ਹੈਦਰਾਬਾਦ ‘ਚ ਸ਼ੁਰੂ ਕਰ ਦਿੱਤਾ ਹੈ। ਫਿਲਮ ਦੀ ਸ਼ੂਟਿੰਗ ਫਿਲਹਾਲ ਰਾਮੋਜੀ ਫਿਲਮ ਸਿਟੀ, ਹੈਦਰਾਬਾਦ ‘ਚ ਚੱਲ ਰਹੀ ਹੈ। ਇੱਥੇ ਟੀਮ ਪ੍ਰਭਾਸ ਅਤੇ ਦੀਪਿਕਾ ਦੇ ਕੁਝ ਸੀਨ ਸ਼ੂਟ ਕਰਨ ਜਾ ਰਹੀ ਹੈ। ਦੀਪਿਕਾ ਪਾਦੁਕੋਣ ਕੁਝ ਦਿਨ ਪਹਿਲਾਂ ਸ਼ੂਟਿੰਗ ਸ਼ੁਰੂ ਕਰਨ ਲਈ ਹੈਦਰਾਬਾਦ ਗਈ ਸੀ, ਜਦਕਿ ਪ੍ਰਭਾਸ ਹਾਲ ਹੀ ‘ਚ ਸੈੱਟ ‘ਤੇ ਜੁਆਇਨ ਕੀਤਾ ਹੈ। ਇਸ ਦੌਰਾਨ, ਨਿਰਮਾਤਾਵਾਂ ਨੇ ਪਹਿਲੇ ਸ਼ਾਟ ਦਾ ਇੱਕ ਵੀਡੀਓ ਜਾਰੀ ਕੀਤਾ, ਜੋ ਉਨ੍ਹਾਂ ਨੇ ਪ੍ਰਭਾਸ ਅਤੇ ਦੀਪਿਕਾ ‘ਤੇ ਸ਼ੂਟ ਕੀਤਾ ਸੀ। ਇਸ ਵੀਡੀਓ ‘ਚ ਪ੍ਰਭਾਸ ਅਤੇ ਦੀਪਿਕਾ ਹੱਥ ਮਿਲਾਉਂਦੇ ਨਜ਼ਰ ਆ ਰਹੇ ਹਨ।

ਇਸ ਫਿਲਮ ਦੇ ਨਿਰਮਾਤਾਵਾਂ ਲਈ ਇਹ ਇਕ ਸੁਪਨੇ ਵਾਲੀ ਕਾਸਟ ਹੈ, ਜਿਸ ਵਿਚ ਭਾਰਤੀ ਸਿਨੇਮਾ ਦੇ ਵੱਡੇ ਨਾਂ ਅਮਿਤਾਭ ਬੱਚਨ, ਪ੍ਰਭਾਸ, ਦੀਪਿਕਾ ਪਾਦੂਕੋਣ ਅਹਿਮ ਭੂਮਿਕਾਵਾਂ ਵਿਚ ਨਜ਼ਰ ਆਉਣਗੇ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਦੀਪਿਕਾ ਪਾਦੂਕੋਣ ਅਤੇ ਪ੍ਰਭਾਸ ਦੀ ਜੋੜੀ ਵੱਡੇ ਪਰਦੇ ‘ਤੇ ਨਜ਼ਰ ਆਵੇਗੀ। ਇੰਨਾ ਹੀ ਨਹੀਂ ਦੀਪਿਕਾ ਪਾਦੁਕੋਣ ਦੀ ਇਹ ਪਹਿਲੀ ਸਾਊਥ ਫਿਲਮ ਹੋਣ ਜਾ ਰਹੀ ਹੈ। ਬਿੱਗ ਬੀ ਬਾਰੇ ਗੱਲ ਕਰਦੇ ਹੋਏ ਫਿਲਮ ਦੇ ਨਿਰਦੇਸ਼ਕ ਨਾਗ ਅਸ਼ਵਿਨ ਨੇ ਕਿਹਾ ਕਿ ਮੈਂ ਖੁਦ ਨੂੰ ਖੁਸ਼ਕਿਸਮਤ ਸਮਝਦਾ ਹਾਂ ਕਿ ਬਹੁਤ ਸਾਰੇ ਵਿਕਲਪਾਂ ਵਿੱਚੋਂ ਬੱਚਨ ਸਰ ਨੇ ਸਾਡੀ ਫਿਲਮ ਨੂੰ ਚੁਣਿਆ ਹੈ।

The post ਪ੍ਰਭਾਸ ਨਾਲ ਦੀਪਿਕਾ ਪਾਦੁਕੋਣ ਨੇ ਸ਼ੁਰੂ ਕੀਤਾ Project-K, ਇਸ ਭੂਮਿਕਾ ਵਿੱਚ ਨਜ਼ਰ ਆਉਣਗੇ ਅਮਿਤਾਭ ਬੱਚਨ appeared first on Daily Post Punjabi.