ਗੱਲਬਾਤ ਸ਼ੁਰੂ ਹੋਣ ਦੇ ਵਿਚਾਲੇ ਕਿਸਾਨਾਂ ਦਾ ਅੰਦੋਲਨ ਵੀ ਜਾਰੀ ਹੈ । ਕਿਸਾਨਾਂ ਨੇ ਦਿੱਲੀ ਨੂੰ ਚਾਰੋਂ ਪਾਸਿਓਂ ਘੇਰਿਆ ਹੋਇਆ ਹੈ । ਦਿੱਲੀ ਦੇ ਸਿੰਘੁ ਬਾਰਡਰ, ਟਿਕਰੀ ਬਾਰਡਰ, ਗਾਜ਼ੀਪੁਰ ਬਾਰਡਰ ਤੇ ਨੋਇਡਾ ਬਾਰਡਰ ‘ਤੇ ਵੀ ਹਜ਼ਾਰਾਂ ਦੀ ਗਿਣਤੀ ਵਿੱਚ ਕਿਸਾਨ ਜੰਮ ਗਏ ਹਨ। ਧਰਨੇ ਵਾਲੀ ਥਾਂ ‘ਤੇ ਕਲਾਕਾਰ ਗਾਣੇ ਅਤੇ ਸੰਗੀਤ ਰਾਹੀਂ ਵੀ ਕਿਸਾਨਾਂ ਦੀ ਹੌਸਲਾ ਅਫਜਾਈ ਲਈ ਪਹੁੰਚ ਰਹੇ ਹਨ । ਲੰਗਰ ਦਾ ਪ੍ਰਬੰਧ ਵੀ ਵੱਡੇ ਪੱਧਰ ‘ਤੇ ਕੀਤਾ ਜਾ ਰਿਹਾ ਹੈ।

ਕਿਸਾਨਾਂ ਦੇ ਪ੍ਰਦਰਸ਼ਨ ਕਾਰਨ ਸਿੰਘੁ ਬਾਰਡਰ, ਟਿਕਰੀ ਬਾਰਡਰ, ਚਿੱਲਾ ਬਾਰਡਰ ਸਮੇਤ ਕਈ ਬਾਰਡਰ ਬੰਦ ਕਰ ਦਿੱਤਾ ਗਿਆ ਹੈ । ਦਿੱਲੀ ਟ੍ਰੈਫਿਕ ਪੁਲਿਸ ਵੱਲੋਂ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ । ਇਸ ਦੇ ਅਨੁਸਾਰ ਨੋਇਡਾ ਲਿੰਕ ਰੋਡ ‘ਤੇ ਸਥਿਤ ਚਿੱਲਾ ਬਾਰਡਰ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਇੱਥੇ ਸੈਂਕੜੇ ਕਿਸਾਨ ਗੌਤਮ ਬੁੱਧ ਗੇਟ ‘ਤੇ ਸੜਕ ਜਾਮ ਕਰ ਕੇ ਬੈਠੇ ਹੋਏ ਹਨ । ਇਸ ਤੋਂ ਇਲਾਵਾ ਟਿਕਰੀ ਬਾਰਡਰ, ਝਾਰੌਦਾ ਬਾਰਡਰ ਅਤੇ ਝਟੀਕਰਾ ਬਾਰਡਰ ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਹੈ । ਬਦੂਸਰਾਏ ਬਾਰਡਰ ਨੂੰ ਸਿਰਫ ਦੋ ਪਹੀਆ ਵਾਹਨ ਚਾਲਕਾਂ ਲਈ ਖੋਲ੍ਹਿਆ ਗਿਆ ਹੈ । ਹਾਲਾਂਕਿ, ਧਨਸਾ, ਦੌਰੇਲਾ, ਕਪਾਸਹੇਡਾ, ਰਾਜੋਕਰੀ NH-8, ਬਿਜਵਾਸਨ / ਬਾਜਘੇਰਾ, ਪਾਲਮ ਵਿਹਾਰ ਅਤੇ ਦੁੰਦਾਹੇਰਾ ਸਰਹੱਦ ਨੂੰ ਖੋਲ੍ਹ ਦਿੱਤਾ ਗਿਆ ਹੈ ।

ਦੱਸ ਦੇਈਏ ਕਿ ਸਿੰਘੁ ਸਰਹੱਦ ਅਜੇ ਵੀ ਕਿਸਾਨਾਂ ਦੇ ਪ੍ਰਦਰਸ਼ਨਾਂ ਕਾਰਨ ਬੰਦ ਹੈ । ਲਾਮਪੁਰ, ਔਚੰਡੀ ਸਮੇਤ ਕਈ ਛੋਟੇ ਬਾਰਡਰ ਵੀ ਬੰਦ ਹਨ । ਦਿੱਲੀ ਪੁਲਿਸ ਨੇ ਮੁਕਰਬਾ ਚੌਂਕ ਅਤੇ ਜੀਟੀਕੇ ਰੋਡ ਨੂੰ ਲੈਣ ਦੀ ਸਲਾਹ ਦਿੱਤੀ ਹੈ । ਬਾਰਡਰ ਬੰਦ ਹੋਣ ਕਾਰਨ ਭਾਰੀ ਜਾਮ ਲੱਗ ਗਿਆ ਹੈ । 

ਇਹ ਵੀ ਦੇਖੋ: ਕੇਂਦਰ ਪੂਰੀ ਤਰਾਂ ਬੌਂਦਲ਼ ਗਈ, ਗੁਰਪ੍ਰੀਤ ਘੁੱਗੀ ਨੇ ਕਿਹਾ ਹਜੇ ਤਾਂ ਆਰਾਮ ਨਾਲ ਆਏ ਆ ਗ਼ੁੱਸਾ ਨਾਂ ਦਵਾਓ

The post ਕਿਸਾਨ ਅੰਦੋਲਨ: ਜਾਣੋ ਦਿੱਲੀ ਦੇ ਕਿਹੜੇ ਐਂਟਰੀ ਪੁਆਇੰਟ ਹਨ ਬੰਦ, ਕਿੱਥੋਂ ਲੋਕ ਕਰ ਸਕਦੇ ਹਨ ਯਾਤਰਾ, ਪੜ੍ਹੋ ਪੂਰੀ ਖਬਰ… appeared first on Daily Post Punjabi.