ਪੁੱਤਰ ਅਨੁਸਾਰ ਉਸ ਦੇ ਪਿਤਾ ਨੇ ਇਕ ਸੁਸਾਈਡ ਨੋਟ ਵੀ ਛੱਡਿਆ ਹੈ, ਜਿਸ ਵਿਚ ਉਸ ਨੇ ਉਕਤ ਵਿਅਕਤੀਆਂ ‘ਤੇ ਉਸ ਨੂੰ ਤੰਗ-ਪ੍ਰੇਸ਼ਾਨ ਕਰਨ ਦੇ ਦੋਸ਼ ਲਾਏ ਹਨ। ਦੁਖੀ ਹੋ ਕੇ ਮ੍ਰਿਤਕ ਕੁਝ ਦਿਨਾਂ ਤੋਂ ਨਾਰਨੌਲ ‘ਚ ਕਿਰਾਏ ਦੇ ਮਕਾਨ ਨਾਲ ਰਹਿਣ ਲੱਗਾ ਸੀ। ਦਿੱਲੀ ਵਾਸੀ ਮਨੀਸ਼ ਸੋਨੀ ਨੇ ਵੀ ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਸ ਦਾ ਪਿਤਾ ਨਰੇਸ਼ ਸੋਨੀ ਜੈ ਜੈ ਕਲੋਨੀ ਦੇ ਮਕਾਨ ਨੰਬਰ 125 ਵਿੱਚ ਰਹਿੰਦਾ ਸੀ। ਉਹ ਆਪਣੇ ਪਿਤਾ ਨਾਲ ਗਹਿਣਿਆਂ ਦੀ ਦੁਕਾਨ ‘ਤੇ ਕੰਮ ਕਰਦਾ ਹੈ। ਉਸ ਦੇ ਪਿਤਾ ਦੀ ਉਥੇ ਦੁਕਾਨ ਸੀ ਅਤੇ ਉਹ ਕਮੇਟੀ ਚਲਾਉਂਦੇ ਸਨ। ਜਿਸ ਵਿੱਚ ਯੋਗੇਸ਼ ਗੁਜਰ, ਗੰਗਾ ਥਾਪਾ, ਦੀਪਕ ਰਾਣਾ, ਅਰੁਣ ਮਿਸ਼ਰਾ ਬਿੱਟੂ ਗਰੋਵਰ ਆਦਿ ਹਰ ਮਹੀਨੇ ਕਮੇਟੀ ਵਿੱਚ ਪੈਸੇ ਜਮ੍ਹਾਂ ਕਰਵਾਉਂਦੇ ਸਨ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

ਜੇਕਰ ਕਮੇਟੀ ਦੇ ਕਿਸੇ ਮੈਂਬਰ ਨੂੰ ਲੋੜ ਹੁੰਦੀ ਤਾਂ ਉਹ ਪੈਸੇ ਕਢਵਾ ਲੈਂਦੇ। ਇਹ ਕੰਮ 5 ਸਾਲਾਂ ਤੋਂ ਚੱਲ ਰਿਹਾ ਸੀ, ਪਰ ਦੋ-ਤਿੰਨ ਸਾਲ ਪਹਿਲਾਂ ਯੋਗੇਸ਼ ਗੁਰਜਰ ਨੇ 41 ਲੱਖ, ਗੰਗਾ ਥਾਪਾ ਨੇ 9 ਲੱਖ, ਦੀਪਕ ਰਾਣਾ ਵਰੁਣ ਮਿਸ਼ਰਾ ਨੇ 8 ਲੱਖ, ਰਾਜੀਵ ਨੇ 9 ਲੱਖ, ਮਹਿੰਦਰ ਸੋਨੀ ਨੇ 10 ਲੱਖ ਅਤੇ ਸੁਸ਼ਾਂਤ ਨੇ 12 ਲੱਖ ਲੈ ਕੇ ਵਾਪਸ ਨਹੀਂ ਕੀਤੇ। ਪੁੱਤਰ ਨੇ ਦੱਸਿਆ ਕਿ ਪਿਤਾ ਇਸ ਪੈਸੇ ਦਾ ਵਿਆਜ ਆਪਣੀ ਜੇਬ ‘ਚੋਂ ਅਦਾ ਕਰ ਰਿਹਾ ਸੀ। ਕਈ ਵਾਰ ਇਹ ਲੋਕ ਉਸ ਦੇ ਘਰ ਆ ਕੇ ਗੰਦੀਆਂ ਗਾਲ੍ਹਾਂ ਕੱਢਦੇ ਸਨ ਅਤੇ ਪਿਤਾ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੰਦੇ ਸਨ। ਇਸ ਤੋਂ ਦੁਖੀ ਹੋ ਕੇ ਪਿਤਾ ਨੇ ਸਲਫਾਸ ਖਾ ਕੇ ਜੀਵਨ ਲੀਲਾ ਸਮਾਪਤ ਕਰ ਲਈ।

The post ਦਿੱਲੀ ਦੇ ਵਪਾਰੀ ਨੇ ਹਰਿਆਣਾ ‘ਚ ਕੀਤੀ ਖੁਦਕੁਸ਼ੀ, 14 ਲੋਕਾਂ ‘ਤੇ ਤੰਗ ਕਰਨ ਦੇ ਦੋਸ਼ appeared first on Daily Post Punjabi.