ਦਿੱਲੀ ਦੇ ਸਿਹਤ ਮੰਤਰੀ ਸਤੇਂਦਰ ਜੈਨ ਨੇ ਮੰਗਲਵਾਰ ਨੂੰ ਕਿਹਾ ਕਿ ਰਾਜ ਦੇ ਸਰਕਾਰ ਵੱਲੋਂ ਦਿੱਲੀ ਦੇ ਹਸਪਤਾਲਾਂ ਬਾਰੇ ਲਏ ਗਏ ਫੈਸਲੇ ਨੂੰ LG ਸਾਹਿਬ ਨੇ ਖ਼ਤਮ ਕਰ ਦਿੱਤਾ ਹੈ, ਅਜਿਹੀ ਸਥਿਤੀ ਵਿੱਚ ਹੁਣ ਦਿੱਲੀ ਦੇ ਲੋਕਾਂ ਦਾ ਇਲਾਜ ਕਿੱਥੇ ਕੀਤਾ ਜਾਵੇਗਾ । ਦਿੱਲੀ ਵਿੱਚ ਦੁਨੀਆ ਭਰ ਤੋਂ ਉਡਾਣਾਂ ਇੱਥੇ ਆ ਗਈਆਂ ਹਨ, ਇੱਥੇ ਕੇਸ ਵੱਧ ਰਹੇ ਹਨ ।

ਸਤੇਂਦਰ ਜੈਨ ਨੇ ਇਸ ਫੈਸਲੇ ‘ਤੇ ਸਵਾਲ ਚੁੱਕਦਿਆਂ ਕਿਹਾ ਕਿ ਜੇ ਲੋਕ ਬਾਹਰੋਂ ਦਿੱਲੀ ਆਉਣਗੇ ਤਾਂ ਸੂਬੇ ਦੇ ਲੋਕਾਂ ਦਾ ਇਲਾਜ ਕਿੱਥੇ  ਹੋਵੇਗਾ। ਕੇਂਦਰ ਸਰਕਾਰ ਦੇ ਜੋ 10 ਹਜ਼ਾਰ ਬੈੱਡ ਹਨ, ਉਨ੍ਹਾਂ ਵਿੱਚ ਇਲਾਜ ਕਰਵਾ ਲੈਣ । ਕੇਂਦਰ ਨੇ ਸਾਡੀ ਮੰਗ ਨੂੰ ਸਵੀਕਾਰ ਨਹੀਂ ਕੀਤਾ ਕਿ ਉਡਾਣਾਂ ਨੂੰ ਰੋਕਿਆ ਜਾਵੇ, ਦਿੱਲੀ ਤੋਂ ਬਾਹਰਲੇ ਲੋਕਾਂ ਨੂੰ ਆਉਣ ਤੋਂ ਨਹੀਂ ਰੋਕਿਆ ਗਿਆ, ਜਿਸ ਕਾਰਨ ਕੇਸਾਂ ਵਿੱਚ ਵਾਧਾ ਹੋਇਆ ਹੈ ।

ਸਿਹਤ ਮੰਤਰੀ ਨੇ ਕਿਹਾ ਕਿ ਅਸੀਂ ਲਗਾਤਾਰ ਬੈੱਡ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ, ਏਮਜ਼ ਦੇ ਡਾਇਰੈਕਟਰ ਨੇ ਕਮਿਊਨਿਟੀ ਸਪਰੈੱਡ ਨੂੰ ਸਵੀਕਾਰ ਕਰ ਲਿਆ ਹੈ ਪਰ ਕੇਂਦਰ ਸਰਕਾਰ ਇਸ ਨੂੰ ਸਵੀਕਾਰ ਨਹੀਂ ਕਰ ਰਹੀ । ਦਿੱਲੀ ਵਿੱਚ ਅਜਿਹੇ ਬਹੁਤ ਸਾਰੇ ਮਾਮਲੇ ਹਨ, ਜਿਨ੍ਹਾਂ ਦਾ ਕੋਈ ਸਰੋਤ ਨਹੀਂ ਹੈ । ਕਮਿਊਨਿਟੀ ਸਪਰੈੱਡ ਹੈ ਜਾਂ ਨਹੀਂ, ਇਸ ਨੂੰ ਕੇਂਦਰ ਮੰਨੇਗੀ ਤਾਂ ਹੀ ਸੰਭਵ ਹੋਵੇਗਾ ।

ਦੱਸ ਦੇਈਏ ਕਿ ਦਿੱਲੀ ਵਿੱਚ ਪਿਛਲੇ ਇੱਕ ਹਫਤੇ ਵਿੱਚ ਇੱਕ ਹਜ਼ਾਰ ਤੋਂ ਵੱਧ ਮਾਮਲੇ ਸਾਹਮਣੇ ਆ ਰਹੇ ਹਨ, ਅਜਿਹੀ ਸਥਿਤੀ ਵਿੱਚ ਚਿੰਤਾ ਵੱਧਦੀ ਜਾ ਰਹੀ ਹੈ । ਦਿੱਲੀ ਵਿੱਚ ਮੰਗਲਵਾਰ ਸਵੇਰ ਤੱਕ ਕੁੱਲ ਕੋਰੋਨਾ ਵਾਇਰਸ ਦੇ 29943 ਮਾਮਲੇ ਹਨ, ਜਦੋਂ ਕਿ 874 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ।

The post ਦਿੱਲੀ ‘ਚ ਹੋ ਚੁੱਕਿਆ ਕੋਰੋਨਾ ਦਾ ‘Community Spread’, ਕੇਂਦਰ ਕਰੇਗਾ ਐਲਾਨ: ਸਤੇਂਦਰ ਜੈਨ appeared first on Daily Post Punjabi.