ਦਰਅਸਲ, ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 56 ਸਾਲਾਂ ਕੁਮਾਰ ਪਿਛਲੇ ਇੱਕ ਮਹੀਨੇ ਤੋਂ ਰਾਜਧਾਨੀ ਦਿੱਲੀ ਦੇ ਸ਼ਮਸ਼ਾਨ ਘਾਟ ਵਿੱਚ ਹਰ ਰੋਜ਼ ਡਿਊਟੀ ਨਿਭਾ ਰਹੇ ਹਨ । ਕੁਮਾਰ, ਜੋ 36 ਸਾਲਾਂ ਤੋਂ ਪੁਲਿਸ ਵਿਭਾਗ ਵਿੱਚ ਕੰਮ ਕਰ ਰਹੇ ਹਨ, ਉਹ ਹਜ਼ਰਤ ਨਿਜ਼ਾਮੂਦੀਨ ਥਾਣੇ ਵਿੱਚ ਤਾਇਨਾਤ ਹਨ, ਪਰ ਉਨ੍ਹਾਂ ਨੂੰ ਫਿਲਹਾਲ ਸ਼ਮਸ਼ਾਨ ਘਾਟ ਵਿੱਚ ਤੈਨਾਤ ਕੀਤਾ ਗਿਆ ਹੈ । ਉਹ ਇਸ ਦੌਰਾਨ ਪੁਜਾਰੀ ਅਤੇ ਦੁੱਖ ਵਿੱਚ ਡੁੱਬੇ ਪਰਿਵਾਰਾਂ ਦੀ ਕਰਦੇ ਹਨ।

ਉਨ੍ਹਾਂ ਦੱਸਿਆ ਕਿ ਉਹ ਸਵੇਰੇ 7 ਵਜੇ ਦੇ ਕਰੀਬ ਗ੍ਰਾਊਂਡ ‘ਤੇ ਆਉਂਦੇ ਹਨ ਤੇ ਜਗ੍ਹਾ ਤਿਆਰ ਕਰਨ ਵਿੱਚ ਪੁਜਾਰੀ ਅਤੇ ਕਰਮਚਾਰੀਆਂ ਦੀ ਮਦਦ ਕਰਦੇ ਹਨ । ਉਨ੍ਹਾਂ ਦੱਸਿਆ ਕਿ ਮਈ ਸਾਰਾ ਦਿਨ ਚਿਖਾ ਜਲਾਉਣ, ਲਾਸ਼ ਨੂੰ ਚੁੱਕਣ, ਪੂਜਾ ਲਈ ਸਮਾਨ ਖਰੀਦਣ ਅਤੇ ਐਂਬੂਲੈਂਸ ਚਾਲਕ ਨਾਲ ਤਾਲਮੇਲ ਕਰਨ ਵਿੱਚ ਮਦਦ ਕਰਦਾ ਹਾਂ। ਉਨ੍ਹਾਂ ਕਿਹਾ ਕਿ 13 ਅਪ੍ਰੈਲ ਤੋਂ ਮੈਂ 1100 ਤੋਂ ਵੱਧ ਦਾਹ-ਸਸਕਾਰ ਵਿੱਚ ਮਦਦ ਕੀਤੀ ਹੈ। ਇਨ੍ਹਾਂ ਵਿੱਚੋਂ ਬਹੁਤ ਸਾਰੇ ਲੋਕ ਕੋਰੋਨਾ ਨਾਲ ਪੀੜਤ ਸਨ। ਉਨ੍ਹਾਂ ਦੇ ਪਰਿਵਾਰ ਇੱਥੇ ਨਹੀਂ ਆ ਸਕਦੇ ਸੀ, ਅਜਿਹੀ ਸਥਿਤੀ ਵਿੱਚ ਉਹ ਹਰ ਵਿਅਕਤੀ ਦੀ ਸਹਾਇਤਾ ਕਰਦੇ ਹਨ।

ਦੱਸ ਦੇਈਏ ਕਿ ਕੁਮਾਰ ਦੀ ਕੁੜੀ ਦਾ ਵਿਆਹ 7 ਮਈ ਨੂੰ ਹੋਣਾ ਸੀ, ਪਰ ਕੰਮ ਵਿੱਚ ਰੁੱਝੇ ਰਹਿਣ ਕਾਰਨ ਸਮਾਰੋਹ ਫਿਲਹਾਲ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਕਿਹਾ, ‘ਕਿਉਂਕਿ ਮੈਂ ਹਰ ਸਮੇਂ ਪੀਪੀਈ ਕਿੱਟਾਂ ਅਤੇ ਡਬਲ ਮਾਸਕ ਪਹਿਨਦਾ ਹਾਂ, ਇਸ ਲਈ ਮੈਂ ਆਪਣੇ ਪਰਿਵਾਰ ਨੂੰ ਜੋਖਮ ਵਿੱਚ ਨਹੀਂ ਪਾਉਣਾ ਚਾਹੁੰਦਾ ਅਤੇ ਇੱਥੇ ਬਹੁਤ ਸਾਰੇ ਪਰਿਵਾਰ ਹਨ ਜਿਨ੍ਹਾਂ ਨੂੰ ਸਾਡੀ ਮਦਦ ਦੀ ਲੋੜ ਹੈ। ਹੁਣ ਇਹ ਮੇਰਾ ਫਰਜ਼ ਹੈ। ਮੈਂ ਇੱਥੋਂ ਕਿਵੇਂ ਜਾ ਸਕਦਾ ਹਾਂ ਅਤੇ ਆਪਣੀ ਧੀ ਦਾ ਵਿਆਹ ਕਿਵੇਂ ਕਰ ਸਕਦਾ ਹਾਂ?’

ਇਹ ਵੀ ਦੇਖੋ: ਜੇ ਬਾਈਕ ‘ਤੇ ਬੈਠੇ ਹੋ 2 ਤੇ ਗੱਡੀ ‘ਚ ਬੈਠੇ ਹੋ 3 ਤਾਂ ਪੁਲਿਸ ਘੇਰਕੇ ਤੁਹਾਡਾ ਕਰੇਗੀ ਚਲਾਨ ਨਾਲੇ ਹੋਊ ਕੋਰੋਨਾ ਟੈਸਟ !

The post ਕੋਰੋਨਾ: ਸ਼ਮਸ਼ਾਨ ਘਾਟ ‘ਚ ਡਿਊਟੀ ਕਰ ਰਹੇ ਪੁਲਿਸ ਵਾਲੇ ਨੇ ਟਾਲਿਆ ਆਪਣੀ ਧੀ ਦਾ ਵਿਆਹ, ਕਿਹਾ – ਕਿੰਝ ਮਨਾਵਾਂ ਜਸ਼ਨ appeared first on Daily Post Punjabi.