ਦਿੱਲੀ ਕ੍ਰਾਈਮ ਦਾ ਪਹਿਲਾ ਸੀਜ਼ਨ ਸਾਲ 2019 ‘ਚ ਆਇਆ ਸੀ। ਇਸ ਵੈੱਬ ਸੀਰੀਜ਼ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਿਆ ਹੈ। ਇਹੀ ਕਾਰਨ ਸੀ ਕਿ ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ ਨੇ ਐਮੀ ਅਵਾਰਡ ਜਿੱਤਿਆ। ਹੁਣ ਇਸ ਦੇ ਦੂਜੇ ਸੀਜ਼ਨ ‘ਚ ਦੇਰੀ ਨੂੰ ਲੈ ਕੇ ਵੱਡੀ ਖਬਰ ਸਾਹਮਣੇ ਆਈ ਹੈ। ਖਬਰਾਂ ਮੁਤਾਬਕ ਨੈੱਟਫਲਿਕਸ ਇੰਡੀਆ ਨੂੰ ਦਿੱਲੀ ਕ੍ਰਾਈਮ 2 ਦੇ ਕੁਝ ਸੀਨਜ਼ ਬਾਰੇ ਯਕੀਨ ਨਹੀਂ ਸੀ, ਜਿਸ ਕਾਰਨ ਇਸ ਵੈੱਬ ਸੀਰੀਜ਼ ਦੇ ਉਨ੍ਹਾਂ ਸੀਨਜ਼ ਨੂੰ ਦੁਬਾਰਾ ਸ਼ੂਟ ਕੀਤਾ ਜਾ ਰਿਹਾ ਹੈ। ਖਬਰ ਮੁਤਾਬਕ, ਨੈੱਟਫਲਿਕਸ ਦਿੱਲੀ ਕ੍ਰਾਈਮ ਸੀਜ਼ਨ 2 ਦੇ ਆਉਟਪੁੱਟ ਤੋਂ ਖੁਸ਼ ਨਹੀਂ ਹੈ ਅਤੇ ਵਾਰ-ਵਾਰ ਸੀਰੀਜ਼ ਦੇ ਵੱਡੇ ਹਿੱਸੇ ਨੂੰ ਦੁਬਾਰਾ ਸ਼ੁਰੂ ਕਰਨ ਦਾ ਆਦੇਸ਼ ਦੇ ਰਿਹਾ ਹੈ। ਜਿਸ ਕਾਰਨ ਇਹ ਵੈੱਬ ਸੀਰੀਜ਼ ਲੇਟ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ, ਦਿੱਲੀ ਕ੍ਰਾਈਮ 2 ਦੇ ਦੇਰੀ ਦਾ ਕਾਰਨ ਕੋਵਿਡ-19 ਕਾਰਨ ਲੌਕਡਾਊਨ ਸੀ। ਜੇਕਰ ਸੂਤਰਾਂ ਦੀ ਮੰਨੀਏ ਤਾਂ ਦਿੱਲੀ ਕ੍ਰਾਈਮ 2 ਨੈੱਟਫਲਿਕਸ ਇੰਡੀਆ ਦੀ ਬਹੁਤ ਹੀ ਖਾਸ ਵੈੱਬ ਸੀਰੀਜ਼ ਵਿੱਚੋਂ ਇੱਕ ਹੈ।

ਜਿਸ ਕਾਰਨ OTT ਪਲੇਟਫਾਰਮ ਕਿਸੇ ਵੀ ਤਰ੍ਹਾਂ ਦਾ ਰਿਸਕ ਨਹੀਂ ਲੈਣਾ ਚਾਹੁੰਦਾ। ਜਿਸ ਕਾਰਨ ਨੈੱਟਫਲਿਕਸ ਨੇ ਕ੍ਰਿਏਟਿਵ ਪ੍ਰੋਡਿਊਸਰ ਰਾਜੇਸ਼ ਮਾਪੁਸਕਰ ਅਤੇ ਸ਼ੋਅ ਰਨਰ ਤਨੁਜ ਚੋਪੜਾ ਨੂੰ ਸੀਰੀਜ਼ ਦੇ ਸੀਨ ਦੁਬਾਰਾ ਸ਼ੂਟ ਕਰਨ ਦਾ ਆਦੇਸ਼ ਦਿੱਤਾ ਹੈ। ਹਾਲਾਂਕਿ, Netflix ਅਤੇ ਨਿਰਮਾਤਾਵਾਂ ਦੁਆਰਾ ਕੋਈ ਅਧਿਕਾਰਤ ਘੋਸ਼ਣਾ ਨਹੀਂ ਕੀਤੀ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ ਵਿੱਚ ਸ਼ੈਫਾਲੀ ਸ਼ਾਹ, ਰਸਿਕਾ ਦੁੱਗਲ, ਆਦਿਲ ਹੁਸੈਨ ਅਤੇ ਰਾਜੇਸ਼ ਤੈਲੰਗ ਵਰਗੇ ਕਈ ਕਲਾਕਾਰ ਮੁੱਖ ਭੂਮਿਕਾਵਾਂ ਵਿੱਚ ਸਨ। ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ ਸਾਲ 2016 ਵਿੱਚ ਨਿਰਭਯਾ ਕਾਂਡ ਤੋਂ ਪ੍ਰੇਰਿਤ ਸੀ। ਇਸ ਫਿਲਮ ਨੇ ਦੁਨੀਆ ਭਰ ‘ਚ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ ਨੇ ਸਾਲ 2020 ਵਿੱਚ 48ਵਾਂ ਅੰਤਰਰਾਸ਼ਟਰੀ ਐਮੀ ਅਵਾਰਡ ਜਿੱਤਿਆ ਹੈ। ਇਸ ਸੀਰੀਜ਼ ਨੂੰ ਸਰਵੋਤਮ ਡਰਾਮਾ ਸੀਰੀਜ਼ ਦਾ ਪੁਰਸਕਾਰ ਮਿਲਿਆ। ਦਿੱਲੀ ਕ੍ਰਾਈਮ ਅੰਤਰਰਾਸ਼ਟਰੀ ਐਮੀ ਅਵਾਰਡ ਜਿੱਤਣ ਵਾਲੀ ਭਾਰਤ ਵਿੱਚ ਪਹਿਲੀ ਵੈੱਬ ਸੀਰੀਜ਼ ਹੈ। ਇਸ ਸੀਰੀਜ਼ ਦਾ ਨਿਰਦੇਸ਼ਨ ਰਿਚਾ ਮਹਿਤਾ ਨੇ ਕੀਤਾ ਹੈ।

The post ‘ਦਿੱਲੀ ਕ੍ਰਾਈਮ 2’ ਵੈੱਬ ਸੀਰੀਜ਼ ਦੀ ਰਿਲੀਜ਼ ‘ਚ ਹੋ ਰਹੀ ਹੈ ਦੇਰੀ ਦਾ ਵੱਡਾ ਕਾਰਨ ਆਇਆ ਸਾਹਮਣੇ appeared first on Daily Post Punjabi.