ਏਅਰਪੋਰਟ ਐਕਸਪ੍ਰੈਸ ਲਾਈਨ ਸੇਵਾਵਾਂ ਸ਼ਨੀਵਾਰ ਤੋਂ ਤੀਜੇ ਪੜਾਅ ਵਿੱਚ ਦੁਬਾਰਾ ਸ਼ੁਰੂ ਹੋ ਗਈਆਂ ਹਨ। ਇਸ ਦੇ ਨਾਲ ਹੁਣ ਸਾਰੀਆਂ ਮੈਟਰੋ ਲਾਈਨਾਂ ਦਿਨ ਭਰ ਚੱਲਣਗੀਆਂ। ਇਸ ਤੋਂ ਪਹਿਲਾਂ ਪਹਿਲੇ ਪੜਾਅ ਦੇ ਤਹਿਤ ਸ਼ਰਤਾਂ ਦੇ ਨਾਲ ਰੈਪਿਡ ਮੈਟਰੋ, ਯੈਲੋ, ਬਲੂ, ਪਿੰਕ, ਰੈੱਡ, ਵਾਇਲਟ ਅਤੇ ਗਰੀਨ ਲਾਈਨਾਂ ‘ਤੇ ਸੇਵਾਵਾਂ ਸ਼ੁਰੂ ਕੀਤੀਆਂ ਗਈਆਂ ਸਨ। ਮੈਜੈਂਟਾ ਅਤੇ ਗ੍ਰੇ ਲਾਈਨਾਂ ‘ਤੇ ਸ਼ੁੱਕਰਵਾਰ ਨੂੰ ਦੂਜੇ ਪੜਾਅ ਤਹਿਤ ਮੈਟਰੋ ਸੇਵਾਵਾਂ ਦੀ ਸ਼ੁਰੂਆਤ ਹੋਈ ਸੀ। ਹੁਣ ਸਾਰੀਆਂ ਮੈਟਰੋ ਸੇਵਾਵਾਂ ਤੀਜੇ ਪੜਾਅ ਵਿੱਚ ਸ਼ੁਰੂ ਹੋ ਗਈਆਂ ਹਨ ਅਤੇ ਇਹ ਸੇਵਾਵਾਂ ਸਵੇਰੇ 6 ਵਜੇ ਤੋਂ ਰਾਤ 11 ਵਜੇ ਤੱਕ ਉਪਲਬਧ ਰਹਿਣਗੀਆਂ।

ਦੱਸ ਦੇਈਏ ਕਿ ਦਿੱਲੀ ਮੈਟਰੋ ਨੇ ਸੋਮਵਾਰ ਤੋਂ ਆਪਣੀ ਯੈਲੋ ਲਾਈਨ ਦੀ ਸ਼ੁਰੂਆਤ ਕੀਤੀ ਸੀ। ਲਗਭਗ 169 ਦਿਨਾਂ ਬਾਅਦ ਚੱਲੀ ਮੈਟਰੋ ਵਿੱਚ ਪਹਿਲੇ ਦਿਨ ਸਿਰਫ 15 ਹਜ਼ਾਰ ਲੋਕਾਂ ਨੇ ਸਫ਼ਰ ਕੀਤਾ। ਬਾਅਦ ਵਿੱਚ ਬਲੂ ਲਾਈਨ, ਗ੍ਰੀਨ ਲਾਈਨ ਵੀ ਸ਼ੁਰੂ ਕੀਤੀ ਗਈ ਸੀ। ਇਸ ਤੋਂ ਪਹਿਲਾਂ ਮੈਟਰੋ ਦੋ ਸ਼ਿਫਟਾਂ ਵਿੱਚ ਚੱਲ ਰਹੀ ਸੀ, ਸਵੇਰੇ ਚਾਰ ਘੰਟੇ ਅਤੇ ਸ਼ਾਮ ਨੂੰ ਚਾਰ ਘੰਟੇ। ਮੈਟਰੋ ਯਾਤਰਾ ਦੌਰਾਨ ਕੋਰੋਨਾ ਪ੍ਰੋਟੋਕੋਲ ਦੇ ਨਿਯਮਾਂ ਦੀ ਪਾਲਣਾ ਕਰਨਾ ਮਹੱਤਵਪੂਰਨ ਹੈ। ਲੋਕਾਂ ਨੂੰ ਸੀਟ ਛੱਡ ਕੇ ਮੈਟਰੋ ਵਿੱਚ ਬੈਠਣਾ ਪੈਂਦਾ ਹੈ। ਇਸ ਤੋਂ ਇਲਾਵਾ ਮਾਸਕ ਪਹਿਨਣੇ ਜ਼ਰੂਰੀ ਹਨ ਅਤੇ ਟੋਕਨ ਸਿਸਟਮ ਪੂਰੀ ਤਰ੍ਹਾਂ ਬੰਦ ਹੋ ਗਿਆ ਹੈ। 

The post ਦਿੱਲੀ ਮੈਟਰੋ ਦੀਆਂ ਅੱਜ ਤੋਂ ਸਾਰੀਆਂ ਸੇਵਾਵਾਂ ਸ਼ੁਰੂ, ਸਵੇਰੇ 6 ਵਜੇ ਤੋਂ ਰਾਤ 11 ਵਜੇ ਤੱਕ ਕਰ ਸਕੋਗੇ ਸਫ਼ਰ appeared first on Daily Post Punjabi.