ਦੂਜੇ ਪਾਸੇ ਕਿਸਾਨ ਵੀ ਆਰ ਪਾਰ ਦੇ  ਮੂਡ ‘ਚ ਨਜ਼ਰ ਆ ਰਹੇ ਹਨ, ਇਸੇ ਕਰਕੇ ਹਰਿਆਣਾ ਦੇ 7 ਜ਼ਿਲ੍ਹਿਆਂ ‘ਚ ਇਕ ਵਾਰ ਫਿਰ ਇੰਟਰਨੈੱਟ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਨੋਇਡਾ— ਗ੍ਰੇਟਰ ਨੋਇਡਾ ਦੇ ਲੋਕਾਂ ਲਈ ਨਵੀਂ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ। ਭਾਰਤੀ ਕਿਸਾਨ ਯੂਨੀਅਨ ਦੇ ਦਿੱਲੀ ਮਾਰਚ ਕਾਰਨ ਅੱਜ 21 ਫਰਵਰੀ ਨੂੰ ਟ੍ਰੈਫਿਕ ਨੂੰ ਡਾਇਵਰਟ ਕੀਤਾ ਜਾਵੇਗਾ। ਟ੍ਰੈਫਿਕ ਪੁਲੀਸ ਦੀ ਸਲਾਹ ਅਨੁਸਾਰ ਭਾਰਤੀ ਕਿਸਾਨ ਯੂਨੀਅਨ ਟਿਕੈਤ ਧੜੇ ਨੇ ਵੱਖ-ਵੱਖ ਥਾਵਾਂ ਤੋਂ ਟਰੈਕਟਰਾਂ ਅਤੇ ਪ੍ਰਾਈਵੇਟ ਵਾਹਨਾਂ ਵਿੱਚ ਨਾਲੇਜ ਪਾਰਕ ਮੈਟਰੋ ਸਟੇਸ਼ਨ ’ਤੇ ਇਕੱਠੇ ਹੋ ਕੇ ਐਕਸਪੋਮਾਰਟ ਚੌਕ, ਵੱਡਾ ਚੌਕ, ਸ਼ਾਰਦਾ ਚੌਕ, ਐਲਜੀ ਚੌਕ ਤੋਂ ਮਾਊਸਰ ਬੀਅਰ ਚੌਕ ਤੋਂ ਕੁਲੈਕਟਰ ਦਫ਼ਤਰ ਤੱਕ ਪੈਦਲ ਮਾਰਚ ਕਰਨ ਦੀ ਤਜਵੀਜ਼ ਹੈ। ਡੀਸੀਪੀ ਟ੍ਰੈਫਿਕ ਅਨਿਲ ਯਾਦਵ ਦਾ ਕਹਿਣਾ ਹੈ ਕਿ ਲੋਕਾਂ ਨੂੰ ਸੁਚਾਰੂ ਟ੍ਰੈਫਿਕ ਵਿਵਸਥਾ ਪ੍ਰਦਾਨ ਕਰਨ ਲਈ ਗਲਗੋਟੀਆ ਕੱਟ, ਪਰੀਚੌਕ, ਐਲਜੀ ਚੌਕ, ਮਾਊਸਰ ਬੀਅਰ ਚੌਕ, ਦੁਰਗਾ ਟਾਕੀਜ਼ ਚੌਕ ਅਤੇ ਸੂਰਜਪੁਰ ਚੌਕ ਤੋਂ ਲੋੜ ਪੈਣ ’ਤੇ ਟਰੈਫਿਕ ਨੂੰ ਡਾਇਵਰਟ ਕੀਤਾ ਜਾਵੇਗਾ।

यातायात एडवाइजरी
यातायात हेल्पलाइन नं०–9971009001 https://t.co/kbNrQPq4JR pic.twitter.com/IWLkNoDUwg

— DCP Traffic Noida (@dcptrafficnoida) February 21, 2024

ਟ੍ਰੈਫਿਕ ਡਾਇਵਰਸ਼ਨ ਦੌਰਾਨ ਐਮਰਜੈਂਸੀ ਵਾਹਨਾਂ ਨੂੰ ਸੁਰੱਖਿਅਤ ਢੰਗ ਨਾਲ ਲੰਘਣ ਦਿੱਤਾ ਜਾਵੇਗਾ। ਡੀਸੀਪੀ ਟ੍ਰੈਫਿਕ ਦਾ ਕਹਿਣਾ ਹੈ ਕਿ ਟ੍ਰੈਫਿਕ ਦੀ ਅਸੁਵਿਧਾ ਤੋਂ ਬਚਣ ਲਈ ਡਰਾਈਵਰ ਆਪਣੀ ਮੰਜ਼ਿਲ ‘ਤੇ ਪਹੁੰਚਣ ਲਈ ਬਦਲਵੇਂ ਰਸਤਿਆਂ ਦੀ ਵਰਤੋਂ ਕਰ ਸਕਦੇ ਹਨ। ਯੂਪੀ ਗੇਟ ਅਤੇ ਚਿੱਲਾ ਬਾਰਡਰ ‘ਤੇ ਵੀ ਬੈਰੀਕੇਡਿੰਗ ਵਧਾ ਦਿੱਤੀ ਗਈ ਹੈ। ਨੋਇਡਾ, ਗਾਜ਼ੀਆਬਾਦ ਅਤੇ ਮੇਰਠ ਵਰਗੇ ਇਲਾਕਿਆਂ ਤੋਂ ਦਿੱਲੀ ‘ਚ ਦਾਖਲ ਹੋਣ ਵਾਲੇ ਲੋਕਾਂ ਨੂੰ ਟ੍ਰੈਫਿਕ ਜਾਮ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇੱਕ ਸਮੇਂ ਵਿੱਚ ਸਿਰਫ਼ ਦੋ ਵਾਹਨਾਂ ਨੂੰ ਹੀ ਦਾਖ਼ਲ ਹੋਣ ਦੀ ਇਜਾਜ਼ਤ ਮਿਲਣ ਕਾਰਨ ਗਾਜ਼ੀਪੁਰ ਸਰਹੱਦ ’ਤੇ ਵਾਹਨਾਂ ਦੀਆਂ ਲੰਮੀਆਂ ਕਤਾਰਾਂ ਲੱਗ ਗਈਆਂ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .