ਦੱਸ ਦੇਈਏ ਕਿ ਪਿਛਲੇ 24 ਘੰਟਿਆਂ ਵਿੱਚ ਦਿੱਲੀ ਵਿੱਚ ਕੋਰੋਨਾ ਦੇ ਕੁੱਲ 49031 ਟੈਸਟ ਕੀਤੇ ਗਏ ਹਨ । ਉੱਥੇ ਹੀ ਚੰਗੀ ਗੱਲ ਇਹ ਹੈ ਕਿ 4421 ਕੋਰੋਨਾ ਮਰੀਜ਼ ਇਲਾਜ ਤੋਂ ਬਾਅਦ ਠੀਕ ਹੋ ਚੁੱਕੇ ਹਨ। ਸਿਹਤ ਵਿਭਾਗ ਅਨੁਸਾਰ ਫਿਲਹਾਲ ਦਿੱਲੀ ਵਿੱਚ ਕੋਰੋਨਾ ਦੇ ਸਰਗਰਮ ਮਾਮਲਿਆਂ ਦੀ ਗਿਣਤੀ 42004 ਹੈ।

ਦਿੱਲੀ ਵਿੱਚ ਕੋਰੋਨਾ ਦੀ ਲਾਗ ਦੇ ਮੱਦੇਨਜ਼ਰ ਕੇਂਦਰ ਸਰਕਾਰ ਨੇ ਵੀ ਤਿਆਰੀ ਕਰ ਲਈ ਹੈ । ਸਿਹਤ ਮੰਤਰਾਲੇ ਨੇ ਮੰਗਲਵਾਰ ਨੂੰ ਆਪਣੀ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਹੋਮ ਆਈਸੋਲੇਸ਼ਨ ਵਿੱਚ ਵੀ ਜ਼ਿਆਦਾ ਮਰੀਜ਼ ਹਨ। ਸਵੇਰ ਅਤੇ ਸ਼ਾਮ ਦੇ ਡਾਕਟਰ ਆਪਣਾ ਮੌਜੂਦਾ ਫੋਨ ਜਾਂ ਵੀਡੀਓ ਕਾਲ ਨਾਲ ਲੈਂਦੇ ਹਨ, ਇਸ ਨੂੰ ਹੋਰ ਮਜ਼ਬੂਤ ਕੀਤਾ ਜਾਵੇਗਾ।  ਸੰਕ੍ਰਮਿਤ ਲੋਕਾਂ ਦੇ ਸੰਪਰਕ ਟਰੇਸਿੰਗ ਤੋਂ ਬਾਅਦ ਉਨ੍ਹਾਂ ‘ਤੇ ਨੇੜਿਓਂ ਨਿਗਰਾਨੀ ਕੀਤੀ ਜਾਵੇਗੀ। ਪਛਾਣ ਤੋਂ ਬਾਅਦ ਉਨ੍ਹਾਂ ਨੂੰ ਨਿਸ਼ਚਤ ਤੌਰ ‘ਤੇ ਆਈਸੋਲੇਸ਼ਨ ਵਿੱਚ ਭੇਜਣ ਦੀ ਯੋਜਨਾ ਹੈ। ਦਿੱਲੀ ਵਿੱਚ ਇਸ ਨਾਲ ਨਜਿੱਠਣ ਲਈ ਸਰੋਤ ਅਤੇ ਮਾਹਰ ਐਮਸੀਡੀ, ਡੀਐਮ ਅਤੇ ਹੋਰ ਅਦਾਰਿਆਂ ਤੋਂ ਆਉਣਗੇ।

ਇਸਦੇ ਨਾਲ ਹੀ ਸਿਹਤ ਮੰਤਰਾਲੇ ਦੀ ਪ੍ਰੈਸ ਕਾਨਫਰੰਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਲੱਛਣ ਦਿਖਦੇ ਹੀ ਜਾਂਚ ਕਰਵਾਉਣ ਦਾ ਰੁਝਾਨ ਵਧਾਉਣ । ਨੀਤੀ ਆਯੋਗ ਦੇ ਮੈਂਬਰ ਵੀ ਕੇ ਪੌਲ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਕਿਹਾ ਕਿ ਆਈਸੀਯੂ ਦੇ ਬੈੱਡ ਦਿੱਲੀ ਵਿੱਚ ਦੁੱਗਣੇ ਕੀਤੇ ਜਾ ਰਹੇ ਹਨ। ਇਹ ਅਗਲੇ ਹਫ਼ਤੇ ਵਿੱਚ 3500 ਤੋਂ 6200 ਹੋ ਜਾਣਗੇ। ਡੀ.ਆਰ.ਡੀ.ਓ ਅਤੇ ਸਰਦਾਰ ਵੱਲਭਭਾਈ ਕੋਵਿਡ ਸੈਂਟਰ ਵਿੱਚ ਵੀ ਪ੍ਰਬੰਧਾਂ ਵਿੱਚ ਵਾਧਾ ਕੀਤਾ ਜਾ ਰਿਹਾ ਹੈ। ਦਿੱਲੀ ਵਿੱਚ ਕੇਂਦਰ ਸਰਕਾਰ ਦੇ ਹਸਪਤਾਲਾਂ ਵਿੱਚ ਮੌਜੂਦਾ ਸਮਰੱਥਾ ਤੋਂ 80 ਪ੍ਰਤੀਸ਼ਤ ICU ਬੈੱਡ ਵਧਾਏ ਜਾ ਰਹੇ ਹਨ।

ਇਹ ਵੀ ਦੇਖੋ: ਪੰਜਾਬ ‘ਚ ਹੁਣ ਖੁੱਲਣ ਲੱਗੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਨਾਂਅ ‘ਤੇ ਡੇਰੇ, ਜੇ ਨਹੀਂ ਯਕੀਨ ਤਾਂ ਦੇਖੋ ਇਹ ਰਿਪੋਰਟ

The post ਦਿੱਲੀ ‘ਚ ਹਰ ਘੰਟੇ 4 ਲੋਕਾਂ ਦੀ ਜਾਨ ਲੈ ਰਿਹੈ ਕੋਰੋਨਾ, 24 ਘੰਟਿਆਂ ਦੌਰਾਨ ਮਿਲੇ 6396 ਨਵੇਂ ਮਾਮਲੇ appeared first on Daily Post Punjabi.