PLOS ਬਾਇਓਲੋਜੀ ਜਰਨਲ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਪਾਣੀ ਦੀ ਕਮੀ ਹੋਣ ‘ਤੇ ਮੱਛਰ ਦੇ ਅੰਡੇ ਇੱਕ ਅਵਸਥਾ ਵਿੱਚ ਦਾਖਲ ਹੁੰਦੇ ਹਨ, ਜੋ ਕਿ ਭਰੂਣ ਨੂੰ ਪਾਣੀ ਦੀ ਘਾਟ ਕਾਰਨ ਹੋਣ ਵਾਲੇ ਨੁਕਸਾਨ ਨੂੰ ਸਹਿਣ ਦੇ ਯੋਗ ਬਣਾਉਂਦਾ ਹੈ। ਇਸ ਤੋਂ ਇਲਾਵਾ, ਜਦੋਂ ਉਨ੍ਹਾਂ ਨੂੰ ਦੁਬਾਰਾ ਪਾਣੀ ਮਿਲਦਾ ਹੈ, ਤਾਂ ਉਹ ਉਸ ਸਥਿਤੀ ਵਿਚ ਆਪਣਾ ਵਿਕਾਸ ਚੱਕਰ ਪੂਰਾ ਕਰਨ ਲਈ ਉੱਚ ਕੈਲੋਰੀ ਲਿਪਿਡ ਦੀ ਵਰਤੋਂ ਕਰਦੇ ਹਨ। ਵਿਗਿਆਨੀਆਂ ਨੇ ਕਿਹਾ, ਸਾਡੀ ਖੋਜ ਦਰਸਾਉਂਦੀ ਹੈ ਕਿ ਮੱਛਰਾਂ ਦੇ ਆਂਡੇ ਵਿੱਚ ਇੱਕ ਅਜਿਹਾ ਤੰਤਰ ਹੁੰਦਾ ਹੈ ਜੋ ਉਨ੍ਹਾਂ ਨੂੰ ਪਾਣੀ ਤੋਂ ਬਿਨਾਂ ਵੀ ਜ਼ਿੰਦਾ ਰੱਖਦਾ ਹੈ ਅਤੇ ਮੱਛਰਾਂ ਦੀ ਇਹ ਨੀਤੀ ਸਾਨੂੰ ਇੱਕ ਆਧਾਰ ਦਿੰਦੀ ਹੈ ਕਿ ਅਸੀਂ ਉਨ੍ਹਾਂ ਦੀ ਗਿਣਤੀ ਨੂੰ ਕੰਟਰੋਲ ਕਰ ਸਕਦੇ ਹਾਂ। ਵਿਗਿਆਨੀਆਂ ਦਾ ਕਹਿਣਾ ਹੈ, ਮੱਛਰਾਂ ਦੀ ਆਬਾਦੀ ਅਤੇ ਉਨ੍ਹਾਂ ਦੁਆਰਾ ਫੈਲਣ ਵਾਲੀਆਂ ਬਿਮਾਰੀਆਂ ‘ਤੇ ਕਾਬੂ ਪਾਇਆ ਜਾ ਸਕਦਾ ਹੈ।

ਇਸ ਖੋਜ ‘ਤੇ ਕੰਮ ਕਰ ਰਹੇ ਵਿਗਿਆਨੀ ਡਾ: ਬਕਥਾਵਾਚਲੂ ਨੇ ਕਿਹਾ, ਮੂਲ ਰੂਪ ਵਿਚ ਇਸ ਧਰਤੀ ‘ਤੇ ਕਿਸੇ ਵੀ ਵਿਅਕਤੀ ਦਾ ਜੀਵਨ ਪਾਣੀ ‘ਤੇ ਨਿਰਭਰ ਹੈ, ਪਾਣੀ ਦੀ ਅਣਹੋਂਦ ਵਿਚ, ਕੁਦਰਤ ਨੇ ਹਰੇਕ ਜੀਵ ਨੂੰ ਇਸ ਤੋਂ ਬਿਨਾਂ ਸੰਭਵ ਸਮੇਂ ਤੱਕ ਜੀਉਣ ਦੀ ਸਮਰੱਥਾ ਦਿੱਤੀ ਹੈ। ਮੱਛਰ ਦੇ ਅੰਡੇ ਵਿੱਚ ਵੀ ਇਹੀ ਗੁਣ ਹੁੰਦੇ ਹਨ। ਇਸ ਖੋਜ ਰਾਹੀਂ ਅਜਿਹੀ ਤਕਨੀਕ ਵਿਕਸਿਤ ਕੀਤੀ ਜਾ ਸਕਦੀ ਹੈ ਜੋ ਡੇਂਗੂ ਨਾਲ ਹਰ ਸਾਲ ਮਰਨ ਵਾਲੇ ਸੈਂਕੜੇ ਮਰੀਜ਼ਾਂ ਦੀ ਜਾਨ ਬਚਾ ਸਕੇਗੀ।