ਕ੍ਰਿਸਮਸ ਦੇ ਮੌਕੇ ‘ਤੇ ਬਿਪਾਸ਼ਾ ਨੇ ਪਹਿਲੀ ਵਾਰ ਪ੍ਰਸ਼ੰਸਕਾਂ ਨੂੰ ਦੇਵੀ ਦਾ ਚਿਹਰਾ ਵੀ ਦਿਖਾਇਆ ਹੈ। ਦੇਵੀ ਦੀ ਤਸਵੀਰ ਦੇਖ ਕੇ ਪ੍ਰਸ਼ੰਸਕ ਉਸ ਦੀ ਕਿਊਟਨੇਸ ਦੇ ਦੀਵਾਨੇ ਹੋ ਗਏ ਹਨ। ਬਿਪਾਸ਼ਾ ਬਾਸੂ ਅਤੇ ਕਰਨ ਸਿੰਘ ਗਰੋਵਰ ਪਿਛਲੇ ਸਾਲ ਮਾਤਾ-ਪਿਤਾ ਬਣੇ ਸਨ। ਦੇਵੀ ਦੇ ਜਨਮ ਤੋਂ ਹੀ ਬਿਪਾਸ਼ਾ ਦਾ ਪਰਿਵਾਰ ਸੁਰਖੀਆਂ ‘ਚ ਹੈ। ਇਸ ਸਾਲ ਦੇਵੀ ਨੇ ਦੀਵਾਲੀ ‘ਤੇ ਆਪਣਾ ਪਹਿਲਾ ਜਨਮਦਿਨ ਮਨਾਇਆ। ਜਿਸ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਸੋਚਿਆ ਸੀ ਕਿ ਬਿਪਾਸ਼ਾ ਅਤੇ ਕਰਨ ਪ੍ਰਸ਼ੰਸਕਾਂ ਨੂੰ ਆਪਣੀ ਬੇਟੀ ਦਾ ਚਿਹਰਾ ਦਿਖਾਉਣਗੇ ਪਰ ਹੁਣ ਕ੍ਰਿਸਮਿਸ ‘ਤੇ ਉਨ੍ਹਾਂ ਦੀ ਇਹ ਇੱਛਾ ਪੂਰੀ ਹੋ ਗਈ ਹੈ। ਬਾਸੂ ਨੇ ਦੇਵੀ ਦੀ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਉਨ੍ਹਾਂ ਦਾ ਸਾਈਡ ਚਿਹਰਾ ਨਜ਼ਰ ਆ ਰਿਹਾ ਹੈ। ਰੈੱਡ ਕਲਰ ਦੀ ਡਰੈੱਸ ਅਤੇ ਹੇਅਰਬੈਂਡ ‘ਚ ਦੇਵੀ ਕਾਫੀ ਕਿਊਟ ਲੱਗ ਰਹੀ ਹੈ। ਫੋਟੋ ਸ਼ੇਅਰ ਕਰਦੇ ਹੋਏ ਬਿਪਾਸ਼ਾ ਨੇ ਲਿਖਿਆ- ਇਸ ਕ੍ਰਿਸਮਸ ਸਾਂਤਾ ਕੋਲ ਇੱਕ ਨਵਾਂ ਸਹਾਇਕ ਹੈ ਜੋ ਆਪਣੇ ਨਾਲ ਸਾਰਿਆਂ ਲਈ ਖੁਸ਼ੀ ਅਤੇ ਪਿਆਰ ਦਾ ਤੋਹਫਾ ਲੈ ਕੇ ਆਇਆ ਹੈ।