ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਕਾਂਗਰਸ ਦੇ ਸੰਸਦ ਮੈਂਬਰ ਦਿਗਵਿਜੇ ਸਿੰਘ ਨੇ ਸ਼ੁੱਕਰਵਾਰ ਨੂੰ ਇੱਕ ਟਵੀਟ ਕਰ ਕਿਹਾ ਕਿ ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰਐਸਐਸ) ਅਤੇ ਤਾਲਿਬਾਨ ਦੀ ਔਰਤਾਂ ਪ੍ਰਤੀ ਸਮਾਨ ਵਿਚਾਰਧਾਰਾ ਹੈ। ਉਨ੍ਹਾਂ ਨੇ ਟਵੀਟ ਕਰ ਲਿਖਿਆ ਕਿ, “ਤਾਲਿਬਾਨ ਕਹਿੰਦਾ ਹੈ ਕਿ ਔਰਤਾਂ ਮੰਤਰੀ ਬਣਨ ਦੇ ਯੋਗ ਨਹੀਂ ਹਨ। ਮੋਹਨ ਭਾਗਵਤ ਨੇ ਕਿਹਾ ਕਿ ਔਰਤਾਂ ਨੂੰ ਘਰ ਰਹਿਣਾ ਚਾਹੀਦਾ ਹੈ ਅਤੇ ਘਰ ਦੀ ਦੇਖਭਾਲ ਕਰਨੀ ਚਾਹੀਦੀ ਹੈ। ਕੀ ਇਹ ਸਮਾਨ ਸੋਚ ਵਾਲੇ ਨਹੀਂ ਹਨ?”

ਇਹ ਵੀ ਪੜ੍ਹੋ : IND vs ENG: ਭਾਰਤ-ਇੰਗਲੈਂਡ ਵਿਚਕਾਰ ਮੈਨਚੈਸਟਰ ‘ਚ ਖੇਡਿਆ ਜਾਣ ਵਾਲਾ 5 ਵਾਂ ਟੈਸਟ ਹੋਇਆ ਰੱਦ !

ਇਸ ਤੋਂ ਪਹਿਲਾਂ ਦਿਗਵਿਜੇ ਸਿੰਘ ਨੇ ਬੁੱਧਵਾਰ ਨੂੰ ਇੰਦੌਰ ਵਿੱਚ ਹੋਏ “ਸੰਪਾਦਕ ਸਦਭਾਵ ਸੰਮੇਲਨ” (ਫਿਰਕੂ ਸਦਭਾਵਨਾ ਸੰਮੇਲਨ) ਵਿੱਚ ਬੋਲਦਿਆਂ ਆਰਐਸਐਸ ਮੁਖੀ ਮੋਹਨ ਭਾਗਵਤ ਨੂੰ ਨਿਸ਼ਾਨਾ ਬਣਾਇਆ ਸੀ ਅਤੇ ਦੋਸ਼ ਲਾਇਆ ਸੀ ਕਿ ਸੰਗਠਨ ਝੂਠ ਅਤੇ ਗਲਤਫਹਿਮੀਆਂ ਫੈਲਾ ਕੇ ਹਿੰਦੂ ਮੁਸਲਿਮ ਭਾਈਚਾਰਿਆਂ ਨੂੰ ਵੰਡ ਰਿਹਾ ਹੈ। ਭਾਗਵਤ ਦੀ ਇਸ ਟਿੱਪਣੀ ‘ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿ ਹਿੰਦੂਆਂ ਅਤੇ ਮੁਸਲਮਾਨਾਂ ਦਾ ਡੀਐਨਏ ਇੱਕ ਹੈ, ਦਿਗਵਿਜੇ ਸਿੰਘ ਨੇ ਪੁੱਛਿਆ, “ਜੇ ਅਜਿਹਾ ਸੀ ਤਾਂ ਲਵ ਜਿਹਾਦ ਵਰਗੇ ਮੁੱਦੇ ਕਿਉਂ ਚੁੱਕੇ ਜਾ ਰਹੇ ਸਨ?” ਕਾਂਗਰਸ ਸੰਸਦ ਮੈਂਬਰ ਨੇ ਦੋਸ਼ ਲਾਇਆ ਸੀ ਕਿ ਆਰਐਸਐਸ ਸਦੀਆਂ ਤੋਂ ਪਾੜੋ ਅਤੇ ਰਾਜ ਕਰੋ ਦੀ ਰਾਜਨੀਤੀ ਕਰ ਰਹੀ ਹੈ। ਉਹ ਝੂਠ ਅਤੇ ਗਲਤਫਹਿਮੀਆਂ ਫੈਲਾ ਕੇ ਦੋ ਭਾਈਚਾਰਿਆਂ ਨੂੰ ਵੰਡ ਰਹੇ ਹਨ।

ਇਹ ਵੀ ਦੇਖੋ : ਕੋਟਕਪੂਰਾ ਗੋਲ਼ੀਕਾਂਡ ਦਾ ਪੂਰਾ ਸੱਚ,ਆਖਿਰ ਕਿਸਨੇ ਦਿੱਤੇ ਸੀ ਗੋਲ਼ੀ ਚਲਾਉਣ ਦੇ ਹੁਕਮ ? Mantar Brar Interview

The post ਦਿਗਵਿਜੇ ਸਿੰਘ ਨੇ ਤਾਲਿਬਾਨ ਨਾਲ ਕੀਤੀ RSS ਦੀ ਤੁਲਨਾ, ਕਿਹਾ – ‘ਔਰਤਾਂ ਪ੍ਰਤੀ ਦੋਵਾਂ ਦੀ ਵਿਚਾਰਧਾਰਾ ਇੱਕੋ’ appeared first on Daily Post Punjabi.