ਦਿੱਲੀ ਜਲ ਬੋਰਡ ਦੇ ਪਾਣੀ ਦੇ ਬਿੱਲ ਵਿੱਚ 20 ਕਰੋੜ ਰੁਪਏ ਦੇ ਘਪਲੇ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਤੋਂ ਬਾਅਦ ਦਿੱਲੀ ਪੁਲਿਸ ਦੀ ਭ੍ਰਿਸ਼ਟਾਚਾਰ ਵਿਰੋਧੀ ਟੀਮ ਨੇ ਕਾਰਵਾਈ ਕਰਦੇ ਹੋਏ ਜਲ ਬੋਰਡ ਦੇ ਸੰਯੁਕਤ ਡਾਇਰੈਕਟਰ ਨਰੇਸ਼ ਸਿੰਘ ਤੋਂ ਪੁੱਛਗਿੱਛ ਕੀਤੀ। ਇਸ ਤੋਂ ਇਲਾਵਾ ਏਸੀਬੀ ਨੇ ਇਸ ਮਾਮਲੇ ਵਿੱਚ ਰਾਜੇਂਦਰਨ ਨਾਇਰ, ਗੋਪੀ ਕੁਮਾਰ ਕੇਡੀਆ ਅਤੇ ਅਭਿਲਾਸ਼ ਵਾਸੁਕੁਟਨ ਪਿੱਲੈ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਸੀ। ਖਬਰ ਮੁਤਾਬਕ ਏਸੀਬੀ ਚੀਫ ਮਧੁਰ ਵਰਮਾ ਨੇ ਕੁਝ ਦਿਨ ਪਹਿਲਾਂ ਦੱਸਿਆ ਸੀ ਕਿ ਪਾਣੀ ਦੇ ਬਿੱਲ ਦਾ ਭੁਗਤਾਨ ਕਰਨ ਲਈ ਕੰਪਨੀਆਂ ਨੂੰ ਦਿੱਲੀ ਜਲ ਬੋਰਡ ਦੇ ਸਾਰੇ ਦਫਤਰਾਂ ਵਿੱਚ ਬਿੱਲ ਇਕੱਠਾ ਕਰਨ ਦਾ ਠੇਕਾ ਦਿੱਤਾ ਗਿਆ ਸੀ। ਇਸ ਤਹਿਤ ਖਪਤਕਾਰਾਂ ਦੀ ਸਹੂਲਤ ਲਈ ਕਾਰਪੋਰੇਸ਼ਨ ਬੈਂਕ ਨੂੰ ਵੱਖ-ਵੱਖ ਜਲ ਬੋਰਡ ਦਫ਼ਤਰਾਂ ਵਿੱਚ ਆਟੋਮੈਟਿਕ ਬਿੱਲ ਪੇਮੈਂਟ ਮਸ਼ੀਨਾਂ ਲਗਾਉਣ ਦਾ ਕੰਮ ਸੌਂਪਿਆ ਗਿਆ ਸੀ। ਜਿਸ ਰਾਹੀਂ ਖਪਤਕਾਰ ਕੈਸ਼ ਅਤੇ ਚੈੱਕ ਰਾਹੀਂ ਬਿੱਲ ਦਾ ਭੁਗਤਾਨ ਕਰਦੇ ਸਨ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “

ਇਸ ਤੋਂ ਬਾਅਦ, ਕਾਰਪੋਰੇਸ਼ਨ ਬੈਂਕ ਨੇ ਅੱਗੇ ਇਹ ਠੇਕਾ ਫਰੈਸ਼-ਪੇ ਆਈਟੀ ਸਲਿਊਸ਼ਨਜ਼ ਨੂੰ ਦਿੱਤਾ, ਜਿਸ ਨੇ ਅੱਗੇ ਇਹ ਆਰਐਮ ਈ-ਪੇਮੈਂਟਸ ਕੰਪਨੀ ਨੂੰ ਦਿੱਤਾ। ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਹਰ ਸਾਲ ਬਿੱਲ ਵਸੂਲਣ ਦਾ ਠੇਕਾ ਇਨ੍ਹਾਂ ਕੰਪਨੀਆਂ ਨੂੰ ਹੀ ਦਿੱਤਾ ਗਿਆ। ਇਨ੍ਹਾਂ ਕੰਪਨੀਆਂ ਦਾ ਇਕਰਾਰਨਾਮਾ ਸਿਰਫ 10 ਅਕਤੂਬਰ 2019 ਤੱਕ ਸੀ, ਪਰ ਆਰਐਮ ਈ-ਪੇਮੈਂਟਸ ਨੇ ਮਾਰਚ 2020 ਤੱਕ ਗੈਰ-ਕਾਨੂੰਨੀ ਤੌਰ ‘ਤੇ ਬਿੱਲ ਇਕੱਠੇ ਕੀਤੇ। ਜਲ ਬੋਰਡ ਦੀ ਸ਼ੁਰੂਆਤੀ ਜਾਂਚ ਵਿੱਚ ਫੰਡ ਵਿੱਚ ਕਰੋੜਾਂ ਦੇ ਗਬਨ ਦਾ ਪਤਾ ਲੱਗਣ ਤੋਂ ਬਾਅਦ ਏਸੀਬੀ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ।

The post ਦਿੱਲੀ ਜਲ ਬੋਰਡ ਦੇ ਸੰਯੁਕਤ ਡਾਇਰੈਕਟਰ ਨਰੇਸ਼ ਸਿੰਘ ਗ੍ਰਿਫਤਾਰ, 20 ਕਰੋੜ ਤੋਂ ਵੱਧ ਦੇ ਘੁਟਾਲੇ ਦਾ ਦੋਸ਼ appeared first on Daily Post Punjabi.