ਵੈਰਾਇਟੀ ਮੁਤਾਬਕ ਮਾਰਵਲ ਸਟੂਡੀਓਜ਼ ਦੀ ‘ਡਾਕਟਰ ਸਟ੍ਰੇਂਜ ਇਨ ਦ ਮਲਟੀਵਰਸ ਆਫ ਮੈਡਨੇਸ’ ਫਿਲਮ ‘ਚ ਸਮਲਿੰਗੀ ਕਿਰਦਾਰ ਕਾਰਨ ਸਾਊਦੀ ਅਰਬ ਅਤੇ ਕਈ ਹੋਰ ਅਰਬ ਦੇਸ਼ਾਂ ‘ਚ ਪਾਬੰਦੀ ਲਗਾਈ ਗਈ ਹੈ। ਇਹ ਫਿਲਮ ਅਮਰੀਕਾ ਵਿੱਚ 6 ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਜਦਕਿ ਇਹ 5 ਮਈ ਨੂੰ ਸਾਊਦੀ ਅਰਬ ਅਤੇ ਹੋਰ ਖਾੜੀ ਦੇਸ਼ਾਂ ਦੇ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣੀ ਸੀ। ਪਰ ਖਾੜੀ ਦੇਸ਼ਾਂ ਨੇ ‘ਡਾਕਟਰ ਸਟ੍ਰੇਂਜ’ ਦੇ ਸੀਕਵਲ ‘ਤੇ ਪਾਬੰਦੀ ਲਗਾਉਣ ਦਾ ਫੈਸਲਾ ਕੀਤਾ ਹੈ।

ਮੀਡੀਆ ਰਿਪੋਰਟਾਂ ਮੁਤਾਬਕ ਸਾਊਦੀ ਅਰਬ ਦੇ ਸੈਂਸਰ ਬੋਰਡ ਨੇ ਬੇਨੇਡਿਕਟ ਕੰਬਰਬੈਕ ਦੀ ਇਸ ਸੁਪਰਹੀਰੋ ਫਿਲਮ ਨੂੰ ਡਿਸਟ੍ਰੀਬਿਊਸ਼ਨ ਸਰਟੀਫਿਕੇਟ ਨਹੀਂ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ‘ਡਾਕਟਰ ਸਟ੍ਰੇਂਜ ਇਨ ਦ ਮਲਟੀਵਰਸ ਆਫ ਮੈਡਨੇਸ’ ਦਾ ਨਿਰਦੇਸ਼ਨ ਸੈਮ ਰਾਇਮੀ ਕਰ ਰਹੇ ਹਨ। ਅਭਿਨੇਤਰੀ ਸ਼ੋਚਿਤੇਲ ਗੋਮੇਜ਼ ਨੇ ਇਸ ਫਿਲਮ ਵਿੱਚ ਇੱਕ ਲੈਸਬੀਅਨ ਕਿਰਦਾਰ ਨਿਭਾਇਆ ਹੈ। ਇਸ ਫਿਲਮ ਤੋਂ ਪਹਿਲਾਂ ਮਾਰਵਲ ਦੀ ‘ਦਿ ਈਟਰਨਲਸ’ ਨੂੰ ਵੀ ਸਾਊਦੀ ਅਰਬ ‘ਚ ਗੇਅ ਜੋੜੇ ਦੇ ਰੋਮਾਂਸ ਕਾਰਨ ਬੈਨ ਕਰ ਦਿੱਤਾ ਗਿਆ ਸੀ।

The post ਸਾਊਦੀ ਅਰਬ ਨੇ ਮਾਰਵਲ ਦੀ ਫਿਲਮ ‘Doctor Strange 2’ ‘ਤੇ ਕਿਉਂ ਲਗਾਈ ਪਾਬੰਦੀ, ਜਾਣੋ ਕਾਰਨ appeared first on Daily Post Punjabi.