ਜਾਣੋ ਮੈਨਚੇਸਟਰ ਟੈਸਟ ਨਾਲ ਜੁੜੀਆਂ ਪੰਜ ਵੱਡੀਆਂ ਗੱਲਾਂ, 1- ਮੈਨਚੈਸਟਰ ਟੈਸਟ ਦੇ ਪਹਿਲੇ ਦਿਨ ਮੀਂਹ ਨੇ ਵਿਘਨ ਪਾਇਆ। ਇਸ ਕਾਰਨ ਮੈਚ ਅਤੇ ਟਾਸ ਵਿੱਚ ਦੇਰੀ ਹੋਈ। ਉਸੇ ਸਮੇਂ, ਤੀਸਰੇ ਦਿਨ ਮੀਂਹ ਕਾਰਨ ਇੱਕ ਵੀ ਗੇਂਦ ਨਹੀਂ ਖੇਡੀ ਜਾ ਸਕੀ। 2- ਇੰਗਲੈਂਡ ਦੇ ਆਲਰਾਉਂਡਰ ਬੇਨ ਸਟੋਕਸ ਨੇ ਪਹਿਲੀ ਪਾਰੀ ਵਿੱਚ 176 ਦੌੜਾਂ ਬਣਾਈਆਂ। ਟੈਸਟ ਕ੍ਰਿਕਟ ‘ਚ ਸਟੋਕਸ ਦਾ ਇਹ 10 ਵਾਂ ਸੈਂਕੜਾ ਸੀ। ਡੋਮ ਸਿਬਲੀ ਨੇ ਵੀ 120 ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਬੱਲੇਬਾਜ਼ਾਂ ਦੀ ਸ਼ਾਨਦਾਰ ਪਾਰੀ ਦੀ ਬਦੌਲਤ ਇੰਗਲੈਂਡ ਨੇ ਪਹਿਲੀ ਪਾਰੀ ਵਿੱਚ 469 ਦੌੜਾਂ ਬਣਾਈਆਂ। 3- ਡੋਮ ਸਿਬਲੀ ਨੇ ਚੌਥੇ ਦਿਨ ਗੇਂਦ ਨੂੰ ਚਮਕਦਾਰ ਬਣਾਉਣ ਲਈ ਥੁੱਕ ਦੀ ਵਰਤੋਂ ਕਰਕੇ ਆਈਸੀਸੀ ਦੇ ਨਿਯਮ ਨੂੰ ਤੋੜਿਆ। ਵੈਸਟਇੰਡੀਜ਼ ਦੀ ਪੂਰੀ ਟੀਮ ਸਿਰਫ 287 ਦੌੜਾਂ ਹੀ ਬਣਾ ਸਕੀ। ਇਸ ਦੌਰਾਨ ਵੈਸਟਇੰਡੀਜ਼ ਲਈ ਕ੍ਰੈਗ ਬ੍ਰੈਥਵੇਟ ਨੇ 75, ਸ਼ਮਰਾਹ ਬਰੁਕਸ ਨੇ 68 ਅਤੇ ਆਲਰਾਰਾਉਂਡਰ ਰੋਚੇਨ ਚੇਜ਼ ਨੇ 51 ਦੌੜਾਂ ਦੀ ਉਪਯੋਗੀ ਪਾਰੀ ਖੇਡੀ।

4- ਇੰਗਲੈਂਡ ਲਈ ਇਸ ਟੈਸਟ ‘ਚ ਵਾਪਸੀ ਕਰਨ ਵਾਲੇ ਸਟੂਅਰਟ ਬ੍ਰਾਡ ਅਤੇ ਕ੍ਰਿਸ ਵੋਕਸ ਨੇ ਤਿੰਨ-ਤਿੰਨ ਵਿਕਟਾਂ ਲਈਆਂ। ਇਹ ਦੋਵੇਂ ਗੇਂਦਬਾਜ਼ ਪਹਿਲੇ ਟੈਸਟ ਵਿੱਚ ਟੀਮ ਦਾ ਹਿੱਸਾ ਨਹੀਂ ਸਨ। ਬ੍ਰੌਡ ਨੂੰ ਐਂਡਰਸਨ ਦੀ ਜਗ੍ਹਾ ਟੀਮ ਵਿੱਚ ਸ਼ਾਮਿਲ ਕੀਤਾ ਗਿਆ ਅਤੇ ਵੋਕਸ ਨੂੰ ਆਰਚੇਰ ਦੀ ਜਗ੍ਹਾ ਦਿੱਤੀ ਗਈ ਹੈ। 5- ਇੰਗਲੈਂਡ ਨੇ ਦੂਜੀ ਪਾਰੀ ਵਿੱਚ 37 ਦੌੜਾਂ ਬਣਾ ਕੇ 219 ਦੌੜਾਂ ਦੀ ਬੜ੍ਹਤ ਬਣਾ ਲਈ ਹੈ। ਬੇਨ ਸਟੋਕਸ 16 ਅਤੇ ਜੋ ਰੂਟ 8 ਦੌੜਾਂ ਬਣਾ ਕੇ ਕਰੀਜ਼ ਉੱਤੇ ਹਨ।

The post ਇੰਗਲੈਂਡ ਦੇ ਡੋਮ ਸਿਬਲੀ ਨੇ ਲਾਰ ਦੀ ਵਰਤੋਂ ਕਰਦਿਆਂ ਤੋੜਿਆ ICC ਦਾ ਨਿਯਮ, ਜਾਣੋ ਮੈਚ ਨਾਲ ਜੁੜੀਆਂ ਇਹ ਵੱਡੀਆਂ ਗੱਲਾਂ appeared first on Daily Post Punjabi.