ਪੁਰੀ ਨੇ ਕਿਹਾ ਸੀ ਕਿ ਮੰਤਰਾਲੇ ਦੀ ਕੋਸ਼ਿਸ਼ ਹੈ ਕਿ ਕੋਰੋਨਾ ਵਰਗੀ ਬਿਪਤਾ ਦੇ ਇਸ ਯੁੱਗ ਵਿੱਚ ਵੱਧ ਤੋਂ ਵੱਧ ਲੋਕਾਂ ਨੂੰ ਕਿਫਾਇਤੀ ਦਰਾਂ ‘ਤੇ ਹਵਾਈ ਟਿਕਟਾਂ ਮੁਹੱਈਆ ਕਰਵਾਈਆਂ ਜਾਣ, ਇਸ ਮੰਤਵ ਲਈ, ਸਾਰੀਆਂ ਥਾਵਾਂ ਲਈ ਵੱਧ ਤੋਂ ਵੱਧ ਅਤੇ ਘੱਟੋ-ਘੱਟ ਕਿਰਾਇਆ ਨਿਰਧਾਰਤ ਕੀਤਾ ਗਿਆ ਹੈ। 0 ਤੋਂ 40 ਮਿੰਟ ਦੀਆਂ ਉਡਾਣਾਂ ਲਈ ਘੱਟੋ ਘੱਟ ਕਿਰਾਇਆ 2,000 ਰੁਪਏ ਅਤੇ ਵੱਧ ਤੋਂ ਵੱਧ ਕਿਰਾਇਆ 6,000 ਰੁਪਏ ਹੈ। 40 ਤੋਂ 60 ਮਿੰਟ ਦੀਆਂ ਉਡਾਣਾਂ ਲਈ ਕਿਰਾਏ 2500 ਤੋਂ 7,500 ਰੁਪਏ ਤੱਕ ਹਨ। 60 ਤੋਂ 90 ਮਿੰਟ ਦੀਆਂ ਉਡਾਣਾਂ ਲਈ ਕਿਰਾਇਆ 3,000 ਰੁਪਏ ਤੋਂ 9,000 ਰੁਪਏ ਤੱਕ ਹਨ। 90 ਤੋਂ 120 ਮਿੰਟ ਦੀਆਂ ਉਡਾਣਾਂ ਲਈ ਕਿਰਾਏ 3500 ਤੋਂ 10,000 ਰੁਪਏ ਦੇ ਵਿਚਕਾਰ ਹਨ। 120 ਤੋਂ 150 ਮਿੰਟ ਦੀਆਂ ਉਡਾਣਾਂ ਲਈ ਕਿਰਾਏ 1500 ਤੋਂ ਲੈ ਕੇ 13,000 ਰੁਪਏ ਤੱਕ ਦੇ ਹਨ। 150 ਤੋਂ 180 ਮਿੰਟ ਦੀਆਂ ਉਡਾਣਾਂ ਲਈ ਕਿਰਾਏ 5,500 ਤੋਂ 15,700 ਰੁਪਏ ਤੱਕ ਹੋਣਗੇ, ਅਤੇ 180 ਤੋਂ 280 ਮਿੰਟ ਦੀਆਂ ਉਡਾਣਾਂ ਲਈ ਕਿਰਾਏ 6,500 ਤੋਂ 18,600 ਰੁਪਏ ਤੱਕ ਹਨ।

40 ਪ੍ਰਤੀਸ਼ਤ ਸੀਟਾਂ ਬੈਂਡ ਦੇ ਮਿਡਪੁਆਇੰਟ ਤੋਂ ਘੱਟ ਕਿਰਾਏ ‘ਤੇ ਵੇਚੀਆਂ ਜਾਣੀਆਂ ਹਨ। ਉਦਾਹਰਣ ਵਜੋਂ 3500 ਰੁਪਏ ਅਤੇ 10000 ਰੁਪਏ ਦਾ ਮਿਡਲ ਪੁਆਇੰਟ 6700 ਰੁਪਏ ਹੈ। ਇਸ ਲਈ 40 ਪ੍ਰਤੀਸ਼ਤ ਸੀਟਾਂ 6700 ਰੁਪਏ ਤੋਂ ਘੱਟ ਵਿੱਚ ਵੇਚੀਆਂ ਜਾਣੀਆਂ ਹਨ। ਇਸ ਨਾਲ ਸੁਨਿਸ਼ਚਿਤ ਕੀਤਾ ਜਾਵੇਗਾ ਕਿ ਕਿਰਾਇਆ ਨਿਯੰਤਰਣ ਤੋਂ ਬਾਹਰ ਨਾ ਹੋਵੇ। ਹਵਾਈ ਸੇਵਾਵਾਂ ਆਂਧਰਾ ਪ੍ਰਦੇਸ਼ ਵਿੱਚ 26 ਮਈ ਤੋਂ ਸ਼ੁਰੂ ਹੋਣਗੀਆਂ, ਜਦਕਿ ਪੱਛਮੀ ਬੰਗਾਲ ਵਿੱਚ ਹਵਾਈ ਸੇਵਾਵਾਂ 28 ਮਈ ਤੋਂ ਸ਼ੁਰੂ ਹੋਣਗੀਆਂ। ਹਾਲ ਹੀ ਵਿੱਚ ਪੱਛਮੀ ਬੰਗਾਲ ‘ਚ ਤੂਫਾਨ ਆਇਆ ਸੀ, ਜਿਸ ਕਾਰਨ 85 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਲੱਖਾਂ ਲੋਕ ਪ੍ਰਭਾਵਿਤ ਹੋਏ ਸਨ। ਰਾਜ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਤੂਫਾਨ ਕਾਰਨ ਹੋਈ ਤਬਾਹੀ ਦਾ ਹਵਾਲਾ ਦਿੰਦੇ ਹੋਏ ਏਅਰ ਲਾਈਨ ਸ਼ੁਰੂ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਬੁਨਿਆਦੀ ਢਾਂਚੇ ਨੂੰ 28 ਮਈ ਤੱਕ ਠੀਕ ਕਰ ਦਿੱਤਾ ਜਾਵੇਗਾ, ਜਿਸ ਤੋਂ ਬਾਅਦ ਬੰਗਾਲ ਵਿੱਚ ਹਵਾਈ ਸੇਵਾਵਾਂ ਸ਼ੁਰੂ ਕਰ ਦਿੱਤੀਆਂ ਜਾਣਗੀਆਂ।

The post ਅੱਜ ਤੋਂ ਹਵਾਈ ਯਾਤਰਾ ਦੀ ਸ਼ੁਰੂਆਤ, ਸਮਝੋ ਘੱਟੋ ਘੱਟ ਤੇ ਵੱਧ ਤੋਂ ਵੱਧ ਕਿਰਾਏ ਦੇ ਪੂਰੇ ਗਣਿਤ ਨੂੰ appeared first on Daily Post Punjabi.