ਫ਼ਿਲਮਾਂ ਵਿੱਚ ਆਪਣੀ ਅਦਾਕਾਰੀ ਤੋਂ ਪਹਿਲਾਂ ਡਵੇਨ ਰੈਸਲਿੰਗ ਦੇ ਬਾਦਸ਼ਾਹ ਸਨ ਪਰ ਇਹ ਗੱਲ ਕਾਫੀ ਘੱਟ ਲੋਕ ਜਾਣਦੇ ਹਨ ਕਿ ਡਵੇਨ ਡਿਪਰੈਸ਼ਨ ਦੀ ਵਜ੍ਹਾ ਨਾਲ ਰੈਸਲਰ ਬਣੇ। ਡਵੇਨ ਨੇ ਇੱਕ ਸ਼ੋਅ ਦੌਰਾਨ ਦੱਸਿਆ ਸੀ ਕਿ ਉਹ ਵੀਹ ਸਾਲ ਦੇ ਹੋਣਗੇ ਜਦ ਉਹ ਅਮਰੀਕੀ ਫੁੱਟਬਾਲ ਟੀਮ ਕੈਲਗਰੀ ਸਟੈਂਪੇਡਰਸ ਦੇ ਵੱਲੋਂ ਖੇਡਦੇ ਸਨ ਪਰ ਉਨ੍ਹਾਂ ਨੂੰ ਟੀਮ ਵਿੱਚੋਂ ਕੱਢ ਦਿੱਤਾ ਗਿਆ ਸੀ ਜਿਸ ਦੇ ਚੱਲਦੇ ਉਹ ਡਿਪ੍ਰੈਸ਼ਨ ਵਿਚ ਚਲੇ ਗਏ ਸਨ। 

 

ਇਸ ਤੋਂ ਬਾਅਦ ਡਵੇਨ ਨੇ ਇੰਟਰਵਿਊ ਵਿੱਚ ਕਿਹਾ ਸੀ ਤੁਹਾਨੂੰ ਅਜਿਹਾ ਲੱਗਦਾ ਹੈ ਕਿ ਤੁਸੀਂ ਇਕੱਲੇ ਹੋ ਅਤੇ ਇਹ ਸਿਰਫ ਤੁਹਾਡੇ ਨਾਲ ਹੀ ਹੋ ਰਿਹਾ ਹੈ।ਬਸਭ ਤੋਂ ਵੱਡੀ ਗੱਲ ਹੈ ਕਿ ਤੁਹਾਨੂੰ ਇਹ ਸਮਝਣਾ ਹੋਵੇਗਾ ਕਿ ਤੁਸੀਂ ਇਕੱਲੇ ਨਹੀਂ ਹੋ, ਜਿਸ ਦੇ ਨਾਲ ਕੁਝ ਬੁਰਾ ਹੋ ਰਿਹਾ ਹੈ, ਨਾ ਹੀ ਤੁਸੀਂ ਆਖਰੀ ਹੋ। ਡਵੇਨ ਨੇ ਅੱਗੇ ਕਿਹਾ ਕਿ ਛੇ ਹਫਤਿਆਂ ਬਾਅਦ ਮੇਰੇ ਕੋਚ ਨੇ ਕਿਹਾ ਕਿ ਮੈਂ ਟੀਮ ਵਿੱਚ ਵਾਪਸ ਆ ਜਾਵਾਂ ਪਰ ਮੈਂ ਮਨ੍ਹਾ ਕਰ ਦਿੱਤਾ। ਮੇਰੇ ਪਿਤਾ ਨੇ ਮੈਨੂੰ ਕਿਹਾ ਸੀ ਕਿ ਮੈਂ ਅਜਿਹਾ ਕਰਕੇ ਆਪਣੇ ਕਰੀਅਰ ਦੀ ਸਭ ਤੋਂ ਵੱਡੀ ਗਲਤੀ ਕਰ ਰਿਹਾ ਹਾਂ ਪਰ ਸ਼ਾਇਦ ਉਹ ਮੇਰੇ ਲਈ ਸਭ ਤੋਂ ਵਧੀਆ ਸਾਬਿਤ ਹੋਇਆ ਕਿਉਂਕਿ ਫੁੱਟਬਾਲ ਦੇ ਜਾਣ ਤੋਂ ਬਾਅਦ ਹੀ ਮੇਰੇ ਜੀਵਨ ਵਿੱਚ ਰੇਸਲਿੰਗ ਆਈ। ਵੈਸੇ ਤਾਂ ਡਵੇਨ ਦੇ ਲੱਖਾਂ – ਕਰੋੜਾਂ ਫੈਨਜ਼ ਹਨ ਪਰ ਬਾਲੀਵੁੱਡ ਸਟਾਰ ਵਰੁਣ ਧਵਨ ਡਵੇਨ ਨੂੰ ਕਾਫੀ ਪਸੰਦ ਕਰਦੇ ਹਨ। ਡਵੇਨ ਦੇ ਲਈ ਵਰੁਣ ਕਈ ਵਾਰ ਆਪਣਾ ਪਿਆਰ ਜ਼ਾਹਿਰ ਕਰ ਚੁੱਕੇ ਹਨ।