ਦੱਸ ਦੇਈਏ ਕਿ ਲਾਕਡਾਊਨ ਦੇ ਚੱਲਦਿਆਂ ਪਿਛਲੇ ਤਿੰਨ ਮਹੀਨਿਆਂ ਤੋਂ ਬੰਦ ਸੀ । ਇਸ ਦੇ ਸੰਚਾਲਕ ਨੇ ਕਿਹਾ ਕਿ ਦੂਜੀ ਵਿਸ਼ਵ ਜੰਗ ਤੋਂ ਬਾਅਦ ਪਹਿਲੀ ਵਾਰ ਆਈਫਲ ਟਾਵਰ ਇੰਨੇ ਦਿਨਾਂ ਲਈ ਬੰਦ ਰਿਹਾ ਹੈ । ਹਾਲਾਂਕਿ, ਇੱਥੇ ਆਉਣ ਵਾਲੇ 11 ਸਾਲ ਤੋਂ ਵੱਧ ਉਮਰ ਦੇ ਸਾਰੇ ਲੋਕਾਂ ਲਈ ਮਾਸਕ ਪਹਿਨਣਾ ਲਾਜ਼ਮੀ ਹੋਵੇਗਾ । ਆਈਫਲ ਟਾਵਰ ਦੀ ਵੈੱਬਸਾਈਟ ਨੇ ਕਿਹਾ ਕਿ 25 ਜੂਨ ਤੋਂ ਇੱਕ ਵਾਰ ਫਿਰ ਲੋਕ ਆਈਫਲ ਟਾਵਰ ਨੂੰ ਵੇਖ ਸਕਣਗੇ, ਪਰ ਇੱਥੇ ਫੇਸ ਮਾਸਕ ਲਾਜ਼ਮੀ ਹੋ ਜਾਵੇਗਾ । ਹਾਲਾਂਕਿ, ਲੋਕ ਲਿਫਟਾਂ ਜਾਂ ਐਲੀਵੇਟਰਾਂ ਦੀ ਵਰਤੋਂ ਕਰਨ ਦੇ ਯੋਗ ਨਹੀਂ ਹੋਣਗੇ । ਕੋਰੋਨਾ ਨੂੰ ਦੇਖਦੇ ਹੋਏ  ਸਿਰਫ ਪੌੜੀਆਂ ਤੋਂ ਆਉਣ ਦੀ ਇਜਾਜ਼ਤ ਹੀ ਰਹੇਗੀ ।

ਵੈਬਸਾਈਟ ਵਿੱਚ ਅੱਗੇ ਕਿਹਾ ਗਿਆ ਕਿ ਸਮਾਜਿਕ ਦੂਰੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸਿਰਫ ਇੱਕ ਸੀਮਤ ਗਿਣਤੀ ਵਿੱਚ ਹੀ ਲੋਕਾਂ ਨੂੰ ਦਾਖਲ ਹੋਣ ਦੀ ਆਗਿਆ ਦਿੱਤੀ ਜਾਵੇਗੀ । ਇਹ ਫੈਸਲਾ ਲਾਗ ਦੇ ਜੋਖਮ ਦੇ ਮੱਦੇਨਜ਼ਰ ਲਿਆ ਗਿਆ ਹੈ । ਉੱਪਰਲੀ ਮੰਜ਼ਿਲ ਹਾਲੇ ਬੰਦ ਰਹੇਗੀ, ਕਿਉਂਕਿ ਉੱਪਰ ਆਉਣ ਵਾਲੀ ਲਿਫਟ ਬਹੁਤ ਛੋਟੀ ਹੁੰਦੀ ਹੈ । ਹਾਲਾਂਕਿ, ਗਰਮੀਆਂ ਦੌਰਾਨ ਇਹ ਦੁਬਾਰਾ ਖੁੱਲ੍ਹ ਸਕਦਾ ਹੈ ।

ਗੌਰਤਲਬ ਹੈ ਕਿ ਵਿਸ਼ਵ ਭਰ ਵਿੱਚ 72 ਲੱਖ ਤੋਂ ਵੱਧ ਲੋਕ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਹੋਏ ਹਨ । ਇਸ ਦੇ ਨਾਲ ਹੀ ਇਸ ਲਾਗ ਕਾਰਨ 4 ਲੱਖ ਅੱਠ ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ । ਜੇ ਅਸੀਂ ਫਰਾਂਸ ਵਿੱਚ ਇਸ ਲਾਗ ਦੀ ਗੱਲ ਕਰੀਏ ਤਾਂ ਇੱਥੇ 1 ਲੱਖ 55 ਹਜ਼ਾਰ ਤੋਂ ਵੱਧ ਪੁਸ਼ਟੀ ਕੀਤੇ ਕੇਸ ਸਾਹਮਣੇ ਆਏ ਹਨ । ਉੱਥੇ ਹੀ 29 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ।

The post 25 ਜੂਨ ਤੋਂ ਜਨਤਾ ਲਈ ਫਿਰ ਤੋਂ ਖੁੱਲ੍ਹੇਗਾ ‘Eiffel Tower’, ਇਨ੍ਹਾਂ ਗੱਲਾਂ ਦਾ ਰੱਖਣਾ ਪਵੇਗਾ ਧਿਆਨ appeared first on Daily Post Punjabi.