‘ਡੌਨ 3’ ਨੂੰ ਲੈ ਕੇ ਸਭ ਤੋਂ ਪਹਿਲਾਂ ਰਣਵੀਰ ਸਿੰਘ ਦਾ ਨਾਂ ਚਰਚਾ ‘ਚ ਸੀ। ਕੁਝ ਦਿਨਾਂ ਬਾਅਦ ਮੇਕਰਸ ਨੇ ਖੁਦ ਉਸ ਨੂੰ ਲੈ ਕੇ ਐਲਾਨ ਕੀਤਾ। ਇਸ ਦੇ ਨਾਲ ਹੀ ਹੀਰੋਇਨ ਲਈ ਕਿਆਰਾ ਅਡਵਾਨੀ ਦਾ ਨਾਂ ਸਾਹਮਣੇ ਆਇਆ ਸੀ ਅਤੇ ਹੁਣ ਉਹ ਅਧਿਕਾਰਤ ਤੌਰ ‘ਤੇ ‘ਡੌਨ 3’ ਦਾ ਹਿੱਸਾ ਬਣ ਗਈ ਹੈ। ਰਣਵੀਰ ਸਿੰਘ ਅਤੇ ਕਿਆਰਾ ਅਡਵਾਨੀ ਤੋਂ ਬਾਅਦ ਇਮਰਾਨ ਹਾਸ਼ਮੀ ਦਾ ਨਾਂ ਸੁਰਖੀਆਂ ‘ਚ ਬਣਿਆ ਹੋਇਆ ਹੈ। ‘ਡੌਨ 3’ ਨੂੰ ਲੈ ਕੇ ਲਗਾਤਾਰ ਆ ਰਹੀਆਂ ਖਬਰਾਂ ‘ਤੇ ਹੁਣ ਅਦਾਕਾਰ ਨੇ ਖੁਦ ਚੁੱਪੀ ਤੋੜੀ ਹੈ। ਇਮਰਾਨ ਹਾਸ਼ਮੀ ਨੇ ‘ਡੌਨ 3’ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਸ਼ੇਅਰ ਕਰਕੇ ਆਪਣੀ ਐਂਟਰੀ ਦੀ ਸੱਚਾਈ ਦੱਸੀ ਹੈ। ਇਮਰਾਨ ਹਾਸ਼ਮੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ਦੇ ਸਟੋਰੀ ਸੈਕਸ਼ਨ ਵਿੱਚ ਡੌਨ ਬਾਰੇ ਪੋਸਟ ਕੀਤਾ ਹੈ। ਅਦਾਕਾਰ ਨੇ ਦੱਸਿਆ ਕਿ ਉਹ ਫਰਹਾਨ ਅਖਤਰ ਦੀ ਫਿਲਮ ਦਾ ਹਿੱਸਾ ਨਹੀਂ ਹੈ। ਇਮਰਾਨ ਹਾਸ਼ਮੀ ਨੇ ਪੋਸਟ ਵਿੱਚ ਕਿਹਾ, ਪ੍ਰਸ਼ੰਸਕਾਂ ਅਤੇ ਪੱਤਰਕਾਰਾਂ ਲਈ ਜੋ ਪੁੱਛ ਰਹੇ ਹਨ। ਮੈਂ ਕਦੇ ਵੀ ਡੌਨ 3 ਦਾ ਹਿੱਸਾ ਨਹੀਂ ਸੀ। ਮੈਨੂੰ ਕਦੇ ਵੀ ਫ਼ਿਲਮ ਦੀ ਪੇਸ਼ਕਸ਼ ਨਹੀਂ ਹੋਈ।

ਡੌਨ 3 ਦੇ ਅਪਡੇਟ ਦੀ ਗੱਲ ਕਰੀਏ ਤਾਂ ਨਿਰਦੇਸ਼ਕ ਫਰਹਾਨ ਅਖਤਰ ਨੇ ਪਿਛਲੇ ਸਾਲ ਇੱਕ ਅਨਾਊਂਸਮੈਂਟ ਵੀਡੀਓ ਜਾਰੀ ਕਰਕੇ ਫਿਲਮ ਵਿੱਚ ਰਣਵੀਰ ਸਿੰਘ ਦੀ ਐਂਟਰੀ ਦਾ ਖੁਲਾਸਾ ਕੀਤਾ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕੁਝ ਦਿਨ ਪਹਿਲਾਂ ਇਕ ਹੋਰ ਪੋਸਟ ਸ਼ੇਅਰ ਕਰਦੇ ਹੋਏ ਕਿਆਰਾ ਅਡਵਾਨੀ ਦੀ ਡੌਨ ਯੂਨੀਵਰਸ ‘ਚ ਐਂਟਰੀ ਦੀ ਜਾਣਕਾਰੀ ਦਿੱਤੀ ਸੀ। ਜੇਕਰ ਰਿਲੀਜ਼ ਡੇਟ ‘ਤੇ ਨਜ਼ਰ ਮਾਰੀਏ ਤਾਂ ਮੇਕਰਸ ਨੇ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ ਪਰ ਖਬਰਾਂ ਮੁਤਾਬਕ ਡੌਨ 3 ਸਾਲ 2025 ‘ਚ ਰਿਲੀਜ਼ ਹੋ ਸਕਦੀ ਹੈ।