ਆਇਰਲੈਂਡ ਕੈਮਫ਼ੇਰ  (ਨਾਬਾਦ 59) ਅਤੇ ਐਂਡੀ ਮੈਕਬ੍ਰਾਈਨ (40) ਦੇ ਵਿਚਕਾਰ 8 ਵੇਂ ਵਿਕਟ ਲਈ 66 ਦੌੜਾਂ ਦੀ ਸਾਂਝੇਦਾਰੀ ਦੀ ਬਦੌਲਤ 172 ਦੌੜਾਂ ਬਣਾਉਣ ਦੇ ਯੋਗ ਹੋ ਗਿਆ। ਇੱਕ ਸਮੇਂ ਆਇਰਲੈਂਡ ਨੇ 28 ਦੌੜਾਂ ‘ਤੇ ਪੰਜ ਵਿਕਟਾਂ ਗੁਆ ਦਿੱਤੀਆਂ ਸਨ ਅਤੇ 100 ਦੌੜਾਂ ਪਾਰ ਕਰਨਾ ਮੁਸ਼ਕਿਲ ਸੀ, ਪਰ ਕੈਮਫ਼ੇਰ ਅਤੇ ਮੈਕਬ੍ਰਾਈਨ ਨੇ ਟੀਮ ਨੂੰ ਛੇਤੀ ਨਿਪਟਣ ਤੋਂ ਬਚਾਇਆ। ਮੈਨ ਆਫ ਦਿ ਮੈਚ ਡੇਵਿਡ ਵਿਲੀ ਨੇ 5 ਵਿਕਟਾਂ ਲਈਆਂ (8.4 ਓਵਰਾਂ ‘ਚ 30 ਦੌੜਾਂ ਦੇ ਕੇ), ਜਦਕਿ ਸਾਕਿਬ ਮਹਿਮੂਦ ਨੇ 2 ਸਫਲਤਾਵਾਂ ਹਾਸਿਲ ਕੀਤੀਆਂ। ਆਦਿਲ ਰਾਸ਼ਿਦ ਅਤੇ ਟੌਮ ਕੁਰੇਨ ਨੇ 1-1 ਵਿਕਟ ਹਾਸਿਲ ਕੀਤੀ। ਜਵਾਬ ‘ਚ ਇੰਗਲੈਂਡ ਦੀ ਸ਼ੁਰੂਆਤ ਮਾੜੀ ਰਹੀ। ਉਸ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ (ਜੌਨੀ ਬੈਰੀਸਟੋ – 2 ਅਤੇ ਜੇਸਨ ਰਾਏ – 24) 34 ਦੌੜਾਂ ‘ਤੇ ਵਾਪਿਸ ਪਰਤ ਗਏ ਸਨ। ਇਸ ਤੋਂ ਬਾਅਦ ਟੀਮ ਨੇ 78 ਦੌੜਾਂ ‘ਤੇ ਚਾਰ ਵਿਕਟਾਂ ਗੁਆ ਦਿੱਤੀਆਂ। ਆਖਰਕਾਰ ਸੈਮ ਬਿਲਿੰਗਜ਼ ਅਤੇ ਕਪਤਾਨ ਮੋਰਗਨ ਨੇ ਲੀਡ ਲੈ ਲਈ ਅਤੇ ਟੀਮ ਨੂੰ ਜਿੱਤ ਵੱਲ ਲੈ ਗਏ। ਇੰਗਲੈਂਡ ਨੇ 27.5 ਓਵਰਾਂ ਵਿੱਚ 174/4 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ।

The post ਇੰਗਲੈਂਡ ਨੇ ਵਰਲਡ ਕੱਪ ਸੁਪਰ ਲੀਗ ‘ਚ ਜਿੱਤ ਨਾਲ ਸ਼ੁਰੂਆਤ ਕਰਦਿਆਂ ਆਇਰਲੈਂਡ ਨੂੰ 6 ਵਿਕਟਾਂ ਨਾਲ ਹਰਾਇਆ appeared first on Daily Post Punjabi.