ਠੇਕੇਦਾਰ ਤਰਸੇਮ ਲਾਲ ਉਰਫ਼ ਜਿੰਦਰ ਵਾਸੀ ਪਿੰਡ ਧੌਲ ਨੇ ਦੱਸਿਆ ਕਿ ਉਹ ਬਲਾਚੌਰ ਭੱਦੀ ਰੋਡ ’ਤੇ ਸਥਿਤ ਲੱਕੜ ਮੰਡੀ ਤੋਂ ਲੱਕੜ ਖਰੀਦ ਕੇ ਅੱਗੇ ਵੇਚਦਾ ਹੈ। ਆਮ ਵਾਂਗ ਉਹ ਲੱਕੜ ਖਰੀਦਣ ਲਈ ਘਰੋਂ ਪੈਸੇ ਲੈ ਜਾਂਦਾ ਹੈ। ਉਸ ਨੇ ਜਲੰਧਰ ਤੋਂ ਕੈਂਟਰ ਖਰੀਦਿਆ ਸੀ। ਜਿਸ ਲਈ ਉਸ ਨੂੰ 4 ਲੱਖ ਰੁਪਏ ਦਾ ਪੇਮੈਂਟ ਦੇਣਾ ਸੀ। 17 ਦਸੰਬਰ ਦੀ ਸਵੇਰ ਨੂੰ ਉਹ ਕੈਂਟਰ ਦੀ ਪੇਮੈਂਟ ਦੇਣ ਲਈ 4 ਲੱਖ ਰੁਪਏ ਅਤੇ 3 ਲੱਖ ਰੁਪਏ ਬੈਗ ਵਿੱਚ ਲੈ ਕੇ ਮੰਡੀ ਵਿੱਚ ਆਇਆ ਸੀ।

ਉਸ ਨੇ ਦੱਸਿਆ ਕਿ ਇਹ ਰਕਮ ਠੇਕੇਦਾਰ ਦਿਲਬਾਗ ਰਾਏ ਉਰਫ਼ ਬਾਗੀ ਨੂੰ ਅਦਾ ਕੀਤੀ ਜਾਣੀ ਸੀ। ਤਰਸੇਮ ਲਾਲ ਨੇ ਦਿਲਬਾਗ ਰਾਏ ਨੂੰ ਬੁਲਾ ਕੇ ਬੈਗ ਵਿੱਚੋਂ 1 ਲੱਖ ਰੁਪਏ ਕੱਢ ਕੇ ਉਸ ਨੂੰ ਦੇ ਦਿੱਤੇ ਅਤੇ ਬਾਕੀ 6 ਲੱਖ ਰੁਪਏ ਬੈਗ ਵਿੱਚ ਹੀ ਰਹਿ ਗਏ। ਉਸਨੇ ਬੈਗ ਡਰਾਈਵਰ ਦੇ ਕੋਲ ਕੰਡਕਟਰ ਦੀ ਸੀਟ ‘ਤੇ ਰੱਖ ਦਿੱਤਾ ਅਤੇ ਲੱਕੜ ਖਰੀਦਣ ਲੱਗ ਪਿਆ। ਜਦੋਂ ਉਹ ਸਵੇਰੇ ਕਰੀਬ 7:15 ਵਜੇ ਆਪਣੀ ਕਾਰ ‘ਤੇ ਵਾਪਸ ਆਇਆ ਤਾਂ ਦੇਖਿਆ ਕਿ ਡਰਾਈਵਰ ਦੀ ਸੀਟ ਦੀ ਪਿਛਲੀ ਸੀਟ ਦੇ ਦਰਵਾਜ਼ੇ ਦਾ ਸ਼ੀਸ਼ਾ ਟੁੱਟਿਆ ਹੋਇਆ ਸੀ ਅਤੇ ਕੋਈ ਅਣਪਛਾਤਾ ਚੋਰ ਕੰਡਕਟਰ ਦੀ ਸੀਟ ‘ਤੇ ਰੱਖਿਆ ਪੈਸਿਆਂ ਨਾਲ ਭਰਿਆ ਬੈਗ ਚੋਰੀ ਕਰਕੇ ਫ਼ਰਾਰ ਹੋ ਗਿਆ।

ਇਹ ਵੀ ਪੜ੍ਹੋ : ਗੁਰਦਾਸਪੁਰ ‘ਚ ਫਰਨੀਚਰ ਦੀ ਦੁਕਾਨ ‘ਚ ਲੱਗੀ ਅੱ.ਗ, ਲੱਖਾਂ ਰੁਪਏ ਦਾ ਸਾਮਾਨ ਸੜ ਕੇ ਸੁਆਹ

ਉਨ੍ਹਾਂ ਇਸ ਦੀ ਸੂਚਨਾ ਸਿਟੀ ਥਾਣਾ ਬਲਾਚੌਰ ਨੂੰ ਦਿੱਤੀ। ਥਾਣਾ ਸਿਟੀ ਬਲਾਚੌਰ ਦੀ SHO ਮਨਜੀਤ ਕੌਰ ਨੇ ਪੁਲਿਸ ਮੁਲਾਜ਼ਮਾਂ ਸਮੇਤ ਮੌਕੇ ’ਤੇ ਪਹੁੰਚ ਕੇ ਫੋਰੈਂਸਿਕ ਟੀਮ ਨੂੰ ਬੁਲਾ ਕੇ ਗੱਡੀ ਦੀ ਜਾਂਚ ਕੀਤੀ। ਥਾਣਾ ਸਿਟੀ ਬਲਾਚੌਰ ਦੀ SHO ਮਨਜੀਤ ਕੌਰ ਨੇ ਦੱਸਿਆ ਕਿ ਚੋਰੀ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਮਾਮਲਾ ਉੱਚ ਅਧਿਕਾਰੀਆਂ ਦੇ ਧਿਆਨ ਵਿੱਚ ਹੈ। ਠੇਕੇਦਾਰ ਦੇ ਬਿਆਨਾਂ ਦੇ ਆਧਾਰ ‘ਤੇ ਥਾਣਾ ਸਿਟੀ ਬਲਾਚੌਰ ‘ਚ ਅਣਪਛਾਤੇ ਚੋਰ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।

ਵੀਡੀਓ ਲਈ ਕਲਿੱਕ ਕਰੋ : –

The post ਨਵਾਂਸ਼ਹਿਰ ‘ਚ ਲੁਟੇਰਿਆਂ ਦੇ ਹੌਸਲੇ ਬੁਲੰਦ, ਕਾਰ ਦਾ ਸ਼ੀਸ਼ਾ ਤੋੜ ਕੇ ਬੈਗ ‘ਚ ਰੱਖੇ 6 ਲੱਖ ਰੁ: ਲੈ ਕੇ ਹੋਏ ਫਰਾਰ appeared first on Daily Post Punjabi.