ਦੱਸ ਦੇਈਏ ਹੈ ਕਿ ਬਿੱਗ ਬੌਸ 14 ਵੀਕੈਂਡ ਵਾਰ ਵਿਚ ਸਲਮਾਨ ਖਾਨ ਨੇ ਮੁਕਾਬਲੇਬਾਜ਼ਾਂ ਨੂੰ ਪਹਿਲੇ ਬੇਦਖਲ ਹੋਣ ਦਾ ਸੰਕੇਤ ਦਿੱਤਾ ਸੀ। ਸੀਨੀਅਰਜ਼ ਦੇ ਇੱਕ ਟਾਸਕ ਦੇ ਦੌਰਾਨ, ਹਿਨਾ, ਗੌਹਰ ਅਤੇ ਸਿਧਾਰਥ ਕਿਹਾ ਕਿ ਇਸ ਵਿੱਚ ਉਹ ਗੱਲ ਨਹੀਂ ਹੈ ਅਤੇ ਇਸ ਕੈਟੇਗਰੀ ਵਿੱਚ ਸਾਰਾ ਗੁਰਪਾਲ ਦਾ ਨਾਮ ਚੁਣਿਆ ਸੀ। ਇਹ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ ਕਿ ਸਾਰਾ ਗੁਰਪਾਲ ਬਿੱਗ ਬੌਸ ਦੇ ਘਰ ਦੀ ਪਹਿਲੀ ਐਵਿਕਸ਼ਨ ਹੋਵੇਗੀ। ਹੁਣ ਨਤੀਜਾ ਵੀ ਆ ਗਿਆ ਹੈ।ਐਵਿੀਕਸ਼ਨ ਦੇ ਨਾਲ-ਨਾਲ ਸਲਮਾਨ ਖਾਨ ਨੇ ਦੂਜੇ ਮੁਕਾਬਲੇਬਾਜ਼ਾਂ ਨੂੰ ਵਧੀਆ ਪ੍ਰਦਰਸ਼ਨ ਕਰਨ ਦੀ ਹਦਾਇਤ ਵੀ ਦਿੱਤੀ ਹੈ। ਵੈਸੇ, ਨਿੱਕੀ ਤੰਬੋਲੀ ਹੁਣ ਤੱਕ ਘਰ ਦੀ ਇਕੋ ਇਕ ਪੁਸ਼ਟੀ ਕੀਤੀ ਦਾਅਵੇਦਾਰ ਹੈ। ਬਾਕੀ ਮੁਕਾਬਲੇਬਾਜ਼ ਟੀ.ਬੀ.ਸੀ. ਹਨ, ਜਿਸਦੀ ਪੁਸ਼ਟੀ ਯਾਨਿ ਕਿ ਟੂ ਬੀ ਕੰਨਫਰਮਡ ਹਨ।

ਇਸ ਦੇ ਨਾਲ ਸਾਰਾ ਗੁਰਪਾਲ ਦੀ ਗੱਲ ਕਰੀਏ ਤਾਂ ਖਾਸ ਗੱਲ ਇਹ ਹੈ ਕਿ ਸਾਰਾ ਗੁਰਪਾਲ ਇਕ ਪੰਜਾਬੀ ਮਾਡਲ, ਗਾਇਕਾ ਅਤੇ ਅਦਾਕਾਰਾ ਹੈ। ਸਾਰਾ ਗੁਰਪਾਲ ਵੀ ਇਕ ਵਧੀਆ ਡਾਂਸਰ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਸਾਰਾ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਇੱਕ ਵੱਡੀ ਪ੍ਰਸ਼ੰਸਕ ਹੈ। ਉਸਨੇ ਸੁਸ਼ਾਂਤ ਦੀ ਹਿੱਟ ਸੀਰੀਅਲ ‘ਪਵਿੱਤਰ ਰਿਸ਼ਤਾ’ ਦਾ ਟਾਈਟਲ ਟਰੈਕ ਗਾਇਆ ਹੈ। ਸਾਲ 2012 ਵਿਚ ਉਸਨੇ ‘ਮਿਸ ਚੰਡੀਗੜ੍ਹ’ ਦਾ ਖਿਤਾਬ ਜਿੱਤਿਆ ਸੀ।ਸਿੰਗਿੰਗ ਅਤੇ ਮਾਡਲਿੰਗ ਤੋਂ ਇਲਾਵਾ, ਸਾਰਾ ਗੁਰਪਾਲ ਨੇ ਆਪਣੇ ਅਦਾਕਾਰੀ ਦੇ ਕਰੀਅਰ ਦੀ ਸ਼ੁਰੂਆਤ 2017 ਵਿੱਚ ਗਾਇਕਾ ਅਤੇ ਅਦਾਕਾਰ ਰਵਿੰਦਰ ਗਰੇਵਾਲ ਨਾਲ ਪੰਜਾਬੀ ਫਿਲਮ ਡੈਂਜਰ ਡਾਕਟਰ ਜੈਲੀ ਨਾਲ ਕੀਤੀ ਸੀ। ਸਾਰਾ ਸੁਪਰਹਿੱਟ ਪੰਜਾਬੀ ਫਿਲਮ “ਮੰਜੇ ਬਿਸਤਰੇ” ਦਾ ਵੀ ਹਿੱਸਾ ਸੀ।ਇਸ ਫਿਲਮ ਵਿਚ ਉਸ ਨੂੰ ਗਿੱਪੀ ਗਰੇਵਾਲ, ਕਰਮਜੀਤ ਅਨਮੋਲ, ਬੀ ਐਨ ਸ਼ਰਮਾ, ਆਦਿ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ। ਕਥਿਤ ਤੌਰ ‘ਤੇ ਸਾਰਾ ਨੇ ਕੁਝ ਸਾਲ ਪਹਿਲਾਂ ਸੁਰਖੀਆਂ ਬਣੀਆਂ ਸਨ ਜਦੋਂ ਇਹ ਅਫਵਾਹਾਂ ਸਾਹਮਣੇ ਆਈਆਂ ਸਨ ਕਿ ਉਸਨੇ ਗ੍ਰੀਨ ਕਾਰਡ ਲਈ ਇੱਕ ਅਮਰੀਕੀ ਲੜਕੇ ਨਾਲ ਵਿਆਹ ਕਰਵਾ ਲਿਆ ਹੈ. ਹਾਲਾਂਕਿ, ਅਭਿਨੇਤਰੀ ਨੇ ਇਨ੍ਹਾਂ ਅਫਵਾਹਾਂ ਨੂੰ ਬਿਲਕੁਲ ਖਾਰਜ ਕਰ ਦਿੱਤਾ।

The post ਬਿੱਗ ਬੌਸ ਸੀਜਨ 14 ਵਿਚ ਨਹੀਂ ਚਲਿਆ ਪੰਜਾਬਣ ਮੁਟਿਆਰ ਸਾਰਾ ਗੁਰਪਾਲ ਦਾ ਜਾਦੂ, ਬਿੱਗ ਬੌਸ ਨੇ ਦਿੱਤਾ ਵੱਡਾ ਝਟਕਾ appeared first on Daily Post Punjabi.