ਕਿਸਾਨ ਸਮੂਹ ਨੇ ਟਵੀਟ ਕਰ ਕਿਹਾ,”ਇਹ ਬਹੁਤ ਜ਼ਿਆਦਾ ਲੋਕਤੰਤਰ ਹੈ ਕਿ ਸ਼ਾਂਤਮਈ ਢੰਗ ਨਾਲ ਵਿਰੋਧ ਕਰ ਰਹੇ ਕਿਸਾਨਾਂ ਦੇ ਫੇਸਬੁੱਕ ਗਰੁੱਪ ਨੂੰ ਹਟਾ ਦਿੱਤਾ ਜਾਵੇ । ਸਮੂਹ ਦੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਵੀ ਪਾਬੰਦੀ ਲਗਾਈ ਗਈ ਸੀ, ਜਿਸ ਤੋਂ ਬਾਅਦ ਉਸ ਨੂੰ ਵੀਡੀਓ ਜਾਂ ਫੋਟੋਆਂ ਪੋਸਟ ਕਰਨ ਦੀ ਆਗਿਆ ਨਹੀਂ ਦਿੱਤੀ ਗਈ ਸੀ। ਗਰੁੱਪ ਦੇ ਇਨਫਰਮੇਸ਼ਨ ਟੈਕਨਾਲੌਜੀ ਸੈੱਲ ਦੇ ਮੁਖੀ ਬਲਜੀਤ ਸਿੰਘ ਅਨੁਸਾਰ ਸੋਸ਼ਲ ਮੀਡੀਆ ਵੈੱਬਸਾਈਟ ਦੀ ਕਮਿਊਨਿਟੀ ਮਾਪਦੰਡਾਂ ਦੀ ਉਲੰਘਣਾ ਕਰਨ ਲਈ ਪੇਜ ਨੂੰ ਹਟਾ ਦਿੱਤਾ ਗਿਆ ਸੀ।

ਦੱਸ ਦੇਈਏ ਕਿ ਭਾਰਤੀ ਕਿਸਾਨ ਯੂਨੀਅਨ, ਹਰਿਆਣਾ ਦੇ ਭੁਪਿੰਦਰ ਚੌਧਰੀ ਦੇ ਅਨੁਸਾਰ ਫੇਸਬੁੱਕ ਪੇਜ ਨੂੰ ਡਾਊਨ ਕਰਨਾ ਸ਼ਰਮਨਾਕ ਸੀ । ਉਨ੍ਹਾਂ ਕਿਹਾ, “ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ਫੇਸਬੁੱਕ ਨੇ ਕੁਝ ਅਜਿਹਾ ਕੀਤਾ ਜੋ ਸਪੱਸ਼ਟ ਤੌਰ ‘ਤੇ ਸਰਕਾਰ ਦੇ ਹੱਕ ਵਿੱਚ ਹੈ। ਉਨ੍ਹਾਂ ਕਿਹਾ ਕਿ ਵੱਡੇ ਪੈਮਾਨੇ ‘ਤੇ ਰੋਸ ਤੋਂ ਬਾਅਦ ਫੇਸਬੁੱਕ ਨੇ ਬਾਅਦ ਵਿੱਚ ਪੇਜ ਨੂੰ ਦੁਬਾਰਾ ਜਾਰੀ ਕਰ ਦਿੱਤਾ । ਇਸ ਬਾਰੇ ਫੇਸਬੁੱਕ ਕੰਪਨੀ ਦੇ ਬੁਲਾਰੇ ਨੇ ਕਿਹਾ, ” ਅਸੀਂ ਕਿਸਾਨ ਏਕਤਾ ਮੋਰਚਾ ਦੇ ਫੇਸਬੁੱਕ ਪੇਜ (https://www.facebook.com/kisanektamorcha) ਨੂੰ ਬਹਾਲ ਕਰ ਦਿੱਤਾ ਹੈ ਅਤੇ ਅਸੁਵਿਧਾ ਲਈ ਅਫਸੋਸ ਜਤਾਇਆ ਹੈ।”

ਇਹ ਵੀ ਦੇਖੋ: ਕਿਸਾਨੀ ਮੋਰਚੇ ਦੇ 26ਵੇਂ ਦਿਨ, 11 ਵਜੇ ਸਵੇਰ ਤੋਂ ਕੱਲ 11 ਵਜੇ ਤੱਕ 11 ਆਗੂ ਕਰਨਗੇ ਭੁੱਖ ਹੜਤਾਲ Live ਤਸਵੀਰਾਂ !

The post Facebook ਨੇ ਬਹਾਲ ਕੀਤਾ ਕਿਸਾਨ ਏਕਤਾ ਮੋਰਚਾ ਦਾ ਪੇਜ਼, ਪਰੇਸ਼ਾਨੀ ਲਈ ਮੰਗੀ ਮੁਆਫ਼ੀ appeared first on Daily Post Punjabi.