ਦਰਅਸਲ, ਟਿਕੈਤ ਨੇ ਇਹ ਐਲਾਨ ਮਹਾਪੰਚਾਇਤ ਦੌਰਾਨ ਕੀਤਾ।  ਉਨ੍ਹਾਂ ਕਿਹਾ ਕਿ ਦਿੱਲੀ ਪੂਰੀ ਤਰ੍ਹਾਂ ਤਿਆਰ ਰਹੇ, ਕਿਉਂਕਿ ਕਿਸਾਨ ਵੀ ਓਹੀ ਹਨ ਤੇ ਟਰੈਕਟਰ ਵੀ ਓਹੀ ਹਨ। ਪਰ ਇਸ ਵਾਰ ਸੰਸਦ ਨੂੰ ਘੇਰਿਆ ਜਾਵੇਗਾ।  ਇਸ ਤੋਂ ਅੱਗੇ ਉਨ੍ਹਾਂ ਕਿਹਾ ਕਿ ਕਿਸਾਨ ਇੰਡੀਆ ਗੇਟ ਦੇ ਕੋਲ ਪਾਰਕਾਂ ਵਿੱਚ ਫਸਲ ਉਗਾਉਣਗੇ। ਉਨ੍ਹਾਂ ਕਿਹਾ ਕਿ ਸੰਸਦ ਨੂੰ ਘੇਰਨ ਲਈ ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਤਰੀਕ ਤੈਅ ਕੀਤੀ ਜਾਵੇਗੀ।

ਕਿਸਾਨ ਆਗੂ ਨੇ ਕਿਹਾ ਕਿ 26 ਜਨਵਰੀ ਦੀ ਘਟਨਾ ਮਾਮਲੇ ਵਿੱਚ ਦੇਸ਼ ਦੇ ਕਿਸਾਨਾਂ ਨੂੰ ਬਦਨਾਮ ਕਰਨ ਦੀ ਸਾਜਿਸ਼ ਰਚੀ ਗਈ ਸੀ। ਦੇਸ਼ ਦੇ ਕਿਸਾਨ ਤਿਰੰਗੇ ਨੂੰ ਪਿਆਰ ਕਰਦੇ ਹਨ, ਪਰ ਇਸ ਦੇਸ਼ ਦੇ ਨੇਤਾਵਾਂ ਨੂੰ ਨਹੀਂ । ਟਿਕੈਤ ਨੇ ਕਿਹਾ ਕਿ ਸਰਕਾਰ ਨੂੰ ਕਿਸਾਨਾਂ ਦੀ ਇਕ ਖੁੱਲੀ ਚੁਣੌਤੀ ਹੈ ਕਿ ਜੇ ਸਰਕਾਰ ਨੇ ਤਿੰਨ ਖੇਤੀ ਕਾਨੂੰਨਾਂ ਨੂੰ ਵਾਪਸ ਨਹੀਂ ਲਿਆ ਅਤੇ ਐਮਐਸਪੀ ਲਾਗੂ ਨਹੀਂ ਕੀਤੀ ਤਾਂ ਵੱਡੀਆਂ ਕੰਪਨੀਆਂ ਦੇ ਗੋਦਾਮਾਂ ਨੂੰ ਢਾਹੁਣ ਦਾ ਕੰਮ ਵੀ ਦੇਸ਼ ਦਾ ਕਿਸਾਨ ਕਰੇਗਾ ।

ਇਸ ਤੋਂ ਇਲਾਵਾ ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਇਸਦੇ ਲਈ ਵੀ ਸੰਯੁਕਤ ਕਿਸਾਨ ਮੋਰਚਾ ਜਲਦੀ ਹੀ ਤਰੀਕ ਦੱਸੇਗਾ । ਮਹਾਂਪੰਚਾਇਤ ਨੂੰ ਸਵਰਾਜ ਲਹਿਰ ਦੇ ਆਗੂ ਯੋਗੇਂਦਰ ਯਾਦਵ, ਆਲ ਇੰਡੀਆ ਕਿਸਾਨ ਸਭਾ ਦੇ ਕੌਮੀ ਮੀਤ ਪ੍ਰਧਾਨ ਚੌਧਰੀ ਯੁੱਧਵੀਰ ਸਿੰਘ ਅਤੇ ਕਈ ਕਿਸਾਨ ਨੇਤਾ ਨੇ ਵੀ ਸੰਬੋਧਿਤ ਕੀਤਾ ।

ਇਹ ਵੀ ਦੇਖੋ: ਅੱਧੀ ਰਾਤ ਅੰਮ੍ਰਿਤਸਰ ਦੀ ਮਾਲ ਮੰਡੀ ਦੇ ਸਰਕਾਰੀ ਕੁਆਟਰਾਂ ‘ਚ ਪੁਲਿਸ ਨੇ ਮਾਰੀ ਰੇਡ, LIVE ਤਸਵੀਰਾਂ ਦੇਖੋ ਕੀ ਮਿਲਿਆ!

The post ਕਿਸਾਨ ਅੰਦੋਲਨ ਤਿੱਖਾ ਕਰਨ ਲਈ ਟਿਕੈਤ ਦਾ ਵੱਡਾ ਐਲਾਨ- ਹੁਣ 4 ਨਹੀਂ ਬਲਕਿ 40 ਲੱਖ ਟ੍ਰੈਕਟਰਾਂ ਨਾਲ ਘੇਰਾਂਗੇ ਸੰਸਦ appeared first on Daily Post Punjabi.