ਕਿਸਾਨਾਂ ਦੀ ਲਹਿਰ ਨਿਰੰਤਰ ਜਾਰੀ ਹੈ ਅਤੇ ਉਨ੍ਹਾਂ ਨੂੰ ਕਈ ਵਰਗਾਂ ਦਾ ਸਮਰਥਨ ਵੀ ਮਿਲ ਰਿਹਾ ਹੈ। ਹੁਣ ਕਿਸਾਨਾਂ ਦੇ ਸਮਰਥਨ ਵਿੱਚ ਬੋਧੀ ਭਿਕਸ਼ੂ ਵੀ ਸੋਮਵਾਰ ਸਵੇਰੇ ਦਿੱਲੀ-ਗਾਜੀਪੁਰ ਸਰਹੱਦ ‘ਤੇ ਪਹੁੰਚੇ ਹਨ। ਇਥੇ ਉਨ੍ਹਾਂ ਨੇ ਕਿਸਾਨਾਂ ਦੀਆਂ ਮੰਗਾਂ ਦਾ ਸਮਰਥਨ ਕੀਤਾ ਅਤੇ ਤਿੰਨੋਂ ਖੇਤੀਬਾੜੀ ਕਾਨੂੰਨਾਂ ਨੂੰ ਵਾਪਿਸ ਲੈਣ ਦੀ ਮੰਗ ਕੀਤੀ। ਇੱਕ ਬੋਧੀ ਭਿਕਸ਼ੂ ਨੇ ਦੱਸਿਆ, “ਅਸੀਂ ਲਖਨਊ ਤੋਂ ਆਏ ਹਾਂ। ਕਿਸਾਨ ਸੜਕ ਤੇ ਹੈ ਇਸ ਲਈ ਅਸੀਂ ਮੱਠਾਂ ਨੂੰ ਕਿਸਾਨਾਂ ਨਾਲ ਛੱਡ ਦਿੱਤਾ ਹੈ। ਜਦੋਂ ਤੱਕ ਕਾਨੂੰਨ ਰੱਦ ਨਹੀਂ ਕੀਤੇ ਜਾਂਦੇ ਅਸੀਂ ਉਦੋਂ ਤੱਕ ਵਾਪਿਸ ਨਹੀਂ ਜਾਵਾਂਗੇ।” ਕਿਸਾਨਾਂ ਨੇ ਪਹਿਲਾਂ ਹੀ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਸਾਰੇ ਤਿੰਨ ਖੇਤੀ ਕਾਨੂੰਨਾਂ ਨੂੰ ਖਤਮ ਕਰਨ ਤੋਂ ਘੱਟ ਕਿਸੇ ਵੀ ਚੀਜ਼ ਨੂੰ ਸਵੀਕਾਰ ਨਹੀਂ ਕਰਨਗੇ ਅਤੇ ਜੇਕਰ 26 ਜਨਵਰੀ ਤੱਕ ਸਮੱਸਿਆ ਦਾ ਹੱਲ ਨਾ ਹੋਇਆ ਤਾਂ ਉਹ ਗਣਤੰਤਰ ਦਿਵਸ ਮੌਕੇ ਦਿੱਲੀ ਦੇ ਅੰਦਰ ਟਰੈਕਟਰ ਮਾਰਚ ਕੱਢਣਗੇ।

ਇਹ ਵੀ ਦੇਖੋ : ਦਿੱਲੀ ਧਰਨੇ ‘ਚ ਸ਼ਾਮਿਲ ਹੋਣ ਲਈ ਉਤਸ਼ਾਹਿਤ ਕਰਨ ਵਾਸਤੇ ਵਹੀਲਚੇਅਰ ‘ਤੇ Bathinda ਤੋਂ Delhi ਜਾ ਰਿਹੈ ਵਿਅਕਤੀ, LIVE

The post ਕਿਸਾਨਾਂ ਅਤੇ ਸਰਕਾਰ ਦਰਮਿਆਨ ਗੱਲਬਾਤ ਤੋਂ ਪਹਿਲਾ ਅੰਦੋਲਨ ਦੇ ਸਮਰਥਨ ‘ਚ ਗਾਜੀਪੁਰ ਬਾਰਡਰ ‘ਤੇ ਪਹੁੰਚੇ ਬੋਧੀ ਭਿਕਸ਼ੂ appeared first on Daily Post Punjabi.