ਇਸ ਸਬੰਧੀ ਗਾਜੀਪੁਰ ਬਾਰਡਰ ‘ਤੇ ਕਿਸਾਨ ਏਕਤਾ ਮੋਰਚਾ ਦੇ ਮੈਂਬਰ ਬਲਜਿੰਦਰ ਸਿੰਘ ਮਾਨ ਨੇ ਕਿਹਾ ਕਿ ਪ੍ਰਦਰਸ਼ਨ ਵਾਲੀ ਥਾਂ ‘ਤੇ ਗਰਮੀ ਤੋਂ ਬਚਣ ਦੇ ਸਾਰੇ ਪ੍ਰਬੰਧ ਕੀਤੇ ਜਾ ਰਹੇ ਹਨ। ਠੰਡ ਕਾਰਨ ਹਰ ਥਾਂ ਤੋਂ ਬੰਦ ਕੀਤੇ ਗਏ ਪੰਡਾਲਾਂ ਨੂੰ ਖੋਲ੍ਹਿਆ ਜਾ ਰਿਹਾ ਹੈ ਤਾਂ ਜੋ ਤਾਜ਼ੀ ਹਵਾ ਮਿਲ ਸਕੇ ਅਤੇ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲ ਸਕੇ।

ਕਿਸਾਨਾਂ ਨੂੰ ਹਰ ਸਮੇਂ ਠੰਡਾ ਪਾਣੀ ਮਿਲਦਾ ਰੱਖਣ ਲਈ ਹਰ ਜੱਥੇ ਨੂੰ ਠੰਡੇ ਪਾਣੀ ਦੀਆਂ ਬੋਤਲਾਂ ਭੇਜਣ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਨੇ ਆਪਣੇ ਟਰੈਕਟਰਾਂ ਅਤੇ ਟਰਾਲੀਆਂ ਵਿੱਚ ਵੀ ਪੱਖੇ ਲਗਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਵੱਡੀ ਗਿਣਤੀ ਵਿੱਚ ਕਿਸਾਨ ਕੂਲਰ ਅਤੇ ਪੱਖੇ ਲੈ ਕੇ ਪਹੁੰਚ ਰਹੇ ਹਨ।

ਦੱਸ ਦੇਈਏ ਕਿ ਪੱਖੇ ਤੇ ਛੋਟੇ ਕੂਲਰ ਉਪਲਬਧ ਕਰਵਾਉਣ ਲਈ ਸਰਵੇਖਣ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਸਰਵੇਖਣ ਪੂਰਾ ਹੋਣ ਤੋਂ ਬਾਅਦ ਕਿਸਾਨਾਂ ਨੂੰ ਪੱਖੇ ਅਤੇ ਕੂਲਰ ਉਨ੍ਹਾਂ ਦੇ ਜੱਥੇ ਲਈ ਉਪਲਬਧ ਕਰਵਾਏ ਜਾਣਗੇ। ਮਾਨ ਨੇ ਦੱਸਿਆ ਕਿ ਹੁਣ ਜੋ ਕਿਸਾਨ ਪਿੰਡ ਤੋਂ ਆ ਰਹੇ ਹਨ ਉਹ ਆਪਣੇ ਨਾਲ ਪੱਖੇ, ਚਟਾਈਆਂ ਅਤੇ ਖਾਣ-ਪੀਣ ਦੀਆਂ ਵਸਤਾਂ ਲੈ ਕੇ ਆ ਰਹੇ ਹਨ। ਇਹ ਸਾਰੀ ਤਿਆਰੀ ਇਸ ਲਈ ਕੀਤੀ ਜਾ ਰਹੀ ਹੈ ਤਾਂ ਕਿ ਗਰਮੀਆਂ ਦੇ ਮੌਸਮ ਵਿੱਚ ਕੋਈ ਦਿੱਕਤ ਨਾ ਆਵੇ ਅਤੇ ਲੰਬੇ ਸਮੇਂ ਤੱਕ ਅੰਦੋਲਨ ਜਾਰੀ ਰਹਿ ਸਕੇ। 

ਇਹ ਵੀ ਦੇਖੋ: ਹਰਮੀਤ ਕਾਦੀਆਂ ਦੇ ਜੋਸ਼ੀਲੇ ਬੋਲਾਂ ਨੇ ਮਹਿਰਾਜ ਰੈਲੀ ‘ਚ ਭਰਤਾ ਜੋਸ਼, ਕੇਂਦਰ ਸਰਕਾਰ ਨੂੰ ਪਾਈਆਂ ਲਾਹਨਤਾਂ

The post ਕਿਸਾਨ ਅੰਦੋਲਨ: ਗਰਮੀਆਂ ਦੀ ਤਿਆਰੀ ‘ਚ ਜੁਟੇ ਕਿਸਾਨ, ਕੂਲਰ-ਪੱਖਿਆਂ ਦਾ ਕਰ ਰਹੇ ਨੇ ਪ੍ਰਬੰਧ, ਪੜ੍ਹੋ ਪੂਰੀ ਖਬਰ appeared first on Daily Post Punjabi.