ਕਈ ਥਾਵਾਂ ‘ਤੇ ਜੀਓ ਦੇ ਮੋਬਾਈਲ ਟਾਵਰ ਵੀ ਬੰਦ ਕਰ ਦਿੱਤੇ ਗਏ ਹਨ। ਜਿਸ ਤੋਂ ਬਾਅਦ ਰਿਲਾਇੰਸ ਵੱਲੋਂ ਹੁਣ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਸ ਦਾ ਤਿੰਨੋਂ ਖੇਤੀਬਾੜੀ ਕਾਨੂੰਨਾਂ ਨਾਲ ਕੋਈ ਲੈਣਾ ਦੇਣਾ ਨਹੀਂ ਹੈ ਅਤੇ ਇਹ ਤਿੰਨੋਂ ਕਾਨੂੰਨ ਕੰਪਨੀ ਨੂੰ ਕਿਸੇ ਵੀ ਤਰਾਂ ਲਾਭ ਨਹੀਂ ਪਹੁੰਚਾਉਂਦੇ। ਕੰਪਨੀ ਨੇ ਕਿਹਾ ਹੈ ਕਿ ਭਵਿੱਖ ਵਿੱਚ ਵੀ, ਕੰਪਨੀ ਦਾ ਅਜਿਹਾ ਕੋਈ ਇਰਾਦਾ ਨਹੀਂ ਹੈ। ਉਹ ਸਿੱਧਾ ਕਿਸਾਨਾਂ ਤੋਂ ਕੋਈ ਖਰੀਦਦਾਰੀ ਨਹੀਂ ਕਰਦੀ ਹੈ। ਰਿਲਾਇੰਸ ਨੇ ਆਪਣੇ ਬਿਆਨ ਵਿੱਚ ਕਿਹਾ, ਕੰਪਨੀ ਨੇ ਕਦੇ ਕਾਰਪੋਰੇਟ ਜਾਂ ਕੰਟਰੈਕਟ ਫ਼ਾਰਮਿੰਗ ਨਹੀਂ ਕੀਤੀ ਅਤੇ ਨਾ ਹੀ ਭਵਿੱਖ ਵਿੱਚ ਕੰਪਨੀ ਦਾ ਇਸ ਕਾਰੋਬਾਰ ਵਿੱਚ ਉੱਤਰਣ ਦਾ ਕੋਈ ਇਰਾਦਾ ਹੈ। ਕੰਪਨੀ ਨੇ ਪੰਜਾਬ, ਹਰਿਆਣਾ ਜਾਂ ਭਾਰਤ ਵਿੱਚ ਕਿਤੇ ਵੀ ਕਾਰਪੋਰੇਟ ਜਾਂ ਕੰਟਰੈਕਟ ਫਾਰਮਿੰਗ ਲਈ ਕੋਈ ਜ਼ਮੀਨ ਨਹੀਂ ਖਰੀਦੀ ਹੈ।

ਕੰਪਨੀ ਨੇ ਕਿਹਾ ਹੈ ਕਿ, ਰਿਲਾਇੰਸ ਨੇ ਕਦੇ ਵੀ ਕਿਸਾਨਾਂ ਤੋਂ ਖਰੀਦ ਲਈ ਕੋਈ ਲੰਬੀ ਮਿਆਦ ਦਾ ਇਕਰਾਰਨਾਮਾ ਨਹੀਂ ਕੀਤਾ। ਰਿਲਾਇੰਸ ਵੀ ਐਮਐਸਪੀ ਉੱਤੇ ਹੀ ਆਪਣੇ ਸਪਲਾਇਰ ਤੋਂ ਖਰੀਦਣ ਦੇ ਹੱਕ ਵਿੱਚ ਹੈ। ਕੰਪਨੀ ਦੇਸ਼ ਦੇ ਅੰਨਦਾਤਾ ਦਾ ਸਨਮਾਨ ਕਰਦੀ ਹੈ। ਕਿਸਾਨਾਂ ਨੂੰ ਉਨ੍ਹਾਂ ਦੀਆਂ ਫਸਲਾਂ ਦਾ ਢੁਕਵਾਂ ਮੁੱਲ ਮਿਲਣਾ ਚਾਹੀਦਾ ਹੈ। ਕੰਪਨੀ ਇਸ ਵਿਚਾਰ ਦਾ ਪੂਰੀ ਤਰ੍ਹਾਂ ਸਮਰਥਨ ਕਰਦੀ ਹੈ।

ਇਹ ਵੀ ਦੇਖੋ : Deep Sidhu ਦਾ ਕਿਸਾਨ ਜਥੇਬੰਦੀਆਂ ਨੂੰ ਨਵਾਂ ਸੁਝਾਅ | Daily Post Punjabi

The post ਕਿਸਾਨ ਅੰਦੋਲਨ ਸਬੰਧੀ ਰਿਲਾਇੰਸ ਦਾ ਵੱਡਾ ਬਿਆਨ, ਕਿਹਾ ਕੰਟਰੈਕਟ ਫ਼ਾਰਮਿੰਗ… appeared first on Daily Post Punjabi.