ਹਰਿਆਣਾ ਦੇ ਚਰਖੀ ਦਾਦਰੀ ਵਿੱਚ ਰੇਲਵੇ ਟਰੈਕਾਂ ‘ਤੇ ਬੈਠੇ ਕਿਸਾਨਾਂ ਨੂੰ ਜਲੇਬੀ ਅਤੇ ਚਾਹ-ਪਕੌੜਿਆਂ ਦੀ ਸੇਵਾ ਕੀਤੀ ਗਈ ਹੈ। ਪਿੰਡ ਪਾਤੂਵਾਸ ਵਿੱਚ ਰੇਲਵੇ ਟਰੈਕ ’ਤੇ ਬੈਠੇ ਕਿਸਾਨਾਂ ਲਈ ਖਾਣ ਪੀਣ ਦੇ ਪ੍ਰਬੰਧ ਕੀਤੇ ਗਏ ਹਨ। ਧਰਨੇ ਵਾਲੀ ਥਾਂ ‘ਤੇ ਹੀ ਜਲੇਬੀ, ਚਾਹ ਅਤੇ ਪਕੌੜੇ ਬਣਾਏ ਜਾ ਰਹੇ ਹਨ। ਪ੍ਰਦਰਸ਼ਨ ਵਾਲੀ ਥਾਂ ‘ਤੇ ਮੌਜੂਦ ਪੁਲਿਸ ਕਰਮਚਾਰੀਆਂ ਅਤੇ ਹੋਰ ਸਰਕਾਰੀ ਲੋਕਾਂ ਨੂੰ ਵੀ ਖਾਣਾ ਖੁਆਇਆ ਗਿਆ ਹੈ। ਇਸ ਤੋਂ ਇਲਾਵਾ ਦਨਕੋਰ ਵਿਖੇ ਵੀ ਕਿਸਾਨਾਂ ਨੇ ਇੱਕ ਰੇਲ ਰੋਕੀ ਸੀ। ਇੱਥੇ ਕਿਸਾਨਾਂ ਦੀ ਤਰਫੋਂ ਖੜ੍ਹੀ ਰੇਲ ਦੇ ਯਾਤਰੀਆਂ ਲਈ ਭੋਜਨ ਦੇ ਪ੍ਰਬੰਧ ਵੀ ਕੀਤੇ ਗਏ ਸਨ। ਹਾਲਾਂਕਿ ਭਾਰਤੀ ਕਿਸਾਨ ਯੂਨੀਅਨ ਨੇ ਅਪੀਲ ਕੀਤੀ ਹੈ ਕਿ ਅੰਦੋਲਨ ਨੂੰ ਸ਼ਾਂਤੀਪੂਰਣ ਬਣਾਈ ਰੱਖਿਆ ਜਾਵੇ, ਉਥੇ ਦੇਸ਼ ਦੇ ਕਈ ਰਾਜਾਂ ਵਿੱਚ ਪੁਲਿਸ ਅਲਰਟ ਹੈ। ਕਈ ਸੰਵੇਦਨਸ਼ੀਲ ਜ਼ਿਲ੍ਹਿਆਂ ਵਿੱਚ ਸਟੇਸ਼ਨਾਂ ਦੇ ਬਾਹਰ ਵੱਡੀ ਗਿਣਤੀ ਵਿੱਚ ਪੁਲਿਸ ਮੁਲਾਜ਼ਮ ਤਾਇਨਾਤ ਕੀਤੇ ਗਏ ਹਨ।

ਇਹ ਵੀ ਦੇਖੋ : ਗੋਦੀ ਮੀਡੀਆ ਨਹੀਂ ਦਿਖਾਊ ਆਹ ਕਰੋ ਸ਼ੇਅਰ, ‘ਰੇਲ ਰੋਕੋ’ ਵਿਚਾਲੇ ਕਿਸਾਨ ਕਰ ਰਹੇ ਰੇਲਵੇ ਸਟੇਸ਼ਨਾਂ ਦੀ ਸਫ਼ਾਈ LIVE !

The post ਰੇਲ ਰੋਕੋ ਅੰਦੋਲਨ ਦੌਰਾਨ ਵੀ ਕਿਸਾਨਾਂ ਨੇ ਲਾਏ ਲੰਗਰ, ਕਿਸਾਨਾਂ ਦੇ ਨਾਲ-ਨਾਲ ਪੁਲਿਸ ਮੁਲਾਜ਼ਮਾਂ ‘ਤੇ ਯਾਤਰੀਆਂ ਲਈ ਵੀ ਕੀਤਾ ਪ੍ਰਬੰਧ appeared first on Daily Post Punjabi.