ਮੋਗਾ ਨਿਗਮ ਕਮਿਸ਼ਨਰ ਅਨੁਸਾਰ 29 ਦਸੰਬਰ 2021 ਨੂੰ ਧਰਮਕੋਟ ਸ਼ਹਿਰ ਵਿੱਚ ਮੁੱਖ ਮੰਤਰੀ ਦਾ ਪ੍ਰੋਗਰਾਮ ਸੀ। ਉਦੋਂ ਪੰਜਾਬ ਵਿੱਚ ਕਾਂਗਰਸ ਦੀ ਸਰਕਾਰ ਸੀ । ਜਿਸ ਦੇ ਸੀ.ਐਮ ਚਰਨਜੀਤ ਸਿੰਘ ਚੰਨੀ ਸਨ । ਸੀਐਮ ਦੀ ਰੈਲੀ ਵਿੱਚ ਨਿਗਮ ਨੇ 2 ਮੋਬਾਈਲ ਟਾਇਲਟ ਭੇਜੇ ਸਨ । ਰੈਲੀ ਖਤਮ ਹੋਣ ਤੋਂ ਬਾਅਦ ਇੱਕ ਮੋਬਾਈਲ ਟਾਇਲਟ ਤਾਂ ਮਿਲਿਆ ਪਰ ਦੂਜਾ ਵਾਪਸ ਨਹੀਂ ਭੇਜਿਆ ਗਿਆ।

ਇਹ ਵੀ ਪੜ੍ਹੋ: CM ਭਗਵੰਤ ਮਾਨ ਅੱਜ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਕਰਨਗੇ ਮੁਲਾਕਾਤ, ਇਨ੍ਹਾਂ ਮੁੱਦਿਆਂ ‘ਤੇ ਹੋਵੇਗੀ ਚਰਚਾ

ਨਿਗਮ ਨੇ ਮੋਬਾਈਲ ਟਾਇਲਟ ਗਾਇਬ ਹੋਣ ਬਾਰੇ ਐਸਡੀਐਮ ਨੂੰ ਪੱਤਰ ਭੇਜਿਆ । ਜਿਸ ਵਿੱਚ ਉਸ ਨੂੰ ਲੱਭ ਕੇ ਵਾਪਸ ਭੇਜਣ ਲਈ ਕਿਹਾ ਗਿਆ । ਜਲ ਸਪਲਾਈ ਤੇ ਸੈਨੀਟੇਸ਼ਨ ਵਿਭਾਗ ਨੇ ਇਸ ਦੀ ਜਾਂਚ ਕੀਤੀ । ਉਨ੍ਹਾਂ ਨੇ ਮੋਬਾਈਲ ਟਾਇਲਟ ਨਗਰ ਕੌਂਸਲ ਧਰਮਕੋਟ ਦੇ ਮੁਖੀ ਇੰਦਰਪ੍ਰੀਤ ਬੰਟੀ ਦੇ ਜਲੰਧਰ ਬਾਈਪਾਸ ਮੋਗਾ ਸਥਿਤ ਸ਼ੈਲਰ ਵਿੱਚੋਂ ਇਹ ਬਰਾਮਦ ਹੋ ਗਿਆ । ਐਸਡੀਐਮ ਦੇ ਹੁਕਮਾਂ ਤੋਂ ਬਾਅਦ ਟਾਇਲਟ ਵਾਪਸ ਭੇਜ ਦਿੱਤਾ ਗਿਆ । ਨਿਗਮ ਅਨੁਸਾਰ ਬੰਟੀ ਨੇ ਗੈਰ-ਕਾਨੂੰਨੀ ਤੌਰ ‘ਤੇ ਸਰਕਾਰੀ ਮੋਬਾਈਲ ਟਾਇਲਟ ਨੂੰ ਆਪਣੇ ਪ੍ਰਾਈਵੇਟ ਸ਼ੈਲਰ ਵਿੱਚ ਰੱਖਿਆ ਸੀ।

ਇਸ ਮਾਮਲੇ ਵਿੱਚ ਨਗਰ ਕੌਂਸਲ ਦੇ ਪ੍ਰਧਾਨ ਇੰਦਰਪ੍ਰੀਤ ਬੰਟੀ ਨੇ ਕਿਹਾ ਕਿ ਉਨ੍ਹਾਂ ਖ਼ਿਲਾਫ਼ ਸਿਆਸੀ ਬਦਲਾਖੋਰੀ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਗਿਆ ਹੈ। ਰੈਲੀ ਤੋਂ ਬਾਅਦ ਨਿਗਮ ਨੇ ਸਿਰਫ਼ ਇੱਕ ਟਾਇਲਟ ਚੁੱਕਿਆ ਅਤੇ ਦੂਜਾ ਉੱਥੇ ਹੀ ਛੱਡ ਦਿੱਤਾ। ਕੋਈ ਇਸ ਨੂੰ ਚੋਰੀ ਨਾ ਕਰ ਲਵੇ, ਇਸ ਲਈ ਉਨ੍ਹਾਂ ਨੇ ਨਿਗਮ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਅਤੇ ਸ਼ੈਲਰ ਕੋਲ ਰੱਖਵਾ ਲਿਆ। ਬਾਅਦ ਵਿੱਚ ਨਿਗਮ ਵਾਲੇ ਉਸ ਨੂੰ ਚੁੱਕ ਕੇ ਲੈ ਗਏ ।

ਵੀਡੀਓ ਲਈ ਕਲਿੱਕ ਕਰੋ -:

“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”

The post ਪੰਜਾਬ ‘ਚ ਕਾਂਗਰਸ ਨੇਤਾ ‘ਤੇ ਟਾਇਲਟ ਚੋਰੀ ਲਈ ਹੋਈ FIR, ਨਿਗਮ ਨੇ ਪ੍ਰਾਈਵੇਟ ਸ਼ੈਲਰ ‘ਚੋਂ ਕੀਤੀ ਬਰਾਮਦ appeared first on Daily Post Punjabi.