ਦੱਸ ਦੇਈਏ ਕਿ ਇਹ ਮਾਮਲਾ ਉੱਤਰ ਪ੍ਰਦੇਸ਼ ਤੋਂ ਹੈ ਜਿੱਥੇ ਸੂਬੇ ਦੇ 25 ਕਸਤੂਰਬਾ ਗਾਂਧੀ ਗਰਲਜ਼ ਸਕੂਲਾਂ (ਕੇਜੀਬੀਵੀ) ‘ਚ ਅਧਿਆਪਿਕਾ ਅਨਾਮਿਕਾ ਸ਼ੁਕਲਾ ਵਿਰੁੱਧ ਐਫਆਈਆਰ ਦਰਜ ਕਰਵਾਈ ਗਈ ਹੈ। ਇਹ ਹੀ ਨਹੀਂ ਅਨਾਮਿਕਾ ਦੀ ਥਾਂ ‘ਤੇ ਵੱਖ-ਵੱਖ ਕੇਜੀਬੀਵੀ ‘ਚ ਕੰਮ ਕਰਨ ਵਾਲੀਆਂ ਔਰਤਾਂ ਵਿਰੁੱਧ ਵੀ ਐਫਆਈਆਰ ਦਰਜ ਕਰਵਾਈ ਜਾਵੇਗੀ।

ਜ਼ਿਕਰਯੋਗ ਹੈ ਕਿ ਸੂਬੇ ‘ਚ ਬਣੇ ਗਰੀਬ ਲੜਕੀਆਂ ਦੇ ਕੇਜੀਬੀਵੀ ਸਕੂਲ ‘ਚ ਅਧਿਆਪਕਾਂ ਨੂੰ 30 ਹਜ਼ਾਰ ਰੁਪਏ ਮਾਣ ਭੱਤੇ ‘ਤੇ ਠੇਕੇ ਦੇ ਅਧਾਰ ‘ਤੇ ਨਿਯੁਕਤ ਕੀਤਾ ਜਾਂਦਾ ਹੈ। ਇਸ ਮਾਮਲੇ ਦੀ ਜਾਣਕਾਰੀ ਓਦੋਂ ਮਿਲੀ ਜਦੋਂ ਵਿਭਾਗ ਨੇ ਅਧਿਆਪਕਾਂ ਦਾ ਡਾਟਾਬੇਸ ਬਣਾਉਣਾ ਸ਼ੁਰੂ ਕੀਤਾ। ਜਿਸ ‘ਚ ਖੁਲਾਸਾ ਹੋਇਆ ਕਿ ਪੂਰਨ-ਸਮੇਂ ਅਧਿਆਪਿਕਾ ਅਮੇਠੀ, ਅੰਬੇਦਕਰ ਨਗਰ, ਰਾਏ ਬਰੇਲੀ, ਪ੍ਰਯਾਗਰਾਜ, ਅਲੀਗੜ੍ਹ ਅਤੇ ਹੋਰ ਜ਼ਿਲ੍ਹਿਆਂ ਵਿੱਚ ਇੱਕੋ ਸਮੇਂ 25 ਸਕੂਲਾਂ ਵਿੱਚ ਕੰਮ ਕਰਦੀ ਹੈ ਅਤੇ ਇਸ ਸਾਲ ਫ਼ਰਵਰੀ ਤਕ ਟੈਕਸ ਵਿਭਾਗ ਤੋਂ ਧੋਖਾਧੜੀ ਨਾਲ ਤਨਖਾਹ ਲੈਂਦੀ ਰਹੀ।

13 ਮਹੀਨਿਆਂ ਦੀ ਕੁੱਲ ਮਿਲਾਕੇ 1 ਕਰੋੜ ਰੁਪਏ ਤਨਖਾਹ ਲੈਣ ਵਾਲੀ ਅਨਾਮਿਕਾ ਸ਼ੁਕਲਾ 25 ਸਕੂਲਾਂ ਕੰਮ ਕਰਨ ਵਾਲੀ ਮੈਨਪੁਰੀ ਜ਼ਿਲ੍ਹੇ ਦੀ ਰਹਿਣ ਵਾਲੀ ਹੈ। ਵਿਭਾਗ ਵੱਲੋਂ ਅਧਿਆਪਕਾ ਨੂੰ ਨੋਟਿਸ ਭੇਜ ਦਿੱਤਾ ਗਿਆ ਹੈ। ਜਾਣਕਾਰੀ ਮਿਲੀ ਹੈ ਕਿ ਇੱਕੋ ਹੀ ਬੈਂਕ ਖਾਤੇ ‘ਚ ਵੱਖ-ਵੱਖ ਸਕੂਲਾਂ ਤੋਂ ਤਨਖਾਹ ਆਉਂਦੀ ਸੀ। ਇਸ ਸਬੰਧੀ ਯੂਪੀ ਦੇ ਸਿੱਖਿਆ ਮੰਤਰੀ ਡਾ. ਸਤੀਸ਼ ਦਿਵੇਦੀ ਨੇ ਜਾਣਕਾਰੀ ਦਿੱਤੀ ਕਿ ਵਿਭਾਗ ਵੱਲੋਂ ਜਾਂਚ ਦੇ ਆਦੇਸ਼ ਦੇ ਦਿੱਤੇ ਗਏ ਹਨ ਅਤੇ ਜੇਕਰ ਦੋਸ਼ ਸਹੀ ਨਿਕਲਦੇ ਹਨ ਤਾਂ ਅਧਿਆਪਿਕਾ ਵਿਰੁੱਧ ਸਖ਼ਤ ਕਾਰਵਾਈ ਜਲਦ ਹੋਵੇਗੀ। 

The post 1 ਕਰੋੜ ਰੁਪਏ ਤਨਖਾਹ ਲੈਕੇ 25 ਸਕੂਲਾਂ ‘ਚ ਇੱਕੋ ਸਮੇਂ ਨੌਕਰੀ ਕਰਨ ਵਾਲੀ ਅਧਿਆਪਿਕਾ ਵਿਰੁੱਧ FIR ਦਰਜ appeared first on Daily Post Punjabi.