ਵਿਵੇਕ ਨੇ ਪੁਲਸ ਨੂੰ ਦੱਸਿਆ ਕਿ ਉਹ ਐਤਵਾਰ ਰਾਤ ਆਪਣੇ ਪਰਿਵਾਰ ਨਾਲ ਵਿਸ਼ਵਕਰਮਾ ਚੌਕ ਨੇੜੇ ਪ੍ਰਕਾਸ਼ ਢਾਬੇ ‘ਤੇ ਖਾਣਾ ਖਾਣ ਗਿਆ ਸੀ। ਉਸਨੇ ਮੀਟ ਅਤੇ ਚਿਕਨ ਦਾ ਆਰਡਰ ਦਿੱਤਾ। ਜਿਵੇਂ ਹੀ ਉਹ ਮਟਨ ਦੀ ਪਲੇਟ ਖਾਣ ਲੱਗਾ ਤਾਂ ਚਮਚੇ ਵਿੱਚ ਇੱਕ ਮਰਿਆ ਚੂਹਾ ਆ ਗਿਆ। ਜਦੋਂ ਉਸ ਨੇ ਵਿਰੋਧ ਕੀਤਾ ਤਾਂ ਢਾਬਾ ਮਾਲਕ ਨੇ ਉਸ ਨੂੰ ਧਮਕੀਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ। ਖਾਣਾ ਖਾਣ ਤੋਂ ਬਾਅਦ ਉਸ ਦੇ ਪਰਿਵਾਰਕ ਮੈਂਬਰਾਂ ਨੂੰ ਪੇਟ ਦੀ ਸਮੱਸਿਆ ਹੋ ਗਈ। ਉਸ ਨੇ ਇਸ ਪੂਰੇ ਮਾਮਲੇ ਦੀ ਵੀਡੀਓ ਵੀ ਬਣਾਈ ਸੀ।

ਇਸ ਦੌਰਾਨ ਢਾਬੇ ਦੇ ਮਾਲਕ ਹਨੀ ਘਈ ਨੇ ਵੀਡੀਓ ਜਾਰੀ ਕਰਦਿਆਂ ਦੱਸਿਆ ਕਿ ਕੁਝ ਮਹੀਨੇ ਪਹਿਲਾਂ ਉਕਤ ਗਾਹਕ ਦੀ ਬਿੱਲ ਵਿੱਚ ਛੋਟ ਨੂੰ ਲੈ ਕੇ ਢਾਬੇ ਦੇ ਮੈਨੇਜਰ ਨਾਲ ਬਹਿਸ ਹੋਈ ਸੀ। ਉਸ ਨੇ ਢਾਬੇ ਨੂੰ ਬਦਨਾਮ ਕਰਨ ਦੀ ਧਮਕੀ ਦਿੱਤੀ ਸੀ। ਸਾਜ਼ਿਸ਼ ਤਹਿਤ ਗਾਹਕ ਨੇ ਮੀਟ ‘ਚ ਚੂਹਾ ਦਿਖਾਇਆ ਹੈ। ਹਨੀ ਘਈ ਨੇ ਕਿਹਾ ਕਿ ਉਸ ਦੇ ਢਾਬੇ ਦੀ ਸਿਹਤ ਵਿਭਾਗ ਜਾਂਚ ਕਰਵਾ ਸਕਦਾ ਹੈ, ਉਸ ਦਾ ਖਾਣਾ ਬਿਲਕੁਲ ਸਾਫ਼ ਹੈ।

ਇਹ ਵੀ ਪੜ੍ਹੋ : ਮਹਾਰਾਸ਼ਟਰ ‘ਚ ਬੇਕਾਬੂ ਟਰੱਕ ਹੋਟਲ ‘ਚ ਵੜਿਆ, 10 ਲੋਕਾਂ ਦੀ ਮੌ.ਤ, 20 ਤੋਂ ਵੱਧ ਜ਼ਖਮੀ

ਹਨੀ ਘਈ ਨੇ ਦੱਸਿਆ ਕਿ ਵਿਅਕਤੀ ਨੂੰ ਗਾਹਕ ਵਜੋਂ ਪੇਸ਼ ਕਰਨ ਵਾਲੇ ਵਿਅਕਤੀ ਨੇ ਸੀਸੀਟੀਵੀ ਕੈਮਰਿਆਂ ਦੀ ਰੇਂਜ ਦੇ ਬਾਹਰ ਇੱਕ ਮੇਜ਼ ਚੁਕਿਆ ਹੈ, ਜਦੋਂ ਕਿ ਪੂਰਾ ਢਾਬਾ ਖਾਲੀ ਸੀ। ਇਹ ਡਰਾਮਾ ਉਸ ਨੇ ਰਾਤ ਦੇ ਖਾਣੇ ਤੋਂ ਬਾਅਦ ਬਿੱਲ ਅਦਾ ਕਰਨ ਸਮੇਂ ਕੀਤਾ। ਉਸ ਦੇ ਢਾਬੇ ਵਿੱਚ ਟਾਈਲਾਂ ਆਦਿ ਲਗਾਉਣ ਦਾ ਕੰਮ ਚੱਲ ਰਿਹਾ ਹੈ, ਜਿਸ ਕਾਰਨ ਕੈਮਰੇ ਠੀਕ ਤਰ੍ਹਾਂ ਕੰਮ ਨਹੀਂ ਕਰ ਰਹੇ, ਜਿਸ ਦਾ ਉਕਤ ਵਿਅਕਤੀ ਨੇ ਫਾਇਦਾ ਉਠਾਇਆ। ਉਸ ਦੇ ਢਾਬੇ ਨੂੰ 54 ਸਾਲ ਹੋ ਗਏ ਹਨ। ਉਨ੍ਹਾਂ ਦੀ ਚੌਥੀ ਪੀੜ੍ਹੀ ਇਹ ਢਾਬਾ ਚਲਾ ਰਹੀ ਹੈ। ਉਸ ਦੇ ਮਹਾਨਗਰ ਵਿਚ ਵੱਖ-ਵੱਖ ਥਾਵਾਂ ‘ਤੇ 4 ਢਾਬੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

The post ਲੁਧਿਆਣਾ ਦੇ ਮਸ਼ਹੂਰ ਪ੍ਰਕਾਸ਼ ਢਾਬੇ ਦੇ ਮਾਲਕ ਖਿਲਾਫ FIR ਦਰਜ, ਮੀਟ ਦੀ ਪਲੇਟ ‘ਚ ਮਿਲਿਆ ਸੀ ਮਰਿਆ ਚੂਹਾ appeared first on Daily Post Punjabi.