ਪਾਰਕ ਦੇ ਮੁੱਖ ਕਾਰਜਕਾਰੀ ਨੇ ਇਨ੍ਹਾਂ ਪੰਜ ਤੋਤਿਆਂ ਦਾ ਨਾਮ ਏਰਿਕ, ਜੇਡ, ਟਾਇਸਨ, ਬਿਲੀ, ਐਲਸੀ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਤੋਤੇ ਵੱਖ-ਵੱਖ ਵਿਅਕਤੀਆਂ ਨੇ ਚਿੜੀਆਘਰ ਨੂੰ ਦਿੱਤੇ ਸਨ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਕੁੱਝ ਸਮੇਂ ਲਈ ਏਕਾਂਤਵਾਸ ਰੱਖਿਆ ਗਿਆ ਸੀ, ਅਤੇ ਸਮਾਂ ਪੂਰਾ ਹੋਣ ‘ਤੇ ਜਦੋਂ ਉਹ ਚਿੜੀਆਘਰ ਵਿੱਚ ਆਏ, ਉਨ੍ਹਾਂ ਨੇ ਲੋਕਾਂ ਨਾਲ ਬਦਸਲੂਕੀ ਕਰਨੀ ਸ਼ੁਰੂ ਕਰ ਦਿੱਤੀ। ਬੱਚੇ, ਬਜ਼ੁਰਗ ਸਭ ਲੋਕਾਂ ਨੂੰ ਗਾਲ੍ਹਾਂ ਕੱਢਣ ਲੱਗ ਪਏ। ਜਿਸ ਕਾਰਨ ਉਨ੍ਹਾਂ ਨੂੰ ਵੱਖ ਕਰਨ ਦਾ ਫੈਸਲਾ ਲਿਆ ਗਿਆ। ਅਧਿਕਾਰੀ ਨੇ ਅੱਗੇ ਦੱਸਿਆ ਕਿ ਪੰਛੀ ਕੁੱਝ ਵੀ ਬੋਲਣਾ ਸਿੱਖ ਸਕਦੇ ਹਨ, ਉਹ ਸ਼ਬਦਾਂ ਨੂੰ ਆਸਾਨੀ ਨਾਲ ਫੜ ਲੈਂਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਬਹੁਤ ਸਾਰੇ ਲੋਕ ਤੋਤੇ ਦੀ ਦੁਰਵਰਤੋਂ ਦਾ ਅਨੰਦ ਵੀ ਲੈਂਦੇ ਹਨ। ਪਰ ਬੱਚਿਆਂ ਉੱਤੇ ਇਸਦਾ ਮਾੜਾ ਪ੍ਰਭਾਵ ਪੈ ਰਿਹਾ ਸੀ, ਅਤੇ ਇਨ੍ਹਾਂ ਤੋਤਿਆਂ ਨੂੰ ਨਿਰੰਤਰ ਅਜਿਹੇ ਸ਼ਬਦਾਂ ਦੀ ਵਰਤੋਂ ਕਰਦੇ ਵੇਖਦਿਆਂ, ਉਨ੍ਹਾਂ ਨੂੰ ਕੁੱਝ ਸਮੇਂ ਲਈ ਚਿੜੀਆਘਰ ਤੋਂ ਹਟਾਉਣ ਦਾ ਫੈਸਲਾ ਲਿਆ ਗਿਆ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਸੁਧਾਰ ਤੋਂ ਬਾਅਦ ਵਾਪਿਸ ਰੱਖਿਆ ਜਾਵੇਗਾ।

The post ਇੰਗਲੈਂਡ: ਚਿੜੀਆਘਰ ਤੋਂ ਹਟਾਏ ਗਏ ਪੰਜ ਤੋਤੇ, ਲੋਕਾਂ ਨੂੰ ਕੱਢ ਰਹੇ ਸੀ ਗਾਲ੍ਹਾਂ appeared first on Daily Post Punjabi.