ਯਮੁਨਾ ਦਾ ਪਾਣੀ ਅੱਜ ਦੇਰ ਸ਼ਾਮ ਤੱਕ ਕਰਨਾਲ ਪਹੁੰਚਣ ਦੀ ਸੰਭਾਵਨਾ ਹੈ। ਦੂਜੇ ਪਾਸੇ ਯਮੁਨਾ ‘ਚ ਮੁੜ ਪਾਣੀ ਛੱਡੇ ਜਾਣ ਤੋਂ ਬਾਅਦ ਪ੍ਰਸ਼ਾਸਨ ਦੀਆਂ ਕਈ ਟੀਮਾਂ ਨੇ ਡੈਮਾਂ ਦਾ ਦੌਰਾ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਯਮੁਨਾ ਤੱਟ ਨਾਲ ਲੱਗਦੇ ਗੜ੍ਹਪੁਰ ਤਪੂ, ਸ਼ਯਦ ਛਪਰਾ, ਨਾਗਲੀ, ਚੰਦਰਾਓ, ਚੌਗਾਵਾਂ ਅਤੇ ਡੇਰਾ ਸਿਕਲੀਗਰ ਸਮੇਤ ਕਰੀਬ 12 ਪਿੰਡਾਂ ‘ਚ ਅਲਰਟ ਜਾਰੀ ਕੀਤਾ ਗਿਆ ਹੈ।

SDM ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਹੋਰ ਮੀਂਹ ਕਾਰਨ ਯਮੁਨਾ ਨਦੀ ਦੇ ਪਾਣੀ ਦਾ ਪੱਧਰ ਵੱਧ ਸਕਦਾ ਹੈ। ਇਸ ਲਈ ਘਬਰਾਉਣ ਦੀ ਲੋੜ ਨਹੀਂ ਹੈ। ਸਿਰਫ਼ ਸਾਵਧਾਨੀ ਵਰਤਦਿਆਂ ਕਿਸਾਨਾਂ ਨੂੰ ਪਾਣੀ ਦਾ ਪੱਧਰ ਘੱਟ ਹੋਣ ਤੱਕ ਖੇਤਾਂ ਵਿੱਚ ਨਹੀਂ ਜਾਣਾ ਚਾਹੀਦਾ। ਪ੍ਰਸ਼ਾਸਨ ਵੱਲੋਂ ਲੋਕਾਂ ਦੀ ਸੁਰੱਖਿਆ ਲਈ ਪੁਖਤਾ ਪ੍ਰਬੰਧ ਕੀਤੇ ਗਏ ਹਨ। ਕਿਸਾਨਾਂ ਓਮਬੀਰ, ਧਰਮਵੀਰ ਆਰੀਆ, ਰਿੰਕੂ ਤੇ ਜਸਪਾਲ ਆਦਿ ਨੇ ਕਿਹਾ ਕਿ ਜੇਕਰ ਮੁੜ ਹੜ੍ਹ ਆਇਆ ਤਾਂ ਉਨ੍ਹਾਂ ਦਾ ਭਾਰੀ ਨੁਕਸਾਨ ਹੋਵੇਗਾ।

ਇਹ ਵੀ ਪੜ੍ਹੋ : ਫਿਰੋਜ਼ਪੁਰ ‘ਚ ਹੜ੍ਹ ਪ੍ਰਭਾਵਿਤ ਲੋਕਾਂ ਦੀ ਮਦਦ ਲਈ ਪਹੁੰਚੇ ਸਪੀਕਰ: ਸੰਧਵਾਂ ਨੇ ਸੰਸਥਾਵਾਂ ਨਾਲ ਰਾਸ਼ਨ ਤੇ ਚਾਰਾ ਵੰਡਿਆ

ਮੌਸਮ ਵਿਭਾਗ ਅਨੁਸਾਰ ਕਰਨਾਲ ਵਿੱਚ ਅੱਜ ਸਵੇਰ ਤੋਂ ਬਾਅਦ ਦੁਪਹਿਰ 2 ਵਜੇ ਤੱਕ 100 ਐਮਐਮ ਮੀਂਹ ਪਿਆ ਹੈ। ਅਗਲੇ 3 ਹੋਰ ਦਿਨਾਂ ਦੇ ਮੀਂਹ ਲਈ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਦੂਜੇ ਪਾਸੇ ਪਿੰਡ ਕਲਸੌਰਾ ਦੇ ਕਿਸਾਨਾਂ ਰਾਹੁਲ ਅਤੇ ਸੋਮਬੀਰ ਨੇ ਦੱਸਿਆ ਕਿ ਜੇਕਰ ਹੜ੍ਹਾਂ ਦੇ ਨਾਲ-ਨਾਲ ਭਾਰੀ ਮੀਂਹ ਪੈਂਦਾ ਹੈ ਤਾਂ ਇਸ ਵਾਰ ਉਨ੍ਹਾਂ ਕੋਲ ਖਾਣ ਲਈ ਰਾਸ਼ਨ ਵੀ ਨਹੀਂ ਬਚੇਗਾ। ਉਹ ਪਹਿਲਾਂ ਆਏ ਹੜ੍ਹਾਂ ਤੋਂ ਉੱਭਰ ਨਹੀਂ ਸਕੇ ਹਨ। ਪ੍ਰਸ਼ਾਸਨ ਨੂੰ ਇਸ ਸਮੇਂ ਸੁਚੇਤ ਹੋਣ ਦੀ ਲੋੜ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

The post ਕਰਨਾਲ ‘ਚ ਫਿਰ ਹੜ੍ਹ ਦਾ ਖਤਰਾ: 12 ਪਿੰਡਾਂ ‘ਚ ਅਲਰਟ ਜਾਰੀ, ਡੈਮ ‘ਤੇ ਪਹੁੰਚੀਆਂ ਟੀਮਾਂ appeared first on Daily Post Punjabi.