ਜਮਸ਼ੇਦਪੁਰ ਦੇ ਸਾਕੀ ਬਾਜ਼ਾਰ ‘ਚ ਭਗਵਾਨ ਗਣੇਸ਼ ਦੇ ਆਧਾਰ ਕਾਰਡ ਵਾਲਾ ਪੰਡਾਲ ਲੋਕਾਂ ‘ਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਭਗਵਾਨ ਗਣੇਸ਼ ਦੇ ਆਧਾਰ ਕਾਰਡ ‘ਚ ਉਨ੍ਹਾਂ ਦੀ ਫੋਟੋ ਦੇ ਨਾਲ ਆਧਾਰ ਕਾਰਡ ਨੰਬਰ ਵੀ ਲਿਖਿਆ ਹੋਇਆ ਹੈ। ਪਤਾ ਸ਼੍ਰੀ ਗਣੇਸ਼ ਪੁੱਤਰ ਮਹਾਦੇਵ, ਕੈਲਾਸ਼ ਪਰਵਤ, ਸਿਖਰ ਮੰਜ਼ਿਲ, ਨੇੜੇ ਮਾਨਸਰੋਵਰ, ਝੀਲ, ਕੈਲਾਸ਼ ਪਿਨਕੋਡ- 000001 ਲਿਖ ਦਿੱਤਾ ਗਿਆ ਹੈ। ਇਸ ਦੀਆਂ ਤਸਵੀਰਾਂ ਵੀ ਕਾਫੀ ਵਾਇਰਲ ਹੋ ਰਹੀਆਂ ਹਨ।

ਇਸ ਕਾਰਡ ਨੂੰ ਸਕੈਨ ਕਰਨ ‘ਤੇ ਭਗਵਾਨ ਗਣੇਸ਼ ਦੀ ਤਸਵੀਰ ਆਉਂਦੀ ਹੈ। ਜਿਸ ਨੂੰ ਦੇਖ ਕੇ ਲੋਕ ਉਤਸ਼ਾਹਿਤ ਹੋ ਜਾਂਦੇ ਹਨ ਅਤੇ ਸੈਲਫੀ ਲੈਂਦੇ ਹਨ।

ਆਧਾਰ ਕਾਰਡ ਵਿੱਚ ਇੱਕ ਕਟਆਊਟ ਹੈ ਜਿਸ ਵਿੱਚ ਭਗਵਾਨ ਗਣੇਸ਼ ਦੀ ਮੂਰਤੀ ਰੱਖੀ ਹੋਈ ਹੈ। ਇਸ ਦੇ ਸਾਈਡ ‘ਤੇ ਬਾਰਕੋਡ ਨੂੰ ਸਕੈਨ ਕਰਨ ‘ਤੇ ਸਕ੍ਰੀਨ ‘ਤੇ ਭਗਵਾਨ ਗਣੇਸ਼ ਦੀਆਂ ਤਸਵੀਰਾਂ ਵਾਲਾ ਗੂਗਲ ਲਿੰਕ ਖੁੱਲ੍ਹਦਾ ਹੈ।

ਪੂਜਾ ਪੰਡਾਲ ਦੇ ਸੰਯੋਜਕ ਸੌਰਭ ਕੁਮਾਰ ਨੇ ਦੱਸਿਆ ਕਿ ਉਹ ਇੱਕ ਵਾਰ ਕੋਲਕਾਤਾ ਗਏ ਸਨ। ਉੱਥੇ ਉਨ੍ਹਾਂ ਨੇ ਵੱਖ-ਵੱਖ ਤਰ੍ਹਾਂ ਦੇ ਪੂਜਾ ਪੰਡਾਲ ਦੇਖੇ, ਜੋ ਆਮ ਆਦਮੀ ਦੀ ਜ਼ਿੰਦਗੀ ਨਾਲ ਜੁੜੇ ਹੋਏ ਸਨ।

ਇਹ ਵੀ ਪੜ੍ਹੋ : ਸ਼ੇਖਾਵਤ ਦੇ BBMB ਵਾਲੇ ਬਿਆਨ ‘ਤੇ ਬੋਲੇ ਮਜੀਠੀਆ, ‘ਭੂੰਡਾਂ ਦਾ ਖੱਖਰ ਛੇੜਨ ਵਾਲੀ ਗੱਲ ਕਰ ਰਹੇ ਨੇ’

ਪੰਡਾਲਾਂ ਰਾਹੀਂ ਕੁਝ ਸੁਨੇਹਾ ਦੇਣ ਦਾ ਯਤਨ ਕੀਤਾ ਜਾ ਰਿਹਾ ਸੀ। ਇਸ ਗੱਲ ਨੂੰ ਧਿਆਨ ਵਿੱਚ ਰੱਖਦਿਆਂ ਉਸ ਨੇ ਭਗਵਾਨ ਗਣੇਸ਼ ਦਾ ਆਧਾਰ ਕਾਰਡ ਬਣਵਾਇਆ। ਇਸ ਦੇ ਜ਼ਰੀਏ ਉਹ ਇਹ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਜਿਨ੍ਹਾਂ ਲੋਕਾਂ ਨੇ ਆਧਾਰ ਕਾਰਡ ਨਹੀਂ ਬਣਵਾਇਆ ਹੈ, ਉਹ ਜਲਦੀ ਤੋਂ ਜਲਦੀ ਬਣਵਾ ਲੈਣ। ਕਿਉਂਕਿ ਆਧਾਰ ਕਾਰਡ ਬਹੁਤ ਜ਼ਰੂਰੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਸਿੱਖ ਗੱਭਰੂ ਨੇ ਫੱਟੇ ਚੱਕ’ਤੇ ! ਕੈਨੇਡਾ ਦੀ Top University ਤੋਂ ਮਿਲੀ 2 ਕਰੋੜ ਦੀ ਸਕਾਲਰਸ਼ਿਪ ! ਪੁੱਤ ‘ਤੇ ਮਾਣ ਕਰਦੇ ਨੇ ਮਾਪੇ ! “

The post ‘ਗਣਪਤੀ ਬੱਪਾ’ ਦਾ ਵੀ ਬਣਿਆ ਆਧਾਰ ਕਾਰਡ! ਸਕੈਨ ਕਰਦੇ ਹੁੰਦੇ ਦਰਸ਼ਨ, ਉੱਤੇ ਜਨਮ ਤਰੀਕ ਤੇ ਪਤਾ ਵੀ appeared first on Daily Post Punjabi.

ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਤੁਹਾਨੂੰ ਸਾਰਿਆਂ ਨੂੰ ਗਣੇਸ਼ ਚਤੁਰਥੀ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ । ਗਣਪਤੀ ਬੱਪਾ ਮੋਰੀਆ! ਇਸ ਤੋਂ ਇਲਾਵਾ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਕਿਹਾ ਕਿ ਸ਼ਰਧਾਲੂਆਂ ਨੂੰ ਪਵਿੱਤਰ ‘ਸ਼੍ਰੀ ਗਣੇਸ਼ ਚਤੁਰਥੀ’ ਦੀਆਂ ਸ਼ੁੱਭਕਾਮਨਾਵਾਂ। ਭਗਵਾਨ ਵਿਨਾਇਕ ਦੇ ਅਸ਼ੀਰਵਾਦ ਨਾਲ, ਅਸੀਂ ਸਾਰੇ ਇਕਜੁੱਟ ਹੋਣ ਦੀ ਇੱਛਾ ਕਰਦੇ ਹਾਂ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਕੋਰੋਨਾ ਕਾਲ ਵਿੱਚ ਪੂਜਨ ਘਰ ਰਹਿ ਕੇ ਹੀ ਕਰਨ।

ਕੋਰੋਨਾ ਮਹਾਂਮਾਰੀ ਅਤੇ ਕੇਂਦਰ ਸਰਕਾਰ ਵੱਲੋਂ ਧਾਰਮਿਕ ਇਕੱਠਾਂ ‘ਤੇ ਪਾਬੰਦੀ ਲਗਾਉਂਦਿਆਂ ਰਾਜ ਸਰਕਾਰਾਂ ਨੇ ਲੋਕਾਂ ਨੂੰ ਆਪਣੇ ਘਰਾਂ ਦੇ ਅੰਦਰ ਗਣੇਸ਼ ਚਤੁਰਥੀ ਮਨਾਉਣ ਦੀ ਸਲਾਹ ਦਿੱਤੀ ਹੈ। ਸਰਕਾਰ ਨੇ ਕਿਹਾ ਹੈ ਕਿ ਕੋਰੋਨਾ ਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ ਜਨਤਕ ਥਾਵਾਂ ‘ਤੇ ਗਣੇਸ਼ ਜੀ ਦੀਆਂ ਮੂਰਤੀਆਂ ਸਥਾਪਤ ਕਰਨ ‘ਤੇ ਅਤੇ ਉਨ੍ਹਾਂ ਨੂੰ ਜਲੂਸ ਵਿੱਚ ਲਿਜਾਣ ‘ਤੇ ਪਾਬੰਦੀ ਲਗਾਉਣ ਦੇ ਆਦੇਸ਼ ਦਿੱਤੇ ਗਏ ਹਨ।

ਦਰਅਸਲ, ਮਹਾਂਰਾਸ਼ਟਰ ਵਿੱਚ ਗਣੇਸ਼ ਚਤੁਰਥੀ ਬਹੁਤ ਧੂਮਧਾਮ ਨਾਲ ਮਨਾਈ ਜਾਂਦੀ ਹੈ, ਪਰ ਇਸ ਵਾਰ ਕੋਰੋਨਾ ਸੰਕਟ ਕਾਰਨ ਇਸ ਦੀ ਰੌਣਕ ਫਿੱਕੀ ਪੈ ਗਈ ਹੈ। ਮਹਾਂਰਾਸ਼ਟਰ ਸਰਕਾਰ ਨੇ ਕੋਰੋਨਾ ਦੇ ਮੱਦੇਨਜ਼ਰ ਇੱਕ ਗਾਈਡਲਾਈਨ ਜਾਰੀ ਕੀਤੀ ਸੀ, ਜਿਸ ਅਨੁਸਾਰ ਗਣੇਸ਼ ਜੀ ਦੀ ਮੂਰਤੀ ਦੀ ਉਚਾਈ ਨੂੰ ਚਾਰ ਫੁੱਟ ਤੋਂ ਵੱਧ ਨਹੀਂ ਰੱਖਿਆ ਜਾ ਸਕਦਾ। ਨਾਲ ਹੀ ਜੋ ਸਥਾਨਕ ਮੰਡਲ ਮੂਰਤੀ ਸਥਾਪਿਤ ਕਰਦੇ ਹਨ, ਉਨ੍ਹਾਂ ਨੂੰ ਸਥਾਨਕ ਪ੍ਰਸ਼ਾਸਨ ਤੋਂ ਇਜਾਜ਼ਤ ਲੈਣੀ ਪਵੇਗੀ।

ਮਹਾਂਰਾਸ਼ਟਰ ਸਰਕਾਰ ਨੇ ਅਪੀਲ ਕੀਤੀ ਸੀ ਕਿ ਲੋਕ ਇਸ ਵਾਰ ਜਨਤਕ ਥਾਵਾਂ ਜਾਂ ਫਿਰ ਆਪਣੇ ਘਰਾਂ ਵਿੱਚ ਜ਼ੋਰ-ਸ਼ੋਰ ਦੀ ਤਿਆਰੀ ਨਾ ਕਰਨ ਤਾਂ ਜੋ ਘੱਟੋ-ਘੱਟ ਭੀੜ ਇਕੱਠੀ ਹੋ ਸਕੇ। ਨਾਲ ਹੀ ਮੂਰਤੀ ਸਬੰਧੀ ਦਿਸ਼ਾ-ਨਿਰਦੇਸ਼ਾਂ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਲੋਕਾਂ ਨੂੰ ਸੰਗਮਰਮਰ ਜਾਂ ਹੋਰ ਕਿਸਮ ਦੀ ਮੂਰਤੀ ਲਗਾਉਣੀ ਚਾਹੀਦੀ ਹੈ, ਜੇ ਮਿੱਟੀ ਦੀ ਮੂਰਤੀ ਲਗਾਉਣੀ ਹੈ ਤਾਂ ਇਸ ਨੂੰ ਘਰ ਵਿੱਚ ਹੀ ਵਿਸਰਜਿਤ ਕਰਨਾ ਪਵੇਗਾ । 

The post ਗਣੇਸ਼ ਚਤੁਰਥੀ ਮੌਕੇ PM ਮੋਦੀ ਤੇ ਰਾਹੁਲ ਗਾਂਧੀ ਨੇ ਦੇਸ਼ ਵਾਸੀਆਂ ਨੂੰ ਦਿੱਤੀਆਂ ਸ਼ੁੱਭਕਾਮਨਾਵਾਂ appeared first on Daily Post Punjabi.

ਗਣੇਸ਼ ਚਤੁਰਥੀ ਦਾ ਸ਼ੁੱਭ ਮਹੂਰਤ
ਸਵੇਰੇ 11.07 ਤੋਂ 1.42 ਮਿੰਟ ਤੱਕ
ਸ਼ਾਮ 4.23 ਤੋਂ 7.22 ਮਿੰਟ ਤੱਕ
ਰਾਤ ਵਿੱਚ 9.12 ਮਿੰਟ ਤੋਂ 11.23 ਮਿੰਟ ਤੱਕ
ਚੰਦਰਮਾ ਦਰਸ਼ਨ ਨਾ ਕਰਨ ਦਾ ਸਮਾਂ: ਰਾਤ 9.07 ਤੋਂ ਲੈ ਕੇ 9.25 ਤੱਕ

ਗਣੇਸ਼ ਚਤੁਰਥੀ ਵਰਤ ਦੀ ਪੂਜਾ ਵਿਧੀ
-ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਸੋਨੇ, ਤਾਂਬੇ ਅਤੇ ਮਿੱਟੀ ਦੀ ਗਣੇਸ਼ ਪ੍ਰਤਿਮਾ ਲਓ।
-ਇੱਕ ਕਲਸ਼ ਨੂੰ ਪਾਣੀ ਨਾਲ ਭਰ ਕੇ ਉਸਦੇ ਮੂੰਹ ‘ਤੇ ਲਾਲ ਕੱਪੜਾ ਬੰਨ੍ਹੋ ਅਤੇ ਉਸਦੇ ਉੱਤੇ ਗਣੇਸ਼ ਜੀ ਨੂੰ ਵਿਰਾਜਮਾਨ ਕਰੋ।
-ਗਣੇਸ਼ ਜੀ ਨੂੰ ਸਿੰਦੂਰ ਭੇਟ ਕਰੋ ਅਤੇ 21 ਲੱਡੂਆਂ ਦਾ ਭੋਗ ਲਗਾਓ।
— ਸ਼ਾਮ ਨੂੰ ਗਣੇਸ਼ ਚਤੁਰਥੀ ਦੀ ਕਥਾ, ਗਣੇਸ਼ ਚਾਲੀਸਾ ਅਤੇ ਆਰਤੀ ਪੜ੍ਹਨ ਤੋਂ ਬਾਅਦ ਚੰਦਰਮਾ ਨੂੰ ਅਰਘ ਦੇਣਾ ਚਾਹੀਦਾ ਹੈ।

ਗਣੇਸ਼ ਚਤੁਰਥੀ ਦਾ ਮਹੱਤਵ
ਦੱਸ ਦੇਈਏ ਕਿ ਕੋਈ ਵੀ ਕੰਮ ਸ਼ੁਰੂ ਕਰਨ ਤੋਂ ਪਹਿਲਾਂ ਗਣੇਸ਼ ਦੀ ਪੂਜਾ ਕੀਤੀ ਜਾਂਦੀ ਹੈ। ਬੱਪਾ ਗਣਾਂ ਦੇ ਸਵਾਮੀ ਹਨ, ਇਸੇ ਕਾਰਨ ਉਨ੍ਹਾਂ ਦਾ ਇੱਕ ਨਾਮ ਗਣਪਤੀ ਹੈ। ਗਣੇਸ਼ ਚਤੁਰਥੀ ਨੂੰ ਵਿਨਾਯਕ ਚਤੁਰਥੀ ਵੀ ਕਿਹਾ ਜਾਂਦਾ ਹੈ। ਬਹੁਤ ਸਾਰੀਆਂ ਥਾਵਾਂ ‘ਤੇ ਇਸਨੂੰ ਡੰਡਾ ਚੌਥ ਵੀ ਕਿਹਾ ਜਾਂਦਾ ਹੈ। ਗਣੇਸ਼ ਜੀ ਗਿਆਨ ਅਤੇ ਬੁੱਧੀ ਦਾ ਦਾਤਾ, ਵਿਘਰ-ਵਿਨਾਸ਼ਕਾਰੀ ਅਤੇ ਮੰਗਲਕਾ ਮੰਨੇ ਜਾਂਦੇ ਹਨ। ਗਣੇਸ਼ ਚਤੁਰਥੀ ‘ਤੇ ਵਿਸ਼ੇਸ਼ ਗਣੇਸ਼ ਜੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਜਦੋਂ ਗਣੇਸ਼ ਚਤੁਰਥੀ ਮੰਗਲਵਾਰ ਦੇ ਦਿਨ ਆਉਂਦੀ ਹੈ, ਤਾਂ ਇਸਨੂੰ ਅੰਗਾਰਕ ਚਤੁਰਥੀ ਕਿਹਾ ਜਾਂਦਾ ਹੈ। 

The post ਅੱਜ ਦੇਸ਼ ਭਰ ‘ਚ ਮਨਾਈ ਜਾ ਰਹੀ ਹੈ ਗਣੇਸ਼ ਚਤੁਰਥੀ, ਜਾਣੋ ਇਸਦਾ ਮਹੱਤਵ ਤੇ ਸਥਾਪਨਾ ਦਾ ਸ਼ੁਭ ਮਹੂਰਤ appeared first on Daily Post Punjabi.