Google I/O Event 2024

Google I/O 2024 ਈਵੈਂਟ ਮੰਗਲਵਾਰ, ਮਈ 14 ਨੂੰ ਮਾਊਂਟ ਵਿਊ ਕੈਲੀਫੋਰਨੀਆ, ਯੂਐਸਏ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਤੁਸੀਂ ਗੂਗਲ ਦੇ ਅਧਿਕਾਰਤ ਯੂਟਿਊਬ ਚੈਨਲ ‘ਤੇ ਇਸ ਇਵੈਂਟ ਦੀ ਲਾਈਵ ਸਟ੍ਰੀਮਿੰਗ ਦੇਖ ਸਕਦੇ ਹੋ, ਜਿਸ ਨੂੰ ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਅੱਜ ਰਾਤ 10.30 ਵਜੇ ਸੰਬੋਧਨ ਕਰਨਗੇ। ਗੂਗਲ ਦੇ ਯੂਟਿਊਬ ਚੈਨਲ ਤੋਂ ਇਲਾਵਾ, ਤੁਸੀਂ ਗੂਗਲ I/O ਵੈੱਬਸਾਈਟ ‘ਤੇ ਇਸਦੀ ਲਾਈਵ ਸਟ੍ਰੀਮਿੰਗ ਦੇਖ ਸਕਦੇ ਹੋ। ਗੂਗਲ ਵਲੋਂ ਇਸ ਈਵੈਂਟ ‘ਚ ਐਂਡ੍ਰਾਇਡ 15 ਬੀਟਾ 2 ਨੂੰ ਪ੍ਰਦਰਸ਼ਿਤ ਕਰਨ ਦੀ ਉਮੀਦ ਹੈ। ਇਸ ਦੇ 2 ਡਿਵੈਲਪਰ ਪ੍ਰੀਵਿਊ ਪਹਿਲਾਂ ਹੀ ਪੇਸ਼ ਕੀਤੇ ਜਾ ਚੁੱਕੇ ਹਨ। ਇਸ ਅਪਡੇਟ ਨੂੰ ਮਿਲਣ ਤੋਂ ਬਾਅਦ ਐਂਡ੍ਰਾਇਡ ਯੂਜ਼ਰਸ ਦਾ ਅਨੁਭਵ ਪੂਰੀ ਤਰ੍ਹਾਂ ਬਦਲ ਜਾਵੇਗਾ। ਇਸ ਸਾਲਾਨਾ ਈਵੈਂਟ ‘ਚ ਕੰਪਨੀ ਵੱਲੋਂ ਇੱਕ ਨਵਾਂ AI ਟੂਲ ਵੀ ਪੇਸ਼ ਕੀਤਾ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਐਂਡ੍ਰਾਇਡ ਆਪਰੇਟਿੰਗ ਸਿਸਟਮ ਅਤੇ ਗੂਗਲ ਟੀਵੀ ‘ਤੇ ਚੱਲਣ ਵਾਲੇ ਟੀਵੀ ਨੂੰ ਵੀ ਅਪਗ੍ਰੇਡ ਦਿੱਤਾ ਜਾ ਸਕਦਾ ਹੈ। ਗੂਗਲ ਦੇ ਇਸ ਅਪਡੇਟ ਨਾਲ ਐਂਡ੍ਰਾਇਡ ਆਪਰੇਟਿੰਗ ਸਿਸਟਮ ‘ਤੇ ਆਧਾਰਿਤ ਸਮਾਰਟ ਟੀਵੀ ਦੀ ਵਰਤੋਂ ਕਰਨ ਵਾਲੇ ਯੂਜ਼ਰਸ ਦਾ ਟੀਵੀ ਦੇਖਣ ਦਾ ਅਨੁਭਵ ਪਹਿਲਾਂ ਨਾਲੋਂ ਬਿਹਤਰ ਹੋ ਸਕਦਾ ਹੈ।

Google I/O 2024 ਈਵੈਂਟ ‘ਤੇ, Gemini Google ਦੇ ਚੈਟਬੋਟ ਦੇ ਨਾਲ-ਨਾਲ ਸੈਮਸੰਗ ਦੇ Galaxy AI ਫੀਚਰ ਅਤੇ ਸਰਕਲ ਟੂ ਸਰਚ ਫੀਚਰ ਅਤੇ ਨਵੇਂ AI ਟੂਲਸ ਦੇ ਸੰਬੰਧ ‘ਚ ਕੁਝ ਘੋਸ਼ਣਾਵਾਂ ਵੀ ਕੀਤੀਆਂ ਜਾ ਸਕਦੀਆਂ ਹਨ। ਇਸ ਦੇ ਨਾਲ ਹੀ ਗੂਗਲ ਆਪਣੇ ਐਂਡਰਾਇਡ ਸਮਾਰਟ ਟੀਵੀ ‘ਚ ਕਈ ਨਵੇਂ ਫੀਚਰਸ ਨੂੰ ਸ਼ਾਮਲ ਕਰ ਸਕਦਾ ਹੈ। Google ਨੇ ‘Building for the future of Wear OS’ ਸਿਰਲੇਖ ਵਾਲੇ ਇੱਕ ਨਵੇਂ ਸੈਸ਼ਨ ਨੂੰ ਸੂਚੀਬੱਧ ਕੀਤਾ ਹੈ ਅਤੇ ਪੁਸ਼ਟੀ ਕੀਤੀ ਹੈ ਕਿ Google I/O 2024 ਈਵੈਂਟ ਦੌਰਾਨ ਨਵੀਨਤਮ Wearable OS ਨੂੰ ਵੀ ਲਾਂਚ ਕਰਨ ਜਾ ਰਿਹਾ ਹੈ। ਇਸ ਨੂੰ ਮਿਲਣ ਤੋਂ ਬਾਅਦ ਯੂਜ਼ਰਸ ਦਾ ਅਨੁਭਵ ਕਾਫੀ ਮਜ਼ੇਦਾਰ ਹੋਣ ਵਾਲਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

 

“ਜਦੋਂ Shinda Grewal ਨੇ ਮਾਰਿਆ ਪਿਓ Gippy Grewal ਕੋਲ ਝੂਠ,ਸੁਣੋ ਕਿਹੜੀ ਗੱਲ ‘ਤੇ ਪੁੱਤ ਨੂੰ ਝਿੜਕਦੇ ਨੇ ਗਿੱਪੀ

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .

The post Google I/O 2024 ਈਵੈਂਟ ਅੱਜ, ਐਂਡਰਾਇਡ 15 ਤੋਂ ਲੈ ਕੇ ਨਵੇਂ AI ਟੂਲਸ ਕੀਤੇ ਜਾਣਗੇ ਪੇਸ਼ appeared first on Daily Post Punjabi.