ਇਨ੍ਹਾਂ ਪ੍ਰਸਤਾਵਾਂ ਵਿਚੋਂ 10 ਟੀਕੇ ਨਾਲ ਸਬੰਧਿਤ ਹਨ ਅਤੇ 34 ਡਾਈਗ੍ਰੋਸਟਿਕਸ ਦੇ ਉਤਪਾਦਾਂ ਨਾਲ ਸਬੰਧਿਤ ਹਨ. ਇੱਥੇ 10 ਪ੍ਰਸਤਾਵ ਅਜਿਹੇ ਹਨ ਜਿਨ੍ਹਾਂ ਵਿੱਚ ਇਲਾਜ ਦੇ ਤਰੀਕਿਆਂ ਦਾ ਸੁਝਾਅ ਦਿੱਤਾ ਗਿਆ ਹੈ । 2 ਪ੍ਰਸਤਾਵ ਪਹਿਲਾਂ ਤੋਂ ਮੌਜੂਦ ਹੋਰ ਬਿਮਾਰੀ ਦੀਆਂ ਦਵਾਈਆਂ ਦੀ ਵਰਤੋਂ ਲਈ ਹਨ । ਦਰਅਸਲ, ਬੇਨੇਟ ਯੂਨੀਵਰਸਿਟੀ ਦਾ ਪ੍ਰਸਤਾਵ ਡਾਇਗਨੌਸਟਿਕਸ ਨਾਲ ਸਬੰਧਿਤ ਹੈ, ਅਰਥਾਤ ਇਸ ਵਿੱਚ ਕੋਰੋਨਾ ਦੀ ਜਾਂਚ ਕਰਨਾ, ਇਸਦੇ ਲੱਛਣਾਂ ਦੀ ਜਾਂਚ ਕਰਨਾ ਆਦਿ ਸ਼ਾਮਿਲ ਹਨ । 

ਇਸ ਸਬੰਧੀ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਬੇਨੇਟ ਯੂਨੀਵਰਸਿਟੀ ਦਾ ਪ੍ਰਸਤਾਵ ਡਾਇਗਨੌਸਟਿਕਸ ਨਾਲ ਜੁੜਿਆ ਹੋਇਆ ਹੈ, ਜੋ ਦੇਸ਼ ਵਿੱਚ ਜਾਂਚ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕਦਾ ਹੈ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਵਿਗਿਆਨ ਅਤੇ ਤਕਨਾਲੋਜੀ ਮੰਤਰਾਲੇ ਨੇ ਕਿਹਾ ਹੈ ਕਿ ਬਾਇਓਟੈਕਨਾਲੌਜੀ ਵਿਭਾਗ (DBT) ਅਤੇ ਬਾਇਓਟੈਕਨਾਲੌਜੀ ਇੰਡਸਟਰੀ ਰਿਸਰਚ ਅਸਿਸਟੈਂਸ ਕੌਂਸਲ (BIRAC) ਨੇ ਬੇਨੇਟ ਯੂਨੀਵਰਸਿਟੀ ਦੇ ਪ੍ਰਸਤਾਵ ਸਮੇਤ ਹੋਰ ਪ੍ਰਸਤਾਵਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ । 

ਵਿਭਾਗ ਵੱਲੋਂ ਵੱਖ-ਵੱਖ ਅਦਾਰਿਆਂ ਤੋਂ ਕਈ ਪ੍ਰਸਤਾਵ ਪ੍ਰਾਪਤ ਹੋਏ ਜਿਨ੍ਹਾਂ ਦਾ ਮੁਲਾਂਕਣ ਅਤੇ ਪ੍ਰਵਾਨਗੀ ਦਿੱਤੀ ਗਈ ਜੋ ਅਨੁਕੂਲ ਲੱਗ ਰਹੇ ਸਨ । ਦੱਸ ਦੇਈਏ ਕਿ DBT ਅਤੇ BIRAC ਤੋਂ ਮਨਜ਼ੂਰੀ ਹਾਸਿਲ ਕਰਨ ਵਾਲੇ ਡਾਇਗਨੌਸਟਿਕ ਸ਼੍ਰੇਣੀ ਲਈ ਹੋਰ ਪ੍ਰਸਤਾਵਾਂ ਵਿੱਚ JNU, IIT ਦਿੱਲੀ ਅਤੇ IIT ਗੁਹਾਟੀ ਦੇ ਪ੍ਰਸਤਾਵ ਵੀ ਸ਼ਾਮਿਲ ਹਨ । ਇਹ ਪ੍ਰਸਤਾਵ ਵੱਡੇ ਪੈਮਾਨੇ ਦੀ ਸਕ੍ਰੀਨਿੰਗ ਤੋਂ ਲੈ ਕੇ ਪੇਪਰ ਮਾਈਕ੍ਰੋਫਲੂਡਿਕਸ ਤਕਨਾਲੋਜੀ, ਓਪਟੋ ਇਲੈਕਟ੍ਰੌਨਿਕ ਡਿਵਾਈਸਾਂ ਆਦਿ ਨਾਲ ਜੁੜੇ ਹੋਏ ਹਨ ।

The post ਕੋਰੋਨਾ ਖਿਲਾਫ਼ ਜੰਗ ‘ਚ IIT, ਬੇਨੇਟ ਯੂਨੀਵਰਸਿਟੀ ਦੇ ਪ੍ਰਸਤਾਵਾਂ ਨੂੰ ਮਿਲੀ ਮਨਜ਼ੂਰੀ appeared first on Daily Post Punjabi.