ਕੀ ਹੈ TaxPayer Charter?
ਜੇ ਅਸਾਨ ਭਾਸ਼ਾ ਵਿੱਚ ਸਮਝਿਆ ਜਾਵੇ ਤਾਂ ਇਹ ਚਾਰਟਰ ਇੱਕ ਕਿਸਮ ਦੀ ਸੂਚੀ ਹੋਵੇਗਾ, ਜਿਸ ਵਿੱਚ ਟੈਕਸਦਾਤਾਵਾਂ ਦੇ ਅਧਿਕਾਰਾਂ ਅਤੇ ਡਿਊਟੀਆਂ ਤੋਂ ਇਲਾਵਾ ਟੈਕਸ ਅਧਿਕਾਰੀਆਂ ਲਈ ਕੁਝ ਨਿਰਦੇਸ਼ ਵੀ ਹੋਣਗੇ। ਇਸ ਦੇ ਜ਼ਰੀਏ ਟੈਕਸਦਾਤਾਵਾਂ ਅਤੇ ਇਨਕਮ ਟੈਕਸ ਵਿਭਾਗ ਵਿਚਾਲੇ ਵਿਸ਼ਵਾਸ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਇਸ ਚਾਰਟਰ ਵਿੱਚ ਟੈਕਸਦਾਤਾਵਾਂ ਦੀ ਪਰੇਸ਼ਾਨੀ ਨੂੰ ਘਟਾਉਣ ਅਤੇ ਇਨਕਮ ਟੈਕਸ ਅਧਿਕਾਰੀਆਂ ਦੀ ਜਵਾਬਦੇਹੀ ਤੈਅ ਕਰਨ ਦੀ ਵਿਵਸਥਾ ਹੋਵੇਗੀ।

ਦੱਸ ਦੇਈਏ ਕਿ ਇਸ ਸਮੇਂ ਦੁਨੀਆ ਵਿੱਚ ਸਿਰਫ ਤਿੰਨ ਦੇਸ਼ਾਂ – ਅਮਰੀਕਾ, ਕੈਨੇਡਾ ਅਤੇ ਆਸਟ੍ਰੇਲੀਆ ਵਿੱਚ ਇਹ ਲਾਗੂ ਹੈ। ਇਨ੍ਹਾਂ ਦੇਸ਼ਾਂ ਵਿੱਚ ਲਾਗੂ ਟੈਕਸਦਾਤਾਵਾਂ ਦੇ ਚਾਰਟਰ ਬਾਰੇ ਕੁਝ ਚੀਜ਼ਾਂ ਆਮ ਹਨ। ਉਦਾਹਰਣ ਦੇ ਲਈ ਜਦ ਤੱਕ ਇਹ ਸਾਬਿਤ ਨਹੀਂ ਹੁੰਦਾ ਕਿ ਟੈਕਸਦਾਤਾ ਨੇ ਟੈਕਸ ਚੋਰੀ ਜਾਂ ਗਲਤ ਕੰਮ ਕੀਤਾ ਹੈ, ਤਦ ਤੱਕ ਉਸਨੂੰ ਇੱਕ ਇਮਾਨਦਾਰ ਟੈਕਸਦਾਤਾ ਮੰਨਿਆ ਜਾਵੇਗਾ। ਇਸਦਾ ਮਤਲਬ ਹੈ ਕਿ ਨੋਟਿਸ ਭੇਜਣ ਲਈ ਕੋਈ ਬੇਲੋੜਾ ਦਬਾਅ ਨਹੀਂ ਪਾਇਆ ਜਾਵੇਗਾ।

ਉੱਥੇ ਹੀ ਦੂਜੇ ਪਾਸੇ ਟੈਕਸ ਅਦਾਕਾਰਾਂ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਟੈਕਸਦਾਤਾਵਾਂ ਦੀਆਂ ਮੁਸ਼ਕਿਲਾਂ ਨੂੰ ਜਲਦੀ ਹੱਲ ਕਰਨ । ਭਾਵ, ਕੋਈ ਦੇਰੀ ਨਹੀਂ ਹੋਵੇਗੀ। ਇਸ ਤੋਂ ਇਲਾਵਾ ਜੇ ਟੈਕਸ ਅਦਾ ਕਰਨ ਵਾਲਿਆਂ ਖ਼ਿਲਾਫ਼ ਕੋਈ ਆਦੇਸ਼ ਜਾਰੀ ਕੀਤਾ ਜਾਂਦਾ ਹੈ ਤਾਂ ਜਾਂਚ ਕਰਨ ਦਾ ਇੱਕ ਮੌਕਾ ਦਿੱਤਾ ਜਾਂਦਾ ਹੈ। ਦੱਸ ਦੇਈਏ ਕਿ ਫਰਵਰੀ ਮਹੀਨੇ ਵਿੱਚ ਆਮ ਬਜਟ ਪੇਸ਼ ਕਰਦਿਆਂ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸਭ ਤੋਂ ਪਹਿਲਾਂ TaxPayer Charter ਬਾਰੇ ਗੱਲ ਕੀਤੀ ਸੀ।

The post ਜਾਣੋ ਕੀ ਹੈ TaxPayer Charter? ਜਿਸਨੂੰ PM ਮੋਦੀ ਨੇ ਵਿਕਾਸ ਯਾਤਰਾ ‘ਚ ਦੱਸਿਆ ਵੱਡਾ ਕਦਮ appeared first on Daily Post Punjabi.