ਗ੍ਰਾਹਮ ਥੋਰਪ ਨੇ ਤਿੰਨ ਮੌਕਿਆਂ ‘ਤੇ ਇੰਗਲੈਂਡ ਦੀ ਕਪਤਾਨੀ ਕੀਤੀ ਅਤੇ 2010 ਅਤੇ 2022 ਦੇ ਵਿਚਕਾਰ ਆਪਣੇ ਦੇਸ਼ ਲਈ ਵੱਖ-ਵੱਖ ਕੋਚਿੰਗ ਭੂਮਿਕਾਵਾਂ ਨਿਭਾਈਆਂ। ਥੋਰਪ ਨੇ ਇੰਗਲੈਂਡ ਲਈ 100 ਟੈਸਟ ਮੈਚਾਂ ਦੀਆਂ 179 ਪਾਰੀਆਂ ਵਿੱਚ 44.66 ਦੀ ਔਸਤ ਨਾਲ 6744 ਦੌੜਾਂ ਬਣਾਈਆਂ, ਜਿਸ ਵਿੱਚ ਉਸਦਾ ਸਰਵੋਤਮ ਸਕੋਰ ਨਾਬਾਦ 200 ਦੌੜਾਂ ਸੀ। ਇਸ ਫਾਰਮੈਟ ਵਿੱਚ ਉਨ੍ਹਾਂ ਨੇ 16 ਸੈਂਕੜੇ ਅਤੇ 39 ਅਰਧ ਸੈਂਕੜੇ ਲਗਾਏ ਹਨ। ਇਸ ਤੋਂ ਇਲਾਵਾ ਵਨਡੇ ‘ਚ ਉਸ ਨੇ 82 ਮੈਚਾਂ ਦੀਆਂ 77 ਪਾਰੀਆਂ ‘ਚ 37.18 ਦੀ ਔਸਤ ਨਾਲ 2380 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਨੇ 21 ਅਰਧ ਸੈਂਕੜੇ ਲਗਾਏ।

ਗ੍ਰਾਹਮ ਥੋਰਪ ਨੇ ਵੀ ਸਚਿਨ-ਸਹਿਵਾਗ ਵਰਗੇ ਦਿੱਗਜਾਂ ਨਾਲ ਕ੍ਰਿਕਟ ਖੇਡੀ। ਉਨ੍ਹਾਂ ਨੇ ਟੀਮ ਇੰਡੀਆ ਖਿਲਾਫ 5 ਟੈਸਟ ਮੈਚਾਂ ‘ਚ 35 ਤੋਂ ਜ਼ਿਆਦਾ ਦੀ ਔਸਤ ਨਾਲ 283 ਦੌੜਾਂ ਬਣਾਈਆਂ। ਟੀਮ ਇੰਡੀਆ ਖਿਲਾਫ ਵਨਡੇ ‘ਚ ਇਸ ਖਿਡਾਰੀ ਨੇ 36 ਤੋਂ ਜ਼ਿਆਦਾ ਦੀ ਔਸਤ ਨਾਲ 328 ਦੌੜਾਂ ਬਣਾਈਆਂ। ਟੀਮ ਇੰਡੀਆ ਦੇ ਖਿਲਾਫ ਇਸ ਖਿਡਾਰੀ ਦੀ ਔਸਤ ਬੇਸ਼ੱਕ ਚੰਗੀ ਸੀ ਪਰ ਉਹ ਕਦੇ ਵੀ ਸੈਂਕੜਾ ਨਹੀਂ ਲਗਾ ਸਕਿਆ।

ਇਹ ਵੀ ਪੜ੍ਹੋ : ਪੰਜਾਬ ’ਚ ਰੋਜ਼ਾਨਾ ਪੌਣੇ 4 ਲੱਖ ਮਹਿਲਾਵਾਂ ਲੈ ਰਹੀਆਂ ਹਨ ਮੁਫ਼ਤ ਬੱਸ ਸਫ਼ਰ ਦਾ ਲਾਹਾ

ਗ੍ਰਾਹਮ ਥੋਰਪ ਨਾ ਸਿਰਫ਼ ਇੱਕ ਖਿਡਾਰੀ ਦੇ ਤੌਰ ‘ਤੇ, ਸਗੋਂ ਇੱਕ ਕੋਚ ਵਜੋਂ ਵੀ ਬਹੁਤ ਮਸ਼ਹੂਰ ਸੀ। ਇਸ ਖਿਡਾਰੀ ਨੇ 2005 ਵਿੱਚ ਨਿਊ ਸਾਊਥ ਵੇਲਜ਼ ਦੀ ਕੋਚਿੰਗ ਕੀਤੀ ਅਤੇ ਫਿਰ ਉਸ ਨੂੰ ਇੰਗਲੈਂਡ ਲਾਇਨਜ਼ ਦਾ ਕੋਚ ਬਣਾਇਆ ਗਿਆ। ਉਸ ਦਾ ਕੰਮ ਨੌਜਵਾਨ ਖਿਡਾਰੀਆਂ ਨੂੰ ਤਿਆਰ ਕਰਨਾ ਸੀ। 2013 ਦੇ ਸ਼ੁਰੂ ਵਿੱਚ, ਥੋਰਪ ਇੰਗਲੈਂਡ ਦੀਆਂ ਵਨਡੇ ਅਤੇ ਟੀ-20 ਟੀਮਾਂ ਦਾ ਬੱਲੇਬਾਜ਼ੀ ਕੋਚ ਬਣ ਗਿਆ। ਉਹ 2020 ‘ਚ ਪਾਕਿਸਤਾਨ ਖਿਲਾਫ ਟੀ-20 ਸੀਰੀਜ਼ ਦੌਰਾਨ ਟੀਮ ਦੇ ਅੰਤਰਿਮ ਕੋਚ ਬਣੇ ਸਨ।

ਵੀਡੀਓ ਲਈ ਕਲਿੱਕ ਕਰੋ -:

The post ਇੰਗਲੈਂਡ ਦੇ ਸਾਬਕਾ ਕ੍ਰਿਕਟਰ ਦਾ ਹੋਇਆ ਦੇਹਾਂਤ, 55 ਸਾਲ ਦੀ ਉਮਰ ‘ਚ ਲਏ ਆਖਰੀ ਸਾਹ appeared first on Daily Post Punjabi.