ਕਪਿਲ ਸ਼ਰਮਾ ਨੇ ਕੁਝ ਦਿਨ ਪਹਿਲਾਂ ਸੁਨੀਲ ਗਰੋਵਰ ਅਤੇ ਆਪਣੇ ਨਵੇਂ ਸ਼ੋਅ ਦਾ ਐਲਾਨ ਕੀਤਾ ਸੀ। ਇਸ ਸ਼ੋਅ ‘ਚ ਸੁਨੀਲ ਦੇ ਨਾਲ ਕ੍ਰਿਸ਼ਨਾ ਅਭਿਸ਼ੇਕ, ਕੀਕੂ ਸ਼ਾਰਦਾ ਅਤੇ ਅਰਚਨਾ ਪੂਰਨ ਸਿੰਘ ਵੀ ਨਜ਼ਰ ਆਉਣਗੇ। ਕਪਿਲ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਆਪਣੀ ਪੂਰੀ ਟੀਮ ਨਾਲ ਸ਼ੋਅ ਦੀ ਰਿਲੀਜ਼ ਡੇਟ ਦਾ ਐਲਾਨ ਵੀ ਕੀਤਾ ਹੈ। ਕਪਿਲ ਸ਼ਰਮਾ ਨੇ ਇੱਕ ਵੀਡੀਓ ਪੋਸਟ ਕੀਤਾ ਹੈ। ਇਸ ਵੀਡੀਓ ‘ਚ ਸ਼ੋਅ ਦੀ ਪੂਰੀ ਟੀਮ ਇਕੱਠੇ ਨਜ਼ਰ ਆ ਰਹੀ ਹੈ। ਪੂਰੀ ਟੀਮ ਨੈੱਟਫਲਿਕਸ ਈਵੈਂਟ ਟੁਡਮ ਨੂੰ ਇਕੱਠੇ ਦੇਖ ਰਹੀ ਹੈ। ਵੀਡੀਓ ਦੇਖਣ ‘ਚ ਕਾਫੀ ਮਜ਼ਾਕੀਆ ਲੱਗ ਰਿਹਾ ਹੈ। ਵੀਡੀਓ ਦੇ ਨਾਲ ਦਿੱਤੇ ਕੈਪਸ਼ਨ ਵਿੱਚ ਇਸ ਬਾਰੇ ਦੱਸਿਆ ਗਿਆ ਹੈ। ਇਹ ਸ਼ੋਅ 30 ਮਾਰਚ ਤੋਂ ਨੈੱਟਫਲਿਕਸ ‘ਤੇ ਸਟ੍ਰੀਮ ਹੋਵੇਗਾ।

View this post on Instagram

A post shared by Kapil Sharma (@kapilsharma)

ਤੁਹਾਨੂੰ ਦੱਸ ਦੇਈਏ ਕਿ ਸੁਨੀਲ ਗਰੋਵਰ ਅਤੇ ਕਪਿਲ ਸ਼ਰਮਾ ਲਗਭਗ 7 ਸਾਲ ਬਾਅਦ ਇਕੱਠੇ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾਂ ਸੁਨੀਲ ਨੂੰ ਕਪਿਲ ਦੇ ਸ਼ੋਅ ਦੇ ਆਖਰੀ ਸੀਜ਼ਨ ‘ਚ ਦੇਖਿਆ ਗਿਆ ਸੀ। ਉਸਨੇ ਗੁਥੀ ਅਤੇ ਡਾ. ਮਸ਼ੂਰ ਗੁਲਾਟੀ ਵਰਗੇ ਕਿਰਦਾਰਾਂ ਨਾਲ ਦਰਸ਼ਕਾਂ ਨੂੰ ਖੂਬ ਹਸਾਇਆ ਹੈ। ਕਪਿਲ ਅਤੇ ਸੁਨੀਲ ਦੀ ਜੋੜੀ ਨੂੰ ਵੀ ਦਰਸ਼ਕ ਕਾਫੀ ਪਸੰਦ ਕਰਦੇ ਹਨ। ਪਰ 2017 ‘ਚ  ਲੜਾਈ ਤੋਂ ਬਾਅਦ ਸੁਨੀਲ ਨੇ ਕਪਿਲ ਦਾ ਸ਼ੋਅ ਛੱਡ ਦਿੱਤਾ ਸੀ। ਉਦੋਂ ਤੋਂ ਹੀ ਲੋਕਾਂ ਦੀ ਮੰਗ ਸੀ ਕਿ ਸੁਨੀਲ ਨੂੰ ਦੁਬਾਰਾ ਵਾਪਸ ਲਿਆਂਦਾ ਜਾਵੇ। ਹੁਣ ਇੱਕ ਵਾਰ ਫਿਰ ਦੋਵੇਂ ਇਕੱਠੇ ਦਰਸ਼ਕਾਂ ਨੂੰ ਖੂਬ ਮਸਤੀ ਕਰਨ ਆ ਰਹੇ ਹਨ। ਸੁਨੀਲ ਇਸ ਸੀਜ਼ਨ ‘ਚ ਕਿਹੜਾ ਕਿਰਦਾਰ ਨਿਭਾਉਣਗੇ, ਇਸ ਦਾ ਖੁਲਾਸਾ ਅਜੇ ਨਹੀਂ ਹੋਇਆ ਹੈ। ਹਾਲਾਂਕਿ ਇਸ ਵਾਰ ਸ਼ੋਅ ‘ਚ ਕਈ ਬਦਲਾਅ ਕੀਤੇ ਗਏ ਹਨ। ਇਸ ਵਾਰ ਇਹ ਸ਼ੋਅ ਟੀਵੀ ‘ਤੇ ਨਹੀਂ ਸਗੋਂ OTT ਪਲੇਟਫਾਰਮ Netflix ‘ਤੇ ਸਟ੍ਰੀਮ ਕੀਤਾ ਜਾਵੇਗਾ। ਇਸ ਵਾਰ ਕਪਿਲ ਦੀ ਟੀਮ ਤੋਂ ਉਨ੍ਹਾਂ ਦੀ ਆਨਸਕ੍ਰੀਨ ਪਤਨੀ ਸੋਮਨਾ ਚੱਕਰਵਰਤੀ ਅਤੇ ਚੰਦੂ ਗਾਇਬ ਹਨ।