ਗੁਲ ਪਨਾਗ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇੱਕ ਮਾਡਲ ਵਜੋਂ ਕੀਤੀ ਸੀ। ਇਸ ਤੋਂ ਬਾਅਦ ਉਸਨੇ ਮਿਸ ਫੇਮਿਨਾ ਮਿਸ ਇੰਡੀਆ ਵਿੱਚ ਹਿੱਸਾ ਲਿਆ। ਉਸਨੇ ਸਾਲ 1999 ਵਿੱਚ ਮਿਸ ਇੰਡੀਆ ਅਤੇ ਮਿਸ ਬਿਊਟੀਫੁੱਲ ਦਾ ਖਿਤਾਬ ਜਿੱਤਿਆ ਸੀ। ਗੁਲ ਪਨਾਗ ਆਪਣੀ ਖੂਬਸੂਰਤ ਮੁਸਕਾਨ ਲਈ ਮਿਸ ਬਿਊਟੀਫੁੱਲ ਸਮਾਇਲ ਦਾ ਖਿਤਾਬ ਵੀ ਜਿੱਤ ਚੁੱਕੀ ਹੈ। ਗੁਲ ਪਨਾਗ ਨੇ 2003 ‘ਚ ਫਿਲਮ ‘ਧੂਪ’ ਨਾਲ ਬਾਲੀਵੁੱਡ ‘ਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ਗੁਲ ਪਨਾਗ ਨੇ ਇਕ ਤੋਂ ਬਾਅਦ ਇਕ ਜੁਰਮ, ਡੋਰ, ਨੌਰਮਾ ਸਿਕਸ ਫੀਟ ਅੰਡਰ, ਹੈਲੋ, ਸਟ੍ਰੇਟ ਅਤੇ ਰਨ ਵਰਗੀਆਂ ਕਈ ਫਿਲਮਾਂ ਵਿਚ ਵੀ ਕੰਮ ਕੀਤਾ। ਸਾਲ 2008 ‘ਚ ਗੁਲ ਪਨਾਗ ਮੈਕਸਿਮ ਮੈਗਜ਼ੀਨ ਲਈ ਕਰਵਾਏ ਗਏ ਆਪਣੇ ਬੋਲਡ ਫੋਟੋਸ਼ੂਟ ਨੂੰ ਲੈ ਕੇ ਸੁਰਖੀਆਂ ‘ਚ ਰਹੀ ਸੀ। ਹਿੰਦੀ ਫਿਲਮਾਂ ਤੋਂ ਇਲਾਵਾ ਉਨ੍ਹਾਂ ਨੇ ਪੰਜਾਬੀ ਫਿਲਮਾਂ ‘ਚ ਵੀ ਕੰਮ ਕੀਤਾ ਹੈ।

ਗੁਲ ਬਾਲੀਵੁੱਡ ‘ਚ ਆਪਣੇ ਬੋਲਡ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਗੁਲ ਪਨਾਗ ਨੂੰ ਆਖਰੀ ਵਾਰ ਵੈੱਬ ਸੀਰੀਜ਼ 420 ਆਈਪੀਸੀ ਵਿੱਚ ਦੇਖਿਆ ਗਿਆ ਸੀ। ਗੁਲ ਪਨਾਗ ਨੇ ਸਾਲ 2011 ਵਿੱਚ ਆਪਣੇ ਬਚਪਨ ਦੇ ਪਾਇਲਟ ਦੋਸਤ ਰਿਸ਼ੀ ਅਟਾਰੀ ਨਾਲ ਵਿਆਹ ਕੀਤਾ ਸੀ। ਇਸ ਵਿਆਹ ਦੀ ਕਾਫੀ ਚਰਚਾ ਹੋਈ ਸੀ। ਕਿਉਂਕਿ ਵਿਦਾਈ ਬੁਲੇਟ ‘ਤੇ ਹੋਈ ਸੀ। ਗੁਲ ਪਨਾਗ ਨੂੰ ‘ਆਪ’ ਨੇ ਚੰਡੀਗੜ੍ਹ ਸੰਸਦੀ ਸੀਟ ਤੋਂ ਉਮੀਦਵਾਰ ਬਣਾਇਆ ਸੀ। ਪਰ ਉਸ ਨੂੰ ਕਿਰਨ ਖੇਰ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਉਦੋਂ ਤੋਂ ਗੁਲ ਪਨਾਗ ਸਿਆਸੀ ਦ੍ਰਿਸ਼ ਤੋਂ ਲਗਭਗ ਗਾਇਬ ਹੈ। ਗੁਲ ਪਨਾਗ ਉਨ੍ਹਾਂ ਕੁਝ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ ਜੋ ਫਿਲਮਾਂ ਤੋਂ ਇਲਾਵਾ ਬਾਈਕ ਚਲਾਉਣ ਅਤੇ ਹਵਾਈ ਜਹਾਜ਼ ਉਡਾਉਣ ਦੀ ਸ਼ੌਕੀਨ ਹੈ। ਗੁਲ ਪਨਾਗ ਇੱਕ ਪ੍ਰਮਾਣਿਤ ਪਾਇਲਟ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਗੁਲ ਪਨਾਗ ਕੋਲ ਕਮਰਸ਼ੀਅਲ ਪਾਇਲਟ ਦਾ ਲਾਇਸੈਂਸ ਵੀ ਹੈ।

ਇਹ ਵੀ ਦੇਖੋ : “ਮੈਂ ਕੈਮਰੇ ਅੱਗੇ ਸ਼ਰੇਆਮ ਕਹਿੰਦਾ ਅਫੀਮ ਬੀਜਾਂਗਾ, ਪਾ ਦਿਓ ਪਰਚਾ ਮੇਰੇ ਤੇ ਭਾਵੇਂ”, ਅਫੀਮ ਵਾਲੇ ਬਾਬੇ ਦਾ ਵਿਵਾਦਤ ਬਿਆਨ

The post Happy Birthday Gul Panag : ਸਿਰਫ ਅਦਾਕਾਰੀ ਹੀ ਨਹੀਂ, ਗੁਲ ਪਨਾਗ ਜਹਾਜ਼ ਉਡਾਉਣ ਵਿੱਚ ਵੀ ਹੈ ਮਾਹਰ, ਜਨਮਦਿਨ ‘ਤੇ ਜਾਣੋ ਉਸ ਨਾਲ ਜੁੜੀਆਂ ਦਿਲਚਸਪ ਗੱਲਾਂ appeared first on Daily Post Punjabi.