ਜੇਕਰ ਤੁਸੀਂ ਇਨ੍ਹਾਂ ਪਾਕਿਸਤਾਨੀ ਹੈਕਰਾਂ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਇੱਥੇ ਤੁਹਾਨੂੰ ਇਨ੍ਹਾਂ ਬਾਰੇ ਪੂਰੀ ਜਾਣਕਾਰੀ ਦਿੱਤੀ ਹੈ। ਜਿਸ ‘ਚ ਤੁਹਾਨੂੰ ਦੱਸਾਂਗੇ ਕਿ ਪਾਕਿਸਤਾਨੀ ਹੈਕਰ ਕਿਸ ਤਰ੍ਹਾਂ ਭਾਰਤੀ ਐਂਡ੍ਰਾਇਡ ਯੂਜ਼ਰਸ ਨੂੰ ਨਿਸ਼ਾਨਾ ਬਣਾ ਰਹੇ ਹਨ ਅਤੇ ਕਿਸ ਤਰ੍ਹਾਂ ਉਨ੍ਹਾਂ ਦੀ ਨਿੱਜੀ ਜਾਣਕਾਰੀ ਚੋਰੀ ਕਰ ਰਹੇ ਹਨ। ਪਾਕਿਸਤਾਨੀ ਹੈਕਰ ਟਰਾਂਸਪੇਰੈਂਟ ਟ੍ਰਾਈਬ ਕੈਪਰਾਆਰਟ ਦੀ ਮਦਦ ਨਾਲ ਭਾਰਤੀ ਐਂਡ੍ਰਾਇਡ ਯੂਜ਼ਰਸ ਦੇ ਮੋਬਾਇਲਾਂ ‘ਚ ਘੁਸਪੈਠ ਕਰ ਰਹੇ ਹਨ, ਜਿਸ ‘ਚ ਹੈਕਰ ਯੂਟਿਊਬ ਵਰਗੀ ਹੀ ਫਰਜ਼ੀ ਐਪ ਬਣਾ ਕੇ ਭਾਰਤੀ ਐਂਡ੍ਰਾਇਡ ਯੂਜ਼ਰਸ ਦੇ ਮੋਬਾਇਲਾਂ ‘ਚ CapraRAT ਨੂੰ ਇੰਸਟਾਲ ਕਰ ਰਹੇ ਹਨ ਅਤੇ ਇਸ ਤੋਂ ਬਾਅਦ ਉਨ੍ਹਾਂ ਕੋਲ ਐਂਡ੍ਰਾਇਡ ਮੋਬਾਇਲ ਦਾ ਰਿਮੋਟ ਕੰਟਰੋਲ ਪਹੁੰਚ ਜਾਂਦਾ ਹੈ।

ਪਾਕਿਸਤਾਨੀ ਹੈਕਰਾਂ ਦਾ ਇੱਕ ਸਮੂਹ ਕਸ਼ਮੀਰ ਦੇ ਮੁੱਦਿਆਂ ਨਾਲ ਜੁੜੇ ਲੋਕਾਂ ਅਤੇ ਪਾਕਿਸਤਾਨ ਨਾਲ ਜੁੜੇ ਮੁੱਦਿਆਂ ‘ਤੇ ਮਨੁੱਖੀ ਅਧਿਕਾਰਾਂ ਦਾ ਕੰਮ ਕਰਨ ਵਾਲੇ ਕਾਰਕੁਨਾਂ ਦੀ ਜਾਸੂਸੀ ਕਰ ਰਿਹਾ ਹੈ। ਸੁਰੱਖਿਆ ਖੋਜਕਰਤਾ ਅਲੈਕਸ ਡੇਲਾਮੋਟ ਦੇ ਅਨੁਸਾਰ, CapraRAT ਇੱਕ ਬਹੁਤ ਹੀ ਹਮਲਾਵਰ ਮਾਲਵੇਅਰ ਹੈ, ਜੋ ਐਂਡਰੌਇਡ ਡਿਵਾਈਸ ਵਿੱਚ ਘੁਸਪੈਠ ਕਰਦਾ ਹੈ ਅਤੇ ਸਾਰਾ ਡਾਟਾ ਚੋਰੀ ਕਰਦਾ ਹੈ। ਤਕਨੀਕੀ ਮਾਹਿਰਾਂ ਮੁਤਾਬਕ ਇਹ ਖਤਰਨਾਕ ਐਪ ਗੂਗਲ ਪਲੇ ਸਟੋਰ ‘ਤੇ ਉਪਲਬਧ ਨਹੀਂ ਹੈ। ਪਾਕਿਸਤਾਨੀ ਹੈਕਰ ਇਸ ਐਪ ਨੂੰ ਇੰਸਟਾਲ ਕਰਨ ਲਈ ਸੋਸ਼ਲ ਮੀਡੀਆ ਅਤੇ ਹੋਰ ਵੈੱਬਸਾਈਟਾਂ ਦੀ ਵਰਤੋਂ ਕਰ ਰਹੇ ਹਨ। ਜਿੱਥੇ ਉਹ ਇਸਨੂੰ ਲਗਾਉਣ ਦਾ ਲਾਲਚ ਦਿੰਦੇ ਹਨ। ਜਿਵੇਂ ਹੀ ਤੁਹਾਡੇ ਐਂਡਰੌਇਡ ਮੋਬਾਈਲ ਵਿੱਚ CapraRAT ਇੰਸਟਾਲ ਹੁੰਦਾ ਹੈ, ਤੁਹਾਡੀ ਡਿਵਾਈਸ ਪਾਕਿਸਤਾਨੀ ਹੈਕਰਾਂ ਲਈ ਪਹੁੰਚਯੋਗ ਹੋ ਜਾਂਦੀ ਹੈ।