ਪਿਆਜ਼ ਦੇ ਰਸ ‘ਚ ਪਾਏ ਜਾਣ ਵਾਲੇ ਪੌਸ਼ਟਿਕ ਤੱਤ: ਪਿਆਜ਼ ਦੇ ਰਸ ‘ਚ ਐਂਟੀਬੈਕਟੀਰੀਅਲ ਗੁਣ ਪਾਏ ਜਾਂਦੇ ਹਨ ਇਹ ਗੁਣ ਸਕੈਲਪ ‘ਚ ਹੋਣ ਵਾਲੀ ਕਿਸੇ ਵੀ ਸਮੱਸਿਆ ਨੂੰ ਦੂਰ ਕਰਨ ‘ਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਪਿਆਜ਼ ‘ਚ ਸਲਫਰ ਚੰਗੀ ਮਾਤਰਾ ‘ਚ ਪਾਇਆ ਜਾਂਦਾ ਹੈ। ਇਹ ਸਕੈਲਪ ਦੇ ਬਲੱਡ ਸਰਕੂਲੇਸ਼ਨ ‘ਚ ਸੁਧਾਰ ਕਰਕੇ ਜੜ੍ਹਾਂ ਤੋਂ ਵਾਲਾਂ ਨੂੰ ਮਜ਼ਬੂਤ ਕਰਨ ‘ਚ ਮਦਦ ਕਰਦਾ ਹੈ। ਪਿਆਜ਼ ਵਾਲਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀ ਇੰਫੈਕਸ਼ਨ ਤੋਂ ਬਚਾਉਂਦਾ ਹੈ।

ਪਿਆਜ਼ ਦਾ ਰਸ ਲਗਾਓ: ਵਾਲਾਂ ਨੂੰ ਕਾਲੇ ਕਰਨ ਲਈ ਤੁਸੀਂ ਪਿਆਜ਼ ਦੇ ਰਸ ਦੀ ਵਰਤੋਂ ਕਰ ਸਕਦੇ ਹੋ। ਸਭ ਤੋਂ ਪਹਿਲਾਂ ਪਿਆਜ਼ ਨੂੰ ਬਾਰੀਕ ਪੀਸ ਲਓ। ਇਸ ਤੋਂ ਬਾਅਦ ਇਸ ਨੂੰ ਕੱਪੜੇ ‘ਚ ਛਾਣ ਕੇ ਇਸ ਦਾ ਪਾਣੀ ਕੱਢ ਲਓ। ਤੁਸੀਂ ਪਾਣੀ ਨੂੰ ਇੱਕ ਸਪਰੇਅ ਬੋਤਲ ‘ਚ ਪਾਓ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਵਾਲਾਂ ਦੀਆਂ ਜੜ੍ਹਾਂ ‘ਤੇ ਇਸ ਦਾ ਛਿੜਕਾਅ ਕਰੋ। ਇਸ ਤੋਂ ਬਾਅਦ ਹਲਕੇ ਹੱਥਾਂ ਨਾਲ ਵਾਲਾਂ ਦੀ ਮਾਲਿਸ਼ ਕਰੋ। ਜੂਸ ਨੂੰ ਰਾਤ ਭਰ ਵਾਲਾਂ ‘ਚ ਲੱਗਾ ਰਹਿਣ ਦਿਓ। ਅਗਲੇ ਦਿਨ ਸਵੇਰੇ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋ ਲਓ। ਇਸ ਸਪਰੇਅ ਦੀ ਵਰਤੋਂ ਤੁਸੀਂ ਹਫਤੇ ‘ਚ ਦੋ ਵਾਰ ਆਪਣੇ ਵਾਲਾਂ ‘ਤੇ ਕਰ ਸਕਦੇ ਹੋ।

ਤੇਲ ਨਾਲ ਲਗਾਓ: ਤੁਸੀਂ ਪਿਆਜ਼ ਦੇ ਰਸ ਨੂੰ ਤੇਲ ਦੇ ਨਾਲ ਵਾਲਾਂ ‘ਚ ਵੀ ਲਗਾ ਸਕਦੇ ਹੋ। ਸਭ ਤੋਂ ਪਹਿਲਾਂ ਪਿਆਜ਼ ਨੂੰ ਪੀਸ ਲਓ। ਇਸ ਤੋਂ ਬਾਅਦ ਪੀਸੇ ਹੋਏ ਪਿਆਜ਼ ‘ਚ ਨਾਰੀਅਲ ਦਾ ਤੇਲ ਮਿਲਾਓ। ਦੋਵਾਂ ਸਮੱਗਰੀਆਂ ਤੋਂ ਤਿਆਰ ਮਿਸ਼ਰਣ ਨੂੰ ਗਰਮ ਕਰੋ। ਗਰਮ ਕਰਨ ਤੋਂ ਬਾਅਦ ਮਿਸ਼ਰਣ ਨੂੰ ਠੰਡਾ ਹੋਣ ਦਿਓ। ਠੰਡਾ ਹੋਣ ਤੋਂ ਬਾਅਦ ਇਸ ਨੂੰ ਬੋਤਲ ‘ਚ ਪਾ ਕੇ ਰੱਖ ਲਓ। ਇਸ ਸਪਰੇਅ ਨੂੰ ਰਾਤ ਨੂੰ ਸੌਣ ਤੋਂ ਪਹਿਲਾਂ ਆਪਣੇ ਸਕੈਲਪ ‘ਤੇ ਲਗਾਓ। ਵਾਲਾਂ ਦੀ ਚੰਗੀ ਤਰ੍ਹਾਂ ਮਾਲਿਸ਼ ਕਰੋ। ਅਗਲੇ ਦਿਨ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋਵੋ।

ਐਲੋਵੇਰਾ ਨਾਲ ਲਗਾਓ: ਪਿਆਜ਼ ਦਾ ਰਸ ਅਤੇ ਐਲੋਵੇਰਾ ਜੈੱਲ ਦੋਵੇਂ ਹੀ ਵਾਲਾਂ ਲਈ ਬਹੁਤ ਫਾਇਦੇਮੰਦ ਹਨ। ਤੁਸੀਂ ਇਸ ਦੀ ਵਰਤੋਂ ਵਾਲਾਂ ਨੂੰ ਕਾਲੇ ਕਰਨ ਲਈ ਕਰ ਸਕਦੇ ਹੋ। ਇੱਕ ਕੌਲੀ ‘ਚ ਪਿਆਜ਼ ਦਾ ਰਸ ਅਤੇ ਐਲੋਵੇਰਾ ਜੈੱਲ ਬਰਾਬਰ ਮਾਤਰਾ ‘ਚ ਪਾਓ। ਦੋਹਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਇਸ ਤੋਂ ਬਾਅਦ ਪਿਆਜ਼ ਦਾ ਰਸ ਵਾਲਾਂ ਦੀਆਂ ਜੜ੍ਹਾਂ ‘ਚ ਚੰਗੀ ਤਰ੍ਹਾਂ ਲਗਾਓ। 3-4 ਘੰਟੇ ਬਾਅਦ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋ ਲਓ।

ਆਂਵਲਾ ਪਾਊਡਰ ਨਾਲ ਲਗਾਓ: ਪਿਆਜ਼ ਦੇ ਰਸ ‘ਚ ਆਂਵਲਾ ਪਾਊਡਰ ਮਿਲਾ ਕੇ ਵਾਲਾਂ ‘ਚ ਲਗਾ ਸਕਦੇ ਹੋ। ਪਿਆਜ਼ ਦੇ ਰਸ ‘ਚ ਆਂਵਲਾ ਪਾਊਡਰ ਮਿਲਾ ਕੇ ਵਾਲਾਂ ‘ਚ ਹੇਅਰ ਮਾਸਕ ਦੀ ਤਰ੍ਹਾਂ ਲਗਾਓ। ਇਸ ਨੂੰ 3-4 ਘੰਟੇ ਲਈ ਵਾਲਾਂ ‘ਚ ਲੱਗਾ ਰਹਿਣ ਦਿਓ। ਨਿਰਧਾਰਤ ਸਮੇਂ ਤੋਂ ਬਾਅਦ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋਵੋ।

ਮਹਿੰਦੀ ਨਾਲ ਲਗਾਓ: ਤੁਸੀਂ ਪਿਆਜ਼ ਦੇ ਰਸ ਨੂੰ ਮਹਿੰਦੀ ਦੇ ਨਾਲ ਮਿਲਾ ਕੇ ਵਾਲਾਂ ‘ਤੇ ਵੀ ਲਗਾ ਸਕਦੇ ਹੋ। ਸਭ ਤੋਂ ਪਹਿਲਾਂ ਇੱਕ ਕੌਲੀ ‘ਚ ਮਹਿੰਦੀ ਮਿਲਾਓ। ਇਸ ਤੋਂ ਬਾਅਦ ਇਸ ‘ਚ ਥੋੜ੍ਹਾ ਜਿਹਾ ਨਾਰੀਅਲ ਦਾ ਤੇਲ ਮਿਲਾਓ। ਦੋਵਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾ ਕੇ ਗਰਮ ਕਰੋ। ਇਸ ਤੋਂ ਬਾਅਦ ਮਿਸ਼ਰਣ ਨੂੰ ਠੰਡਾ ਹੋਣ ਦਿਓ। ਠੰਡਾ ਹੋਣ ‘ਤੇ ਇਸ ਨੂੰ ਵਾਲਾਂ ‘ਤੇ ਲਗਾਓ। 3-4 ਘੰਟੇ ਬਾਅਦ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋ ਲਓ।

The post ਸਿਰਫ਼ ਇਹ ਇੱਕ ਚੀਜ਼ ਕਰੇਗੀ ਵਾਲ ਕਾਲੇ, ਨਹੀਂ ਪਵੇਗੀ Artificial Color ਦੀ ਜ਼ਰੂਰਤ appeared first on Daily Post Punjabi.