ਹੇਅਰ ਡਾਈ ਨਾਲ ਕੈਂਸਰ ਦਾ ਖ਼ਤਰਾ: ਗੱਲ ਜੇ ਹੇਅਰ ਡਾਈ ਇਸਤੇਮਾਲ ਕਰਨ ਵਾਲੇ ਲੋਕਾਂ ਦੀ ਕਰੀਏ ਤਾਂ ਇਸ ਨੂੰ ਜ਼ਿਆਦਾਤਰ 30 ਜਾਂ ਇਸਤੋਂ ਜ਼ਿਆਦਾ ਉਮਰ ਦੀਆਂ ਔਰਤਾਂ ਲਗਾਉਂਦੀਆਂ ਹਨ। ਖੈਰ ਇਸ ਉਮਰ ਦੇ ਦੌਰਾਨ ਸਿਹਤ ਦਾ ਵਿਸ਼ੇਸ਼ ਧਿਆਨ ਰੱਖਣ ਦੀ ਜ਼ਰੂਰਤ ਹੁੰਦੀ ਹੈ। ਅਸਲ ਵਿੱਚ ਇਸ ਉਮਰ ਵਿੱਚ ਬਿਮਾਰੀਆਂ ਹੋਣ ਦਾ ਖ਼ਤਰਾ ਕਈ ਗੁਣਾ ਜ਼ਿਆਦਾ ਹੁੰਦਾ ਹੈ। ਇਸ ਲਈ ਹੇਅਰ ਡਾਈ ਦੀ ਜ਼ਿਆਦਾ ਵਰਤੋਂ ਕਰਨਾ ਖ਼ਤਰਨਾਕ ਹੋਵੇਗਾ। ਇਸ ‘ਤੇ ਕੀਤੇ ਗਏ ਇਕ ਅਧਿਐਨ ਦੇ ਅਨੁਸਾਰ 1,17,200 ਔਰਤਾਂ ‘ਤੇ ਖੋਜ ਕੀਤੀ ਗਈ ਸੀ। ਇਸ ਦੌਰਾਨ 36 ਸਾਲ ਤੱਕ ਦੀਆਂ ਔਰਤਾਂ ‘ਤੇ ਖੋਜ ਕੀਤੀ ਗਈ। ਜਦੋਂ ਇਹ ਅਧਿਐਨ ਸ਼ੁਰੂ ਕੀਤਾ ਗਿਆ ਸੀ। ਇਹ ਔਰਤਾਂ ਉਸ ਸਮੇਂ ਪੂਰੀ ਤਰ੍ਹਾਂ ਤੰਦਰੁਸਤ ਸਨ। ਪਰ 36 ਸਾਲ ਦੇ ਬਾਅਦ ਫੈਸਲੇ ‘ਤੇ ਪਹੁੰਚੇ ਕਿ ਜਿਨ੍ਹਾਂ ਔਰਤਾਂ ਨੇ ਜ਼ਿਆਦਾ ਮਾਤਰਾ ‘ਚ ਆਪਣੇ ਵਾਲਾਂ ਨੂੰ ਕਲਰ ਕੀਤਾ ਉਹ ਕੈਂਸਰ ਦੀ ਚਪੇਟ ‘ਚ ਆ ਗਈ।

ਜ਼ਿਆਦਾ ਮਾਤਰਾ ‘ਚ ਕਲਰ ਲਗਾਉਣ ਨਾਲ ਕੈਂਸਰ ਹੋਣ ਦਾ ਖ਼ਤਰਾ ਵੱਧਦਾ ਹੈ: ਇਸ ਬਾਰੇ ਕੀਤੀ ਗਈ ਇੱਕ ਖੋਜ ਅਨੁਸਾਰ ਜਿਹੜੇ ਲੋਕ ਪੱਕੇ ਤੌਰ ਤੇ ਵਾਲ ਕਲਰ ਕਰਵਾਉਂਦੇ ਹਨ ਉਨ੍ਹਾਂ ਨੂੰ ਕੈਂਸਰ ਹੋਣ ਦੀ ਸੰਭਾਵਨਾ ਕਈ ਗੁਣਾ ਜ਼ਿਆਦਾ ਹੁੰਦੀ ਹੈ। ਉਨ੍ਹਾਂ ਲੋਕਾਂ ਨੂੰ ਬ੍ਰੈਸਟ ਕੈਂਸਰ, ਓਵਰਿਅਨ ਕੈਂਸਰ ਅਤੇ ਸਕਿਨ ਕੈਂਸਰ ਹੋਣ ਦੀ ਜ਼ਿਆਦਾ ਸੰਭਾਵਨਾ ਹੁੰਦੀ ਹੈ। ਨਾਲ ਹੀ ਹੇਅਰ ਕਲਰ ਨਾਲ ਕੈਂਸਰ ਹੋਣ ਦਾ ਖ਼ਤਰਾ ਇਸ ਗੱਲ ‘ਤੇ ਨਿਰਭਰ ਕਰਦਾ ਹੈ ਕਿ ਸਾਹਮਣੇ ਵਾਲਾ ਵਿਅਕਤੀ ਆਪਣੇ ਵਾਲਾਂ ਨੂੰ ਕਿੰਨੀ ਵਾਰ ਕਲਰ ਕਰਦਾ ਹੈ। ਮਾਹਰਾਂ ਦੇ ਅਨੁਸਾਰ ਜ਼ਿਆਦਾ ਵਾਰ ਕੈਮੀਕਲਜ਼ ਨਾਲ ਤਿਆਰ ਡਾਈ ਦਾ ਰੰਗ ਜਿਨ੍ਹਾਂ ਜ਼ਿਆਦਾ ਰੰਗ ਗਹਿਰਾ ਅਤੇ ਕਾਲਾ ਹੋਵੇਗਾ। ਉਸ ਵਿਚ ਕੈਮੀਕਲਜ਼ ਦੀ ਮਾਤਰਾ ਉਨ੍ਹੀ ਹੀ ਜ਼ਿਆਦਾ ਹੋਵੇਗੀ। ਅਜਿਹੇ ‘ਚ ਇਸ ਨੂੰ ਲਗਾਉਣ ਨਾਲ ਸਕਿਨ ਕਾਲੀ ਪੈਣ ਦੇ ਨਾਲ ਕੈਂਸਰ ਵਰਗੀ ਗੰਭੀਰ ਬਿਮਾਰੀ ਹੋਣ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ।

ਜੇ ਤੁਸੀਂ ਵੀ ਕਰਦੇ ਹੋ ਹੇਅਰ ਡਾਈ ਜਾਂ ਕਲਰ ਦਾ ਇਸਤੇਮਾਲ ਤਾਂ ਇਨ੍ਹਾਂ ਚੀਜ਼ਾਂ ਨੂੰ ਧਿਆਨ ਵਿਚ ਰੱਖੋ

• ਵਾਲਾਂ ਨੂੰ ਕਲਰ ਕਰਨ ਲਈ ਘਰੇਲੂ ਨੁਸਖ਼ੇ ਅਪਣਾਓ।
• ਜੇ ਤੁਸੀਂ ਕੈਮੀਕਲ ਵਾਲਾ ਹੇਅਰ ਕਲਰ ਕਰਨਾ ਹੀ ਚਾਹੁੰਦੇ ਹੋ ਤਾਂ ਇਸ ਨੂੰ ਹੱਥਾਂ ਨੂੰ ਛੂਹਣ ਦੀ ਬਜਾਏ ਬੁਰਸ਼ ਨਾਲ ਲਗਾਓ।
• ਕਲਰ ਖਰੀਦਣ ਤੋਂ ਪਹਿਲਾਂ ਉਸ ਦੀ ਐਕਸਪਾਇਰੀ ਡੇਟ ਜ਼ਰੂਰ ਚੈੱਕ ਕਰੋ।
• ਹੇਅਰ ਡਾਈ ਨੂੰ ਤਿਆਰ ਕਰਦੇ ਸਮੇਂ ਹੱਥਾਂ ਤੇ ਦਸਤਾਨੇ ਪਹਿਨੋ। ਫਿਰ ਇਸ ਨੂੰ ਮਿਕਸ ਕਰੋ।
• ਕਲਰ ਦੇ ਪੈਕਟ ‘ਤੇ ਜਿੰਨੀ ਦੇਰ ਤੱਕ ਲਗਾਉਣ ਦਾ ਸਮਾਂ ਲਿਖਿਆ। ਉਨ੍ਹੇ ਸਮੇਂ ਲਈ ਹੀ ਹੇਅਰ ਕਲਰ ਲਗਾਓ।
• ਕਲਰ ਨੂੰ ਧਿਆਨ ਨਾਲ ਹੀ ਵਾਲਾਂ ‘ਤੇ ਲਗਾਓ। ਇਸ ਨੂੰ ਸਕਿਨ ‘ਤੇ ਲੱਗਣ ਤੋਂ ਬਚਾਓ। ਭਾਵੇਂ ਇਹ ਸਕਿਨ ‘ਤੇ ਲੱਗ ਵੀ ਜਾਵੇ ਤਾਂ ਤੁਰੰਤ ਇਸ ਨੂੰ ਨਾਰਿਅਲ ਤੇਲ, ਐਲੋਵੇਰਾ ਜੈੱਲ, ਪੈਟਰੋਲੀਅਮ ਜੈਲੀ ਲਗਾ ਕੇ ਸਾਫ ਕਰੋ।
• ਬਹੁਤ ਸਾਰੇ ਲੋਕਾਂ ਨੂੰ ਵੱਖੋ-ਵੱਖਰੀ ਕੰਪਨੀ ਅਤੇ ਕਲਰ ਨੂੰ ਮਿਲਾ ਕੇ ਲਗਾਉਣਾ ਪਸੰਦ ਹੁੰਦਾ ਹੈ। ਅਜਿਹੀ ਗਲਤੀ ਕਰਨ ਤੋਂ ਬਚੋ। ਇਸ ਨਾਲ ਸਕਿਨ ‘ਤੇ ਸਾਈਡ ਇਫ਼ੇਕਟ ਹੋ ਸਕਦੇ ਹਨ।
• ਜੇ ਕਲਰ ਲਗਾਉਣ ਤੋਂ ਬਾਅਦ ਸਕਿਨ ਵਿਚ ਜਲਣ, ਖੁਜਲੀ, ਰੇਡਨੈੱਸ ਜਾਂ ਸਾਹ ਨਾਲ ਜੁੜੀ ਕੋਈ ਸਮੱਸਿਆ ਹੋਵੇ ਤਾਂ ਵਾਲਾਂ ਨੂੰ ਧੋ ਕੇ ਕਲਰ ਉਤਾਰ ਦਿਓ। ਨਾਲ ਹੀ ਡਾਕਟਰ ਦੀ ਸਲਾਹ ਲਓ।

The post ਗ਼ਲਤ ਤਰੀਕੇ ਨਾਲ ਲਗਾਈ ਹੇਅਰ ਡਾਈ ਨਾਲ ਹੋ ਸਕਦਾ ਹੈ ਕੈਂਸਰ, ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ appeared first on Daily Post Punjabi.