ਸਭ ਨੂੰ ਇਹ ਪਤਾ ਹੈ ਕਿ ਕਾਮੇਡੀਅਨ ਦੇ ਰੂਪ ਚ ਗੁਰਪ੍ਰੀਤ ਘੁੱਗੀ ਪਹਿਲੀ ਵਾਰ 2002ਚ ਸਾਹਮਣੇ ਆਏ ਸੀ। ਉਨ੍ਹਾਂ ਨੇ ਆਪਣੀ ਪਹਿਲੀ ਕਾਮੇਡੀ ਟੇਪ ਤੋਹਫ਼ੇ ਘੁੱਗੀ ਦੇ ਕੱਢੀ ਸੀ। ਜਿਸ ਨੂੰ ਪੰਜਾਬੀਆਂ ਨੇ ਭਰਵਾਂ ਹੁੰਗਾਰਾ ਦਿਤਾ ਸੀ। ਉਸ ਤੋਂ ਬਾਅਦ 2 ਦਹਾਕਿਆਂ ਦੇ ਕਰੀਬ ਸਮਾਂ ਹੋ ਚੁੱਕਿਆ ਹੈ। ਗੁਰਪ੍ਰੀਤ ਘੁੱਗੀ ਛੋਟੇ ਵੱਡੇ ਪਰਦੇ `ਤੇ ਕਮੇਡੀਅਨ ਬਣ ਕੇ ਦਰਸ਼ਕਾਂ ਦਾ ਮਨੋਰੰਜਨ ਕਰਦੇ ਆ ਰਹੇ ਹਨ।

ਪਰ ਇਹ ਬਹੁਤ ਘੱਟ ਲੋਕਾਂ ਨੂੰ ਪਤਾ ਹੋਵੇਗਾ ਕਿ ਕਮੇਡੀਅਨ ਬਣਨ ਤੋਂ ਪਹਿਲਾਂ ਗੁਰਪ੍ਰੀਤ ਘੁੱਗੀ ਥੀਏਟਰ ਆਰਟਿਸਟ ਸੀ। ਉਨ੍ਹਾਂ ਨੇ 1990 ਚ ਥੀਏਟਰ ਨਾਲ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਇੱਥੇ ਉਨ੍ਹਾਂ ਨੇ ਆਪਣੀ ਦਮਦਾਰ ਐਕਟਿੰਗ ਨਾਲ ਸਭ ਦਾ ਦਿਲ ਜਿੱਤ ਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਟੀਵੀ ਸੀਰੀਅਲ ਰੌਣਕ ਮੇਲਾ 'ਚ ਤੇ ਪਰਛਾਵੇਂਚ ਕੰਮ ਮਿਲਿਆ। ਇੱਥੇ ਇਨ੍ਹਾਂ ਦੀ ਐਕਟਿੰਗ ਨੇ ਸਭ ਨੂੰ ਖੂਬ ਪ੍ਰਭਾਵਤ ਕੀਤਾ। ਪਰ ਇਸ ਸਭ ਤੋਂ ਘੁੱਗੀ ਕਿਤੇ ਨਾ ਕਿਤੇ ਸੰਤੁਸ਼ਟ ਨਹੀਂ ਸੀ। ਉਹ ਇੱਕ ਵੱਖਰੀ ਪਛਾਣ ਚਾਹੁੰਦੇ ਸੀ।

ਇਹ ਮੌਕਾ ਉਨ੍ਹਾਂ ਨੂੰ 2002 ਚ ਮਿਲਿਆ ਜਦੋਂ ਉਨ੍ਹਾਂ ਦੀ ਪਹਿਲੀ ਕੈਸਟ ਤੋਹਫ਼ੇ ਘੁੱਗੀ ਦੇ ਰਿਲੀਜ਼ ਹੋਈ। ਇੱਥੇ ਘੁੱਗੀ ਦੇ ਚੁਟਕਲਿਆਂ ਤੇ ਕਾਮਿਕ ਟਾਈਮਿੰਗ ਨੇ ਸਭ ਦਾ ਦਿਲ ਜਿੱਤ ਲਿਆ। ਇਸ ਤੋਂ ਬਾਅਦ 2003ਚ ਪਲਾਜ਼ਮਾ ਰਿਕਾਰਡਜ਼ ਦੇ ਬੈਨਰ ਹੇਠ ਉਨ੍ਹਾਂ ਦੀ ਅਗਲੀ ਕੈਸਟ ਘੁੱਗੀ ਜੰਕਸ਼ਨ ਰਿਲੀਜ਼ ਹੋਈ। ਜਿਸ ਨੇ ਦੁਨੀਆ ਭਰ ਚ ਘੁੱਗੀ ਨੂੰ ਬੇਹਤਰੀਨ ਕਮੇਡੀਅਨ ਵਜੋਂ ਪਹਿਚਾਣ ਦਿਵਾਈ। ਇਸ ਤੋਂ ਬਾਅਦ ਹਰ ਸਾਲ ਇੱਕ ਤੋਂ ਬਾਅਦ ਇੱਕ ਉਨ੍ਹਾਂ ਦੀ ਕੈਸਟਾਂ ਆਉਂਦੀਆਂ ਰਹੀਆਂ ਤੇ ਪੰਜਾਬਚ ਹੀ ਨਹੀਂ ਉਨ੍ਹਾਂ ਦੀ ਕਾਮੇਡੀ ਨੂੰ ਦੁਨੀਆ ਭਰ `ਚ ਸਲਾਹਿਆ ਗਿਆ।

The post Gurpreet Ghuggi Birthday: ਗੁਰਪ੍ਰੀਤ ਘੁੱਗੀ ਮਨਾ ਰਹੇ ਹਨ 50ਵਾਂ ਜਨਮਦਿਨ, ਜਾਣੋ ਉਨ੍ਹਾਂ ਬਾਰੇ ਕੁਝ ਦਿਲਚਸਪ ਗੱਲਾਂ appeared first on Daily Post Punjabi.