ਕੀ ਹੈ ਹਰਸਿੰਗਾਰ ਅਰਥਾਤ ਪਾਰਿਜਾਤ: ਵੇਦਾਂ ਅਤੇ ਧਾਰਮਿਕ ਮਾਨਤਾਵਾਂ ਦੇ ਅਨੁਸਾਰ ਹਰੇ ਪੱਤਿਆਂ, ਚਿੱਟੇ ਅਤੇ ਖੁਸ਼ਬੂਦਾਰ ਫੁੱਲਾਂ ਦੇ ਇਸ ਰੁੱਖ ‘ਚ ਹਨੂਮਾਨ ਜੀ ਵਾਸ ਕਰਦੇ ਹਨ। ਇਸ ਨੂੰ ਕੁਰੀ, ਸਿਹਾਰੂ, ਸਿਓਲੀ ਅਤੇ ਪਾਰਿਜਾਤ ਨਾਮ ਤੋਂ ਵੀ ਜਾਣਿਆਂ ਜਾਂਦਾ ਹੈ। ਧਾਰਮਿਕ ਨਜ਼ਰੀਏ ਤੋਂ ਇਲਾਵਾ ਆਯੁਰਵੈਦ ਵਿਚ ਵੀ ਇਸ ਰੁੱਖ ਦੀ ਬਹੁਤ ਮਹੱਤਤਾ ਹੈ। ਇਹ ਇਸਦੇ ਚਿਕਿਤਸਕ ਗੁਣਾਂ ਕਾਰਨ ਦਵਾਈ ਦੇ ਤੌਰ ਤੇ ਵੀ ਇਸਤੇਮਾਲ ਕੀਤਾ ਜਾਂਦਾ ਹੈ।

ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਹਰਸਿੰਗਾਰ ਦੇ ਫ਼ਾਇਦੇ

ਖਾਂਸੀ ਵਿਚ ਹੈ ਲਾਭਕਾਰੀ: ਖੰਘ ਅਤੇ ਜ਼ੁਕਾਮ ਦੀ ਸਥਿਤੀ ਵਿਚ ਇਸ ਦੀ ਛਾਲ ਦਾ ਪਾਊਡਰ ਬਣਾ ਕੇ ਇਸ ਨੂੰ ਗਰਮ ਪਾਣੀ ਨਾਲ ਲਓ। ਇਸਦੇ ਨਾਲ ਤੁਹਾਨੂੰ ਕੁਝ ਸਮੇਂ ਵਿੱਚ ਅੰਤਰ ਦੇਖਣ ਨੂੰ ਮਿਲੇਗਾ। ਗਲ਼ੇ ‘ਚ ਖਰਾਸ਼, ਦਰਦ, ਸੋਜ ਹੋਵੇ ਤਾਂ ਹਰਸਿੰਗਾਰ ਦੀ ਜੜ ਚਬਾਓ। ਇਸ ਨਾਲ ਗਲ਼ੇ ਨਾਲ ਜੁੜੇ ਸਾਰੇ ਵਿਕਾਰ ਦੂਰ ਹੋ ਜਾਣਗੇ। ਪਾਰਿਜਾਤ ਦੇ ਬੀਜਾਂ ਨੂੰ ਚੰਗੀ ਤਰ੍ਹਾਂ ਪੀਸ ਕੇ ਸਕੈਲਪ ‘ਤੇ ਲਗਾਓ। 15-20 ਮਿੰਟ ਬਾਅਦ ਸ਼ੈਂਪੂ ਨਾਲ ਧੋ ਲਓ। ਇਸ ਨਾਲ ਡੈਂਡਰਫ ਦੀ ਸਮੱਸਿਆ ਦੂਰ ਹੋਵੇਗੀ ਅਤੇ ਵਾਲ ਵੀ ਚਮਕਦਾਰ ਸਿਲਕੀ ਹੋਣਗੇ।

ਨੱਕ ਤੋਂ ਖੂਨ ਵਗਣਾ: ਗਰਮੀਆਂ ਵਿਚ ਨਕਸੀਰ ਫੁੱਟਣ ਯਾਨਿ ਨੱਕ ਵਿਚੋਂ ਖੂਨ ਵਗਣ ਦੀ ਸਮੱਸਿਆ ਆਮ ਦੇਖਣ ਨੂੰ ਮਿਲਦੀ ਹੈ। ਇਸ ਸਥਿਤੀ ਵਿਚ ਪਰੇਸ਼ਾਨ ਨਾ ਹੋਵੋ ਸਿਰਫ ਹਰਸਿੰਗਾਰ ਦੀ ਜੜ੍ਹ ਚਬਾਓ। ਕੁਝ ਲੋਕ ਨੂੰ ਪ੍ਰੇਸ਼ਾਨੀ ਰਹਿੰਦੀ ਹੈ ਕਿ ਉਨ੍ਹਾਂ ਨੂੰ ਵਾਰ-ਵਾਰ ਯੂਰਿਨ ਆਉਂਦਾ ਹੈ। ਇਸ ਕਾਰਨ ਰਾਤ ਨੂੰ ਚੰਗੀ ਤਰ੍ਹਾਂ ਨੀਂਦ ਵੀ ਨਹੀਂ ਆਉਂਦੀ। ਅਜਿਹੇ ‘ਚ ਇਸਦੇ ਪੱਤੇ, ਫੁੱਲਾਂ ਅਤੇ ਜੜ ਦਾ ਕਾੜਾ ਬਣਾ ਕੇ ਇਸ ਨੂੰ ਦਿਨ ਵਿੱਚ ਦੋ ਵਾਰ ਲਓ। ਇਹ ਤੁਹਾਡੀ ਸਮੱਸਿਆ ਨੂੰ ਦੂਰ ਕਰੇਗਾ।

ਪੇਟ ਦੇ ਕੀੜੇ ਮਾਰੇ: ਪੇਟ ਦੇ ਕੀੜਿਆਂ ਦੀ ਸਮੱਸਿਆ ਨੂੰ ਜੜ੍ਹ ਤੋਂ ਖਤਮ ਕਰਨ ਲਈ ਪਾਰਿਜਾਤ ਦੇ ਪੱਤਿਆਂ ਦਾ ਰਸ ਕੱਢੋ। ਇਸ ਵਿਚ ਚੀਨੀ ਮਿਲਾ ਕੇ ਇਸ ਨੂੰ ਦਿਨ ਵਿਚ 2 ਵਾਰ ਲਓ। ਇਹ ਪੇਟ ਦੇ ਕੀੜਿਆਂ ਨੂੰ ਵੀ ਖਤਮ ਕਰੇਗਾ ਅਤੇ ਅੰਤੜੀਆਂ ਨੂੰ ਸਾਫ ਕਰੇਗਾ। ਇਸ ਦੇ ਪੱਤਿਆਂ ਦਾ ਕਾੜਾ ਬਣਾ ਕੇ ਇਸ ਨੂੰ ਰੋਜ਼ਾਨਾ ਦਿਨ ਵਿਚ ਦੋ ਵਾਰ ਪੀਓ। ਇਸ ਨਾਲ ਖੂਨ ਵਿਚ ਸ਼ੂਗਰ ਅਤੇ ਗਲੂਕੋਜ਼ ਦੀ ਮਾਤਰਾ ਕੰਟਰੋਲ ਰਹੇਗੀ ਜੋ ਸ਼ੂਗਰ ਦੇ ਮਰੀਜ਼ਾਂ ਲਈ ਫਾਇਦੇਮੰਦ ਹੈ।

The post ਸਰੀਰ ਦੀਆਂ ਕਈ ਬੀਮਾਰੀਆਂ ਨੂੰ ਦੂਰ ਕਰਦਾ ਹੈ ਇਹ ਪੌਦਾ ! appeared first on Daily Post Punjabi.