ਇਸ ਦੌਰਾਨ ਹੁਣ ‘ਹੇਰਾ ਫੇਰੀ 3’ ਨੂੰ ਲੈ ਕੇ ਇਕ ਵੱਡੀ ਖਬਰ ਆ ਰਹੀ ਹੈ, ਜਿਸ ਕਾਰਨ ਇਹ ਪੁਸ਼ਟੀ ਹੋ ​ਗਈ ਹੈ ਕਿ ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸੰਜੇ ਦੱਤ ਵੀ ‘ਹੇਰਾ ਫੇਰੀ 3’ ਦਾ ਹਿੱਸਾ ਹਨ। ਇਕ ਇੰਟਰਵਿਊ ਦੌਰਾਨ ਸੰਜੇ ਦੱਤ ਨੇ ਖੁਲਾਸਾ ਕੀਤਾ ਕਿ ਉਹ ‘ਹੇਰਾ ਫੇਰੀ 3’ ਦੀ ਟੀਮ ਨਾਲ ਜੁੜ ਕੇ ਖੁਸ਼ ਹਨ। ਹਾਲ ਹੀ ‘ਚ ਮੁੰਬਈ ‘ਚ ਸਟੋਰ ਲਾਂਚ ਈਵੈਂਟ ਦੌਰਾਨ ਸੰਜੇ ਦੱਤ ਮੌਜੂਦ ਸਨ। ਇਸ ਦੌਰਾਨ ਸੰਜੇ ਨੇ ਪ੍ਰੈੱਸ ਕਾਨਫਰੰਸ ‘ਚ ਮੀਡੀਆ ਦੇ ਸਾਰੇ ਸਵਾਲਾਂ ਦੇ ਜਵਾਬ ਦਿੱਤੇ। ਇਸ ਦੌਰਾਨ ਸੰਜੇ ਦੱਤ ਨੇ ਦੱਸਿਆ ਕਿ ਉਹ ਹਿੰਦੀ ਸਿਨੇਮਾ ਦੇ ਮਸ਼ਹੂਰ ਨਿਰਦੇਸ਼ਕ ਫਰਹਾਦ ਸਾਮਜੀ ਦੁਆਰਾ ਨਿਰਦੇਸ਼ਿਤ ਕੀਤੀ ਜਾ ਰਹੀ ਮੋਸਟ ਅਵੇਟਿਡ ਫਿਲਮ ‘ਹੇਰਾ ਫੇਰੀ 3’ ਦਾ ਹਿੱਸਾ ਹਨ। ਸੰਜੇ ਨੇ ਦੱਸਿਆ ਕਿ- ਹਾਂ ਮੈਂ ਫਿਲਮ ਕਰ ਰਿਹਾ ਹਾਂ।

ਵੀਡੀਓ ਲਈ ਕਲਿੱਕ ਕਰੋ -:

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “

ਪੂਰੀ ਟੀਮ ਨਾਲ ਸ਼ੂਟਿੰਗ ਕਰਨਾ ਮੇਰੇ ਲਈ ਬਹੁਤ ਰੋਮਾਂਚਕ ਹੋਵੇਗਾ। ਇਹ ਇੱਕ ਮਹਾਨ ਫਰੈਂਚਾਇਜ਼ੀ ਹੈ ਅਤੇ ਮੈਂ ਇਸ ਨਾਲ ਜੁੜ ਕੇ ਬਹੁਤ ਖੁਸ਼ ਅਤੇ ਉਤਸ਼ਾਹਿਤ ਹਾਂ। ਫਿਰੋਜ਼ ਨਾਡਿਆਡਵਾਲਾ ਅਤੇ ਮੇਰਾ ਰਿਸ਼ਤਾ ਬਹੁਤ ਡੂੰਘਾ ਅਤੇ ਪੁਰਾਣਾ ਹੈ। ਇਸ ਦੇ ਨਾਲ ਹੀ ਅਕਸ਼ੈ ਕੁਮਾਰ, ਸੁਨੀਲ ਸ਼ੈਟੀ ਅੰਨਾ, ਪਰੇਸ਼ ਰਾਵਲ ਨੂੰ ਮਿਲ ਕੇ ਬਹੁਤ ਵਧੀਆ ਲੱਗਾ। ਦੱਸਣਯੋਗ ਹੈ ਕਿ ਮਸ਼ਹੂਰ ਫਿਲਮਕਾਰ ਸਾਜਿਦ ਨਾਡਿਆਡਵਾਲਾ ‘ਹੇਰਾ ਫੇਰੀ 3’ ਦੇ ਨਿਰਮਾਤਾ ਹਨ। ਕੁਝ ਦਿਨ ਪਹਿਲਾਂ ਹੀ ‘ਹੇਰਾ ਫੇਰੀ 3’ ਦੇ ਪ੍ਰੋਮੋ ਦੀ ਸ਼ੂਟਿੰਗ ਸ਼ੁਰੂ ਹੋਈ ਹੈ। ਇਸ ਦੌਰਾਨ ਸੈੱਟ ‘ਤੇ ਫਿਲਮ ਦੀ ਸਟਾਰ ਕਾਸਟ ਅਕਸ਼ੈ ਕੁਮਾਰ, ਸੁਨੀਲ ਸ਼ੈੱਟੀ ਅਤੇ ਪਰੇਸ਼ ਰਾਵਲ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਅਜਿਹੇ ‘ਚ ਹੁਣ ਸੰਜੇ ਦੱਤ ਦੇ ‘ਹੇਰਾ ਫੇਰੀ 3’ ਦਾ ਹਿੱਸਾ ਬਣਨ ਨਾਲ ਪ੍ਰਸ਼ੰਸਕਾਂ ਨੂੰ ਨਵਾਂ ਤੋਹਫਾ ਮਿਲਿਆ ਹੈ। ਫੈਨਜ਼ ‘ਹੇਰਾ ਫੇਰੀ 3’ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।

The post ਅਦਾਕਾਰ ਸੰਜੇ ਦੱਤ ਬਣੇ ਫਿਲਮ ‘Hera Pheri 3’ ਦਾ ਹਿੱਸਾ, ਕਿਹਾ- ‘ਮੈਂ ਬਹੁਤ ਖੁਸ਼ ਤੇ ਉਤਸ਼ਾਹਿਤ appeared first on Daily Post Punjabi.