WHO ਅਨੁਸਾਰ ਸਿਰਫ ਅਮਰੀਕਾ ਵਿੱਚ ਕੋਰੋਨਾ ਦੀ ਲਾਗ ਦੇ ਮਾਮਲੇ ਇੱਕ ਕਰੋੜ 15 ਲੱਖ ਤੱਕ ਪਹੁੰਚਣ ਦੀ ਉਮੀਦ ਹੈ ਅਤੇ ਇਹ ਹੀ ਨਹੀਂ, ਇਸ ਦੌਰਾਨ ਚਾਰ ਲੱਖ ਲੋਕਾਂ ਦੀ ਮੌਤ ਹੋਣ ਦੀ ਵੀ ਸੰਭਾਵਨਾ ਹੈ। ਦੱਸ ਦੇਈਏ ਕਿ ਆਕਸਫੋਰਡ ਯੂਨੀਵਰਸਿਟੀ ਦੇ ਕੁਝ ਵਿਗਿਆਨੀਆਂ ਨੇ ਦਾਅਵਾ ਕੀਤਾ ਸੀ ਕਿ ਬ੍ਰਿਟੇਨ ਦੇ ਲੋਕਾਂ ਵਿੱਚ ਹਰਡ ਇਮਿਊਨਿਟੀ ਵਿਕਸਿਤ ਹੋ ਰਹੀ ਹੈ। ਪਹਿਲਾਂ ਆਕਸਫੋਰਡ ਦੇ ਅਧਿਐਨ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਬ੍ਰਿਟਿਸ਼ ਲੋਕਾਂ ਵਿੱਚ ਆਮ ਸਰਦੀ-ਜ਼ੁਕਾਮ ਵਰਗੇ ਮੌਸਮੀ ਸੰਕ੍ਰਮਣ ਕਾਰਨ ਪਹਿਲਾਂ ਹੀ ਸਮੂਹਿਕ ਤੌਰ ‘ਤੇ ਹਰਡ ਇਮਿਊਨਿਟੀ ਦਾ ਪੱਧਰ ਇੰਨਾ ਹੈ ਕਿ ਉਹ ਜਾਨਲੇਵਾ ਕੋਰੋਨਾ ਵਾਇਰਸ ਦਾ ਫਿਰ ਸਾਹਮਣਾ ਕਰ ਸਕਦੇ ਹਨ। .

ਇਸ ਸਬੰਧੀ WHO ਦੇ ਐਮਰਜੈਂਸੀ ਮਾਮਲਿਆਂ ਦੇ ਮੁਖੀ ਡਾ.ਮਾਈਕਲ ਰਿਆਨ ਨੇ ਮੰਗਲਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਇੱਕ ਸਿਧਾਂਤ ਨੂੰ ਰੱਦ ਕਰਦਿਆਂ ਕਿਹਾ ਕਿ ਸਾਨੂੰ ਹਰਡ ਇਮਿਊਨਿਟੀ ਹਾਸਿਲ ਕਰਨ ਦੀ ਉਮੀਦ ਵਿੱਚ ਨਹੀਂ ਰਹਿਣਾ ਚਾਹੀਦਾ। ਉਨ੍ਹਾਂ ਕਿਹਾ ਕਿ ਇੱਕ ਵਿਸ਼ਵਵਿਆਪੀ ਆਬਾਦੀ ਹੋਣ ਦੇ ਨਾਤੇ, ਅਸੀਂ ਇਸ ਸਥਿਤੀ ਦੇ ਕਿਤੇ ਨੇੜੇ ਨਹੀਂ ਹਾਂ ਜੋ ਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ ਜ਼ਰੂਰੀ ਹੈ।

ਕੀ ਹੈ ਹਰਡ ਇਮਿਊਨਿਟੀ?
ਹਰਡ ਇਮਿਊਨਿਟੀ ਦਾ ਅਰਥ ਹੈ ਕਿ ਜੇ ਕੋਈ ਛੂਤ ਵਾਲੀ ਬਿਮਾਰੀ ਫੈਲ ਜਾਂਦੀ ਹੈ ਤਾਂ ਬਿਮਾਰੀ ਦੇ ਵਿਰੁੱਧ ਛੋਟ ਅਬਾਦੀ ਦੇ ਕੁਝ ਹਿੱਸੇ ਵਿੱਚ ਪੈਦਾ ਹੁੰਦੀ ਹੈ। ਇਸ ਤਰ੍ਹਾਂ ਛੂਤ ਦੀਆਂ ਬਿਮਾਰੀਆਂ ਦਾ ਫੈਲਣਾ ਰੁਕ ਜਾਂਦਾ ਹੈ, ਕਿਉਂਕਿ ਬਹੁਤ ਸਾਰੇ ਲੋਕ ਇਸ ਦੇ ਪ੍ਰਤੀ ਇਮਿਊਨ ਹੋ ਚੁੱਕੇ ਹੁੰਦੇ ਹਨ। ਇਮਿਊਨ ਹੋਏ ਲੋਕ ਉਹ ਹਨ ਜੋ ਸੰਕਰਮਿਤ ਹੋਣ ਤੋਂ ਬਾਅਦ ਠੀਕ ਹੋ ਜਾਂਦੇ ਹਨ ਅਤੇ ਉਨ੍ਹਾਂ ਦੇ ਸਰੀਰ ਵਿੱਚ ਇੱਕ ਨਿਸ਼ਚਿਤ ਮਾਤਰਾ ਵਿੱਚ ਰੋਗ ਨਾਲ ਲੜਨ ਲਈ ਐਂਟੀਬਾਡੀ ਮੌਜੂਦ ਹੈ। ਇਸ ਨਾਲ ਕਮਿਊਨਿਟੀ ਟ੍ਰਾਂਸਮਿਸ਼ਨ ਦੀ ਚੇਨ ਟੁੱਟ ਜਾਂਦੀ ਹੈ। 

The post ਦੁਨੀਆ ‘ਚ ਕਿਤੇ ਵੀ ਹਰਡ ਇਮਿਊਨਿਟੀ ਦੀ ਸਥਿਤੀ ਨਹੀਂ, ਸਿਰਫ ਵੈਕਸੀਨ ਤੋਂ ਉਮੀਦ ਬਾਕੀ: WHO appeared first on Daily Post Punjabi.