hospital experience Archives - Daily Post Punjabi

ਹਸਪਤਾਲ ਵਿੱਚ ਇੰਝ ਸਮਾਂ ਬਤੀਤ ਕਰ ਰਹੇ ਹਨ ਅਮਿਤਾਭ ਬੱਚਨ, ਪਿਤਾ ਦੀਆਂ ਗੱਲਾਂ ਨੂੰ ਕੀਤਾ ਸਾਂਝਾ

Suman Kwatra — Sat, 18 Jul 2020 09:26:19 +0000

amitabh hospital father words:ਕੋਰੋਨਾ ਪਾਜੀਟਿਵ ਪਾਏ ਜਾਣ ਤੋਂ ਬਾਅਦ ਮਹਾਨਾਇਕ ਅਮਿਤਾਭ ਬੱਚਨ ਨਾਨਾਵਤੀ ਹਸਪਤਾਲ ਵਿੱਚ ਭਰਤੀ ਹਨ।ਹਸਪਤਾਲ ਤੋਂ ਅਮਿਤਾਭ ਬੱਚਨ ਰੋਜ ਫੈਨਜ਼ ਅਤੇ ਸ਼ੁਭਚਿੰਤਕਾਂ ਨੂੰ ਆਪਣਾ ਹੈਲਥ ਅਪਡੇਟ ਦਿੰਦੇ ਰਹਿੰਦੇ ਹਨ।ਇਸ ਵਿੱਚ ਉਹ ਪਿਤਾ ਹਰਿਵੰਸ਼ ਰਾਏ ਬੱਚਨ ਦੀਆਂ ਗੱਲਾਂ ਨੂੰ ਵੀ ਯਾਦ ਕਰ ਰਹੇ ਹਨ। ਅਦਾਕਾਰ ਨੇ ਆਪਣੇ ਲੈਟੇਸਟ ਬਲਾਗ ਵਿੱਚ ਇਸ ਦੀਆਂ ਕੁੱਝ ਸਤਰਾਂ ਵੀ ਸਾਂਝਾ ਕੀਤੀਆਂ ਹਨ। ਉਹ ਲਿਖਦੇ ਹਨ ਜੀਵਣ ਦੀ ਆਪਾ ਧਾਮੀ ਵਿੱਚ ਕਦੋਂ ਸਮਾਂ ਮਿਲਿਆ, ਕੁੱਝ ਦੇਰ ਕਿੱਥੇ ਬੈਠ ਕੇ ਇਹ ਸੋਚ ਸਕਾਂ, ਜੋ ਕੀਤਾ ਕਿਹਾ ਮਨਾਂ, ਉਸ ਵਿੱਚ ਕੀ ਬੁਰਾ ਭਲਾ…ਇਹ ਤਾਂ ਰਹੀ ਹਰਿਵੰਸ਼ ਰਾਏ ਜੀ ਦੀਆਂ ਸਤਰਾਂ।

ਹੁਣ ਇਸ ਤੇ ਅਮਿਤਾਭ ਬੱਚਨ ਨੇ ਆਪਣੇ ਵਿਚਾਰ ਸਾਂਝਾ ਕਰਦੇ ਹੋਏ ਲਿਖਿਆ ‘ਹੁਣ ਮੈਨੂੰ ਮੌਕਾ ਮਿਲਿਆ ਹੈ, ਹੁਣ ਇਸ ਸਮੇਂ ਆਪਣੇ ਬਤੀਤ ਹੋਏ ਪਲਾਂ ਨੂੰ ਯਾਦ ਕਰਾਂ, ਮੇਰਾ ਦਿਮਾਗ ਬਤੀਤ ਹੋਈਆਂ ਘਟਨਾਵਾਂ, ਸ਼ਬਦਾਂ ਨੂੰ ਯਾਦ ਕਰ ਰਿਹਾ ਹੈ। ਖਾਸ , ਬਿਲਕੁਲ ਅਤੇ ਇਨ੍ਹਾਂ ਘਟਨਾਵਾਂ ਦੇ ਘੱਟਣ ਦੀ ਸਪਸ਼ਟਤਾ ਦੇ ਨਾਲ ਅਤੇ ਹੈਰਾਨੀ ਹੋਵੇਗੀ ਇਸ ਦੀ ਨਤੀਜਿਆਂ ਤੋਂ ਕਿ ਸ਼ਾਇਦ ਇਸ ਨੂੰ ਅਲੱਗ ਤਰੀਕੇ ਨਾਲ ਕਰਨਾ ਚਾਹੀਦਾ ਸੀ ਜਾਂ ਇਹ ਅਲੱਗ ਤਰੀਕੇ ਨਾਲ ਕੀਤੀ ਜਾ ਸਕਦੀ ਸੀ।ਜਿਨ੍ਹਾਂ ਸੋਚਣਾ ਸੋਚ ਲਓ , ਹੋਣੀ ਹੋ ਕੇ ਰਹਿੰਦੀ ਹੈ। ਇਸ ਤੋਂ ਪਹਿਲਾਂ ਅਮਿਤਾਭ ਨੇ ਆਪਣੇ ਬਲਾਗ ਵਿੱਚ ਲੋਕਾਂ ਦਾ ਧੰਨਵਾਦ ਕੀਤਾ ਸੀ।

ਉਨ੍ਹਾਂ ਨੇ ਲਿਖਿਆ ‘ ਲੋਕਾਂ ਦੇ ਪਿਆਰ ,ਚਿੰਤਾ ਅਤੇ ਦੁਆਵਾਂ ਜੋ ਸਾਨੂੰ ਹਰ ਕਿਸੇ ਤੋਂ ਮਿਲ ਰਹੀਆਂ ਹਨ ..ਇੱਥੇ ਤੋਂ , ਸੋਸ਼ਲ ਮੀਡੀਆ ਪਲੈਟਫਾਰਮ ਤੋਂ ..ਮੇਰੇ ਸ਼ਬਦ ਕਦੇ ਵੀ ਮੇਰੇ ਵਿਚਾਰ ਨੂੰ ਬਿਆਨ ਕਰਨ ਵਿੱਚ ਪੂਰੇ ਨਹੀਂ ਹੋਣਗੇ..ਜੋ ਕਿ ਤੁਹਾਡੇ ਧੰਨਵਾਦ ਨੂੰ ਜਤਾ ਸਕੇ। ਦੱਸ ਦੇਈਏ ਕਿ 12 ਜੁਲਾਈ ਸ਼ਨੀਵਾਰ ਦੇਰ ਰਾਤ ਅਮਿਤਾਭ ਬੱਚਨ ਨੇ ਟਵੀਟ ਕਰ ਆਪਣੇ ਕੋਰੋਨਾ ਪਾਜੀਟਿਵ ਹੋਣ ਦੀ ਜਾਣਕਾਰੀ ਦਿੱਤੀ ਸੀ।ਉਸ ਤੋਂ ਬਾਅਦ ਅਭਿਸ਼ੇਕ ਬੱਚਨ ਦਾ ਵੀ ਕੋਰੋਨਾ ਪਾਜੀਟਿਵ ਹੋਣ ਦੀ ਪੁਸ਼ਟੀ ਹੋਈ। ਇਸਦੇ ਇੱਕ ਦਿਨ ਬਾਅਦ ਐਸ਼ਵਰਿਆ ਰਾਏ ਅਤੇ ਆਰਾਧਿਆ ਵੀ ਕੋਰੋਨਾ ਪਾਜੀਟਿਵ ਪਾਏ ਗਏ। ਬੱਚਨ ਪਰਿਵਾਰ ਦੇ ਇਹ ਚਾਰੋਂ ਮੈੰਬਰ ਨਾਨਾਵਤੀ ਹਸਪਤਾਲ ਵਿੱਚ ਭਰਤੀ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਐਸ਼ਵਰਿਆ ਅਤੇ ਆਰਾਧਿਆ ਦੀ ਤਬੀਅਤ ਠੀਕ ਨਹੀਂ ਚਲ ਰਹੀ ਸੀ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਕੱਲ੍ਹ ਸ਼ਾਮ 8:30 ਵਜੇ ਹਸਪਤਾਲ ਦੀ ਟੀਮ ਜਲਸਾ ਪਹੁੰਚੀ ਅਤੇ ਹਸਪਤਾਲ ਵਿੱਚ ਸ਼ਿਫਟ ਕਰ ਦਿੱਤਾ ਗਿਆ।

The post ਹਸਪਤਾਲ ਵਿੱਚ ਇੰਝ ਸਮਾਂ ਬਤੀਤ ਕਰ ਰਹੇ ਹਨ ਅਮਿਤਾਭ ਬੱਚਨ, ਪਿਤਾ ਦੀਆਂ ਗੱਲਾਂ ਨੂੰ ਕੀਤਾ ਸਾਂਝਾ appeared first on Daily Post Punjabi.

ਕੋਰੋਨਾ ਦੇ ਡਰ ਕਾਰਨ ਅਦਾਕਾਰਾ ਸੰਭਾਵਨਾ ਨੂੰ ਨਹੀਂ ਕੀਤਾ ਸੀ ਹਸਪਤਾਲ ‘ਚ ਭਰਤੀ, ਬਿਆਨ ਕੀਤਾ ਦਰਦ

Suman Kwatra — Thu, 07 May 2020 14:25:18 +0000

sambhavna infection hospital experience:ਭੋਜਪੁਰੀ ਅਦਾਕਾਰਾ ਸੰਭਾਵਨਾ ਸੇਠ ਦੀ ਹਾਲ ਹੀ ਵਿੱਚ ਸਿਹਤ ਖ਼ਰਾਬ ਹੋਣ ਦੀ ਖ਼ਬਰ ਆਈ ਸੀ। ਉਨ੍ਹਾਂ ਦੇ ਪਤੀ ਨੇ ਸੋਸ਼ਲ ਮੀਡੀਆ ‘ਤੇ ਸੰਭਾਵਨਾ ਦੀ ਸਿਹਤ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਸੀ। ਹੁਣ ਅਦਾਕਾਰਾ ਨੇ ਖੁਦ ਇਸ ਦੇ ਬਾਰੇ ਵਿੱਚ ਗੱਲ ਕੀਤੀ ਹੈ। ਗੱਲਬਾਤ ਦੌਰਾਨ ਸੰਭਾਵਨਾ ਨੇ ਕਿਹਾ ਮੈਂ ਸਾਲਾਂ ਤੋਂ ਲਗਾਤਾਰ ਤੇਜ਼ ਸਰਦੀ ਅਤੇ ਖਾਂਸੀ ਤੋਂ ਪਰੇਸ਼ਾਨ ਹਾਂ। ਹਰ ਵਾਰ ਮੈਨੂੰ ਠੀਕ ਹੋਣ ਵਿੱਚ ਲੱਗਭੱਗ 20 ਦਿਨ ਲੱਗਦੇ ਹਨ। ਪਿਛਲੇ ਮਹੀਨੇ ਮੈਨੂੰ ਸਰਦੀ ਅਤੇ ਖਾਂਸੀ ਹੋਈ। ਮੈਂ ਦਵਾਈ ਲੈ ਰਹੀ ਸੀ ਮੈਂ ਕਿਸੇ ਨੂੰ ਵੀ ਇਸ ਦੇ ਬਾਰੇ ਵਿਚ ਨਹੀਂ ਦੱਸਿਆ ਸਿਰਫ ਕੁਝ ਦੋਸਤਾਂ ਨੂੰ ਛੱਡ ਕੇ ਕਿਉਂਕਿ ਮੈਨੂੰ ਡਰ ਸੀ ਕਿ ਲੋਕ ਇਸ ਨੂੰ ਕੋਰੋਨਾ ਵਾਇਰਸ ਨਾ ਸਮਝ ਲੈਣ।

ਮੈਂ ਸੋਚਿਆ ਮੈਂ ਹਮੇਸ਼ਾ ਦੀ ਤਰ੍ਹਾਂ ਦਵਾਈ ਲੈ ਕੇ ਠੀਕ ਹੋ ਜਾਵਾਂਗੀ।ਹਾਲਾਂਕਿ ਐਤਵਾਰ ਸ਼ਾਮ ਤੱਕ, ਮੇਰੀ ਹਾਲਤ ਕਾਫੀ ਵਿਗੜ ਚੁੱਕੀ ਸੀ। ਮੈਨੂੰ ਅਚਾਨਕ ਧੁੰਧਲਾ ਦਿਖਣ ਲੱਗਾ ਮੈਨੂੰ anxiety ਅਟੈਕ ਆਉਣ ਲੱਗਾ। ਇਸ ਤੋਂ ਬਾਅਦ ਮੈਨੂੰ ਚੱਕਰ ਆਉਣੇ ਸ਼ੁਰੂ ਹੋ ਗਏ ਅਤੇ ਅਤੇ ਮੇਰੇ ਖੱਬੇ ਕੰਨ ਵਿੱਚ ਬਹੁਤ ਦਰਦ ਹੋਇਆ। ਮੈਂ ਰਾਤ ਵਿੱਚ ਘਰ ਦੇ ਅੰਦਰ ਚੱਲਦੀ ਰਹੀ ਕਿਉਂਕਿ ਮੈਨੂੰ ਲੱਗਦਾ ਸੀ ਕਿ ਜਿਸ ਪਲ ਮੈਂ ਬੈਠਾਂਗੀ ਮੈਨੂੰ ਚੱਕਰ ਆ ਜਾਣਗੇ।

ਸੰਭਾਵਨਾ ਸੇਠ ਦਾ ਜਨਮ ਜਨਕਪੁਰੀ, ਨਵੀਂ ਦਿੱਲੀ ਵਿਚ ਇਕ ਪੰਜਾਬੀ ਪਰਿਵਾਰ ਵਿਚ ਹੋਇਆ ਸੀ। ਇਕ ਵਿਦਿਆਰਥੀ ਵਜੋਂ ਸੰਭਾਵਨਾ ਨੇ ਨਾਟਕਾਂ ਵਿਚ ਵਧੀਆ ਪ੍ਰਦਰਸ਼ਨ ਕੀਤਾ ਅਤੇ ਇਕ ਕੌਮੀ ਪੱਧਰ ਦੀ ਐਨ.ਸੀ.ਸੀ. ਕੈਡਿਟ ਵੀ ਸੀ। ਉਹ ਮੈਤਰੀ ਕਾਲਜ ਤੋਂ ਗ੍ਰੈਜੂਏਟ ਹੋਈ ਅਤੇ ਫਿਲਮ ਸਨਅਤ ਵਿਚ ਕਰੀਅਰ ਬਣਾਉਣ ਲਈ ਮੁੰਬਈ ਆ ਗਈ। ਅਵਿਨਾਸ਼ ਦਿਵੇਦੀ ਨੇ 14 ਜੁਲਾਈ 2016 ਨੂੰ ਸੰਭਾਵਨਾ ਨਾਲ ਵਿਆਹ ਕਰਵਾ ਲਿਆ ਸੀ।

ਸੰਭਾਵਨਾ ਸੇਠ ਦਾ ਜਨਮ 21 ਨਵੰਬਰ 1980 ਨੂੰ ਹੋਇਆ। ਸੰਭਾਵਨਾ ਇੱਕ ਭਾਰਤੀ ਨ੍ਰਤਕੀ, ਅਦਾਕਾਰ, ਮਾਡਲ ਅਤੇ ਟੈਲੀਵਿਜਨ ਐਂਕਰ ਹੈ। ਉਹ ਹਿੰਦੀ ਫਿਲਮਾਂ ਵਿਚ ਆਈਟਮ ਨੰਬਰ ਵੀ ਕਰਦੀ ਹੈ ।ਉਹ ਭੋਜਪੁਰੀ ਸਿਨੇਮਾ ਵਿਚ ਇੱਕ ਚਰਚਿਤ ਅਦਾਕਾਰਾ ਹੈ। ਦਸ ਦੇਈਏ ਕਿ ਸੰਭਾਵਨਾ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਅਤੇ ਇਸ ਦੇ ਜ਼ਰੀਏ ਹੀ ਉਹ ਆਪਣੇ ਫੈਨਜ਼ ਨੂੰ ਆਪਣੇ ਬਾਰੇ ਹਰ ਇੱਕ ਅਪਡੇਟ ਦਿੰਦੀ ਜਾਂਦੀ ਹੈ। ਉਨ੍ਹਾਂ ਦੀ ਫੈਨ ਫਾਲੋਇੰਗ ਸੋਸ਼ਲ ਮੀਡੀਆ ‘ਤੇ ਕਾਫੀ ਜ਼ਿਆਦਾ ਹੈ। ਸੰਭਾਵਨਾ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਵੱਲੋਂ ਕਾਫ਼ੀ ਪਸੰਦ ਕੀਤਾ ਜਾਂਦਾ ਹੈ।

The post ਕੋਰੋਨਾ ਦੇ ਡਰ ਕਾਰਨ ਅਦਾਕਾਰਾ ਸੰਭਾਵਨਾ ਨੂੰ ਨਹੀਂ ਕੀਤਾ ਸੀ ਹਸਪਤਾਲ ‘ਚ ਭਰਤੀ, ਬਿਆਨ ਕੀਤਾ ਦਰਦ appeared first on Daily Post Punjabi.