ਰਿਤਿਕ ਦੀ ਨਵੀਂ ਐਡ ‘ਤੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਹੈ। ਰਿਤਿਕ ਰੋਸ਼ਨ ਵੱਲੋਂ ਉਜੈਨ ਮਹਾਕਾਲੇਸ਼ਵਰ ਮੰਦਰ ਦੇ ਨਾਂ ‘ਤੇ ਵਿਗਿਆਪਨ ਦੇਣ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਕਾਰਨ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਜ਼ੋਮੈਟੋ ਦੇ ਵਿਗਿਆਪਨ ‘ਚ ਰਿਤਿਕ ਕਈ ਛੋਟੇ-ਵੱਡੇ ਸ਼ਹਿਰਾਂ ਦੇ ਨਾਂ ਲੈਂਦੇ ਹਨ। ਇਨ੍ਹਾਂ ‘ਚ ਇਕ ਇਸ਼ਤਿਹਾਰ ‘ਚ ਉਜੈਨ ਦਾ ਜ਼ਿਕਰ ਕੀਤਾ ਗਿਆ ਹੈ। ਰਿਤਿਕ ਦੇ ਇਸ਼ਤਿਹਾਰ ਦਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਮਹਾਕਾਲ ਮੰਦਰ ਦੇ ਪੁਜਾਰੀ ਇਸ ਇਸ਼ਤਿਹਾਰ ਦਾ ਵਿਰੋਧ ਕਰ ਰਹੇ ਹਨ। ਪੁਜਾਰੀਆਂ ਨੇ ਇਸ ‘ਤੇ ਸਖ਼ਤ ਇਤਰਾਜ਼ ਜਤਾਇਆ ਹੈ। ਪੁਜਾਰੀਆਂ ਦਾ ਇਲਜ਼ਾਮ ਹੈ ਕਿ ਮਹਾਕਾਲ ਮੰਦਿਰ ਤੋਂ ਅਜਿਹੀ ਕੋਈ ਵੀ ਥਾਲੀ ਉਜੈਨ ਵਿੱਚ ਵੀ ਪੂਰੇ ਦੇਸ਼ ਵਿੱਚ ਨਹੀਂ ਪਹੁੰਚਾਈ ਜਾਂਦੀ, ਸਗੋਂ ਮੰਦਰ ਦੇ ਸਾਹਮਣੇ ਵਾਲੇ ਇਲਾਕੇ ਵਿੱਚ ਹੀ ਸ਼ਰਧਾਲੂਆਂ ਨੂੰ ਮੁਫ਼ਤ ਦਿੱਤੀ ਜਾਂਦੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“Fastway ਤੋਂ 3 ਕਰੋੜ ਮੰਗਦਾ ਸੀ GST ਇੰਸਪੈਕਟਰ! ਹੁਣ ਹੱਥਾਂ ‘ਚ ਹੱਥਕੜੀਆਂ ਨੇ, Sting ਓਪਰੇਸ਼ਨ ਨੇ ਲਿਆਂਦਾ “

ਰਿਤਿਕ ਰੋਸ਼ਨ ਦੇ ਇਸ ਇਸ਼ਤਿਹਾਰ ਨੂੰ ਦੇਖ ਕੇ ਸ਼ਰਧਾਲੂ ਭੰਬਲਭੂਸੇ ‘ਚ ਪੈ ਰਹੇ ਹਨ। ਪੁਜਾਰੀਆਂ ਨੇ ਰਿਤਿਕ ਰੋਸ਼ਨ ਅਤੇ ਕੰਪਨੀ ਤੋਂ ਮੁਆਫੀ ਮੰਗਣ ਦੀ ਮੰਗ ਕੀਤੀ ਹੈ। ਇਸ ਵਿਵਾਦ ‘ਤੇ ਕਲੈਕਟਰ ਅਸ਼ੀਸ਼ ਸਿੰਘ ਨੇ ਕਿਹਾ- ਇਹ ਮਾਮਲਾ ਮੇਰੇ ਧਿਆਨ ‘ਚ ਆਇਆ ਹੈ ਅਤੇ ਅਸੀਂ ਇਸ ਦੀ ਜਾਂਚ ਕਰ ਰਹੇ ਹਾਂ। ਵਿਵਾਦ ਤੋਂ ਬਾਅਦ ਰਿਤਿਕ ਰੋਸ਼ਨ ਦੀਆਂ ਮੁਸ਼ਕਿਲਾਂ ਵਧ ਸਕਦੀਆਂ ਹਨ ਹਾਲ ਹੀ ‘ਚ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਆਮਿਰ ਖਾਨ ਦੀ ਫਿਲਮ ‘ਲਾਲ ਸਿੰਘ ਚੱਢਾ’ ਦਾ ਸਮਰਥਨ ਕਰਨ ‘ਤੇ ਰਿਤਿਕ ਰੋਸ਼ਨ ‘ਤੇ ਆਪਣਾ ਗੁੱਸਾ ਕੱਢਿਆ ਸੀ। ਕਈ ਲੋਕਾਂ ਨੇ ਟਵਿਟਰ ‘ਤੇ ‘ਵਿਕਰਮ ਵੇਧਾ’ ਦਾ ਬਾਈਕਾਟ ਟਰੈਂਡ ਕੀਤਾ ਹੈ ਅਤੇ ਹੁਣ ਇਸ ਵਿਵਾਦ ਤੋਂ ਬਾਅਦ ਯੂਜ਼ਰਸ ਰਿਤਿਕ ਦੀ ਫਿਲਮ ‘ਤੇ ਆਪਣਾ ਗੁੱਸਾ ਕੱਢ ਸਕਦੇ ਹਨ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਇਸ ਵਿਵਾਦ ਤੋਂ ਬਾਅਦ ਰਿਤਿਕ ਰੋਸ਼ਨ ਦੀ ਆਉਣ ਵਾਲੀ ਫਿਲਮ ‘ਵਿਕਰਮ ਵੇਧਾ’ ਦਾ ਕੀ ਹੁੰਦਾ ਹੈ।

The post ਰਿਤਿਕ ਰੋਸ਼ਨ ਦੇ ‘ਮਹਾਕਾਲ ਕੀ ਥਾਲੀ’ ਦੇ ਵਿਗਿਆਪਨ ‘ਤੇ ਖੜ੍ਹਾ ਹੋਇਆ ਨਵਾਂ ਵਿਵਾਦ appeared first on Daily Post Punjabi.